المساعده يا اهل الخبره و الحكمه ...

[@حظ عيني لوتشوفه@]

ياختي الحريم مساكين وحده تشكي زوجها برا البيت 24 ساعة ووحده تشكي زوجها قاعد بالبيت 24 ساعه ، لكن لو نتخير بين الثنتين اكيد نختار القعدة بالبيت عن الطلعات الي ما يجي من وراها الا وجع الراس ، وماشاء الله عيالك الله يحفظهم لسا صغار وما ينتركون لوحدهم لذلك استغلي هالشئ مثلا قولي له عندي غسيل والولد يصيح تمسكه ولا تكمل الغسيل أو الولد يبي يرضع والشاي على النار ترضع الولد ولا تزين الشاي وهكذا خليه يشاركك الشغل بطريقة غير مباشرة ، لا تخلينه يحس انك قاعدة تلقين اوامر لامور يشوف انها من مسؤولياتك مو مسؤوليته ولا تتذمرين من فوضويته وتطنيشه باستمرار وبوجهه حاولي تغيرين بطرقك واساليبك
كمان ممكن تستخدمين معه طريقة التشويق والمفاجآت يعني تقولين له (الله يعافيك ساعدني بالتنظيف وعندي لك مفاجئة)
وانتي وشطارتك بالمفاجآت (مره مساج ، ومره استرخاء بالبانيو ، ومره حلى وقهوة لو كان من محبي الحلى ، ومره أكله يحبها ، او تعزمينه على العشاء ، وغيرها كثير
وانتي تقولين انه يحب تجلسين تسولفين معه برضوه استغلي هالشئ وقولي له (عندي شغل وودي اسولف معك عادي حبيبي تساعدني عشان اخلص بسرعة واجلس معك) ، أو تقولين (وش رايك نجرب نسولف عند المجلى انا اغسل الصحون وانت تنشف)
الله يسخره لك ، بس هاه حبيبتي لو ضبطت معاك لازم تدعيلي وتعلميني وش صار وياك هههه