تعالوا اخبركم ببعض اعراض الحمل

[ناعسة العين]

السلام عليكم ورحمه الله وبركاته ..

من واقع التجربه بحكي لكم اهم الاعراض للحمل وطبعا بيختلف الحمل من وحده للثانيه واتمنى افدتكم بالقليل

اول شي بعد التبويض مباشرة راح تستمر نغزات المبايض من فتره لفتره حتى قبل الدوره .. طبعا مااستمر الالم . استمرت النغزات اللي بالمبايض .

ووراح تجيك نغزات خفيفه جدا متفرقه بالصدر .

اما درجة الحراره فكانت عاديه جدااا 35.5 او 35.8 من بعد التبويض حتى قبل الدوره بخمس ايام
ارتفعت ل 36.8 وهذا اقصى ارتفاع لها ..

صداع خفيف متفرق وكان مكانه في الحاجب وفي المكان اللي تقولي انا حره هههه انا على كيفي .. عرفتوه اكيد .

صار تساقط للشعر بعد التبويض .

ماصار لي جفاف بالبشرة

طبعا اذا اصحى من النوم حلقي يصير فيه جفاف مرررررره مره

جاتلي زي الحساسيه او الزكام ..

وسيلان للانف فتره وفتره عاديه وكلها بعد التبويض ب 3 ايام .

وحسيت وجهي نحيف

كمان عيوني مكان الكحل كانو فيه زي السطر من نفس لون بشرتي وطبعا مااحط كحل

وعيوني فيها لمعه .. وكان عيوني نائمه

ارهاق موجود لكن اذا نمت واكلت يخف كثير ..

احب اتسدح

نوم تحسي عيونك مليانه نوم بس لو عندك شغل او شي تقاومين ..

صدري بعد التبويض فيه ثقل بسيط ماتقدري تفرقي
لكن الصدر في اسبوع الدوره او قبلها بيومين يكون ممتلئ او ثقيل

دوخه خفيفه ..

في الالام في مفصل الورك من قدام تحديد تحت المبايض يجي زي الشد
الالام بالساق

جاني تنميل في قدمي وساقي اليسار استمر ساعات وراح ..

بعد التبويض ماحبيت اطبخ لمدة اسبوع ..

طبعا تكوني مزاجي او مو رايقه اول ماتصحين من النوم .

قبل الدوره بيومين مغص خفيف في بطنك ووخز بالسرة ..




الافرازات بعد التبويض كنت جافه ..
حتى قبل الدوره بثمان ايام نزل علي افراز ابيض افتكرتها دوره ..
بعدها حتى 3 ايام افراز اصفر مع اببض وباقي الايام افراز ابيض ..


الم بجهة الكلى الثنتين يعني الم الخواصر حسيت فيه قبل الدوره ب 3 ايام
الم الظهر ماحسيت فيه الا قبل الدوره ب3 ايام


لون البول تغير قبل الدوره بخمس ايام للون الاصفر الغامق واثناء خروجه كان عندك التهاب حار نوعا ماء بدون الم .






اتمنى افدت ولو بالقليل وفرجت هم البعض ..

[ناعسة العين]

طبعا اول مااصحى من النوم بس ابي اكل شبسات وشطه وكولا

[نوووشا]

تسلم ححبيتي ماقصرتي جزاك الله كل خيير

موفقه ان شاءالله

[إحساس إمرأة]

الله يعطيك العافية حبيبتي

[إحساس إمرأة]

[دلوعة بالحيل]

صحيح كلامك
بس انا فيني بروده مو حراره
و الله يرزقك ما تتمني ي عسل

[ناعسة العين]

صح بروده وقشعريره بالاخص اذا تسبحت والببروده وقت النوم اكثر شي


بس دائما البنات يسالون عن درجة الحراره ترتفع كم ..

[أسيرة زوجي]

مشكورة حبيبتي

ما قصرتي

[υм вtℓαα]

يعطيك العافيية

[bassouma]

يعطيك العافية حبيبتي
ربي يسهل ولادتك