اخذ حبوب منع الحمل وانا مشتهية الحمل

[يقيني فالله]

حبيبتي انا اول ما اتجوزت كانت بدايت رحلتي مع العلاجات اني اكتشفت كيس علي المبيض اليمين نفس حجم كيسك ده تقريبا واخدت حبوب منع الحمل شهر واحد وراح متقلقيش بأزن الله مش هتحتاجي اكتر من شهر والدكتور اللي رحتله التاني قالي اللي حجمه اكبر من اربعه هو اللي بنخاف منه ونعطي حبوب منع الحمل وبيكون عامتا كيس وظيفي بيظهر ويختفي مع الدوره وبعدين بعد ما اخدت الحبوب بتاعت منع الحمل دي قعدت يمكن تلت شهور وطلعلي كيس تاني اكبر من الاولاني ضعف حجمه تقريبا حوالي سته في اربعه وكانو قلقانين انه فيه ماده صديديه ومينفعش غير عمليه وقالولي ممكن يكون ورم كمان وسبحان الله كتبولي علي اشعة رنين مغناطيسي علشان يحددو الماده اللي فالكيس وعلي اساسها هعمل عمليه والا لا وسبحان الله علي ما رحت اعمل الاشعه كان نزل لواحده انا طبعا طولت عليكي بس عارفه ان الواحده بتبقي محتاجه تسمع تجارب عمليه تحس ان فيه حد زيها انا الحمد لله بقالي ست شهور في المنشطات ومطلعليش اكياس تاني بس محملتش لحد دلوقتي لاني عندي تكيسات وانبوب مسدود ربنا يرزقنا جميعا يارب وانت خلي املك فربنا كبير واستغلي الشهر ده فأنك تققربي من ربنا اكتر وتعيشي انتي وجوزك في هدوء بال وبالنسبه للعلاقه المفروض متكنش علشان هدف الخلفه بس انتو عيشو حياتكم عادي وطالما اخدتي الحبوب دي مش هيحصل حمل الشهر ده ربنا يكتبلك الخير يا حبيبتي واسفه مره تانيه اني طولت عليكي