فراقي صار يحلا له ؟؟

[عروستة]

حبيبتي انت زوجك يعتبر مريض حب يحب ينعنش حياته بالحب و كذا و مغازل البنات و للأسف غافل ان هذا حرام

انتي عليك الحين تتناسين سالفة شوي و ما تكلميه او تخانقيه فيها لأنه شي مهم الزوج عند الخيانه ما تواجهيه

بس عليك انك تسايسيه و تجذبيه بطرق جديده و انا انصحك تروحي لأخصائيه اجتماعيه مشاكل زوجيه عشان تحل مشكلتك خطوه خطوه لأنه زوجك يبغاله تعامل خاص و علاج عن طريقك بدون ما يحس ..



صدقيني اتكلم عن جد لأني انا دارسه دورات عند خبيرات اسريه و كانوا يقولوا من اسرار نجاح العلاقه الزوجه عندما يخون الزوج عدم المواجه ولكن التفنن في ارجاع الزوج لزوجته


و شوفي ترا والله زوجك ناقصه تجديد و لا الي عند عشيقته الحقيره موجود عندك مافي فرق و الجنس نفسه مافي شي غير بس هو يبغالك تتعاملي مثل تعامل العشيقات

و طبعا انصحك انصحك انك تتفرغي لزوجك بس بشرط من غير مايحس انك وراه و تغيرتي عشانه بالعكس اثبتي له انك مستقله و انك ماعاد تكلميه بموضوع خياناته لك


وانك اهم ماعندك ولدينك حافظي عليهم حتا لا يصيرو مثله صدقيني زوجك شوي شوي بيمل من القرف الي عنده


بس انتي اصبري و خليك مثل الحبل مره تبعدي عنه و مره تذوبيه بدون مايحس انك قاصده بس خلي تطوراتك شوي شوي لأنه هو هالفتره حاط باله منك و مبيت النيه انج راح تسوي شي ضده او ضد عشيقته


و ابشرك حتا عشيقته الكلبه اكيد تتكلم فيك كثير و هي حسبي الله عليها خرابة بيوت ياربي والله منقهره عشانك ..


كذلك انصحك لوجه الله انك تتقربي من ربك عشان يساعدك في مصيبتك ذي و يفرجها عليك


و زوجك يبغاله علاج بس بطريقه فنيه حتا يجري وراك لأنه النظام الزوج المخ يحب مرته الاؤلى و حتا اذا تزوج ذي الخايسه لا سمح الله راح يخونها لأنه شي بنفسه ناقص و ممل و العلاقات ذي ممله مافي تجديد يعني كلام و غزل و مواعده و بعدين مافي كل عذا عايشه معاك و اول شهوه مجربها معك


انتي عالجيه بسياسه و اضيف اهتمي بشكلك و لبسك بطريقه غير مباشره



و اذا كنتي من سكان الشرقيه قولي لي عشان اعطيك رقم اخصائيه مشاكل زوجيه تحل من بعد الله مشكلتك بس عليك التوكل بالله و اخذ اسباب


الله يعين ياربي و انا نصحتك احتسبها لربي دعواتك لي بحلم حياتي الذريه الصالحه و الحمل عاجلا يارب