ما هي أهم الأسئلة بين المخطوبين

[Flower Nectar]

مرحبا صبايا

معليش ربشتكم معي ... بس شو أهم الأسئلة يلي بيسئلوها المخطوبين

لأني ما خليت سؤال إلا و سئلته

و ما خليت إنترنت و مواقع إلا وأخدت منها ....


وماصارلنا أسبوع مخطوبين و خلصت الأسئلة -_-

إللي بيخطر ببالها سؤال ... تساعدني الله يوفقها دنيا وأخرة و يحققلها كل إللي بتتمناه

بركي إستفادوا باقي الصبايا كمان إللي رح تنخطب لبعدين

شكرا إلكن كتير

[jojo 123456]

اول مبرررررررررررررررررررروك حبيبتي
ثاني شي خلي كل شي طبيعي لا تحاولي توضبي الاسئلة والحكي
ثالت شي بس تتعودي على خطيبك رح تصيري سلسة اكثر بالحكي
رابع شي لا تاخدي كل اجوبته بجدية ههههههه ما بدي خوفك كلام المخطوبين كله عسل وشهد حتى لا تتفاجئين بعدين
موفقة حبيبتي

[Flower Nectar]

يالهوي

هههههههههههههههه

ممكن يتغير بعد الزواج ؟ و يصير إنسان تاني.؟

طيب على هيك فترة الخطوبة مالازم تطول إزا هيك هيك رح يتغير :(




شكرا كتير جوجو الله يسعدك حبيبتي ... والله يبارك بعمرك يارب

[Flower Nectar]

أنقذوني

اليوم رح يزورني ... ماذا أفعل -_-

[سهام فرنسا]

حبيبتي أنا لي أقدر أقلك عليه أنو خليكي طبيعية و جدا جدا جدا و أطلبي منو يكون طبيعي كمان مشان ما تعطو لبعض صورة مثالية و بعدين لاسمح الله تنخدعو
السر هو أنكم تكونو طبيعيين و عن تجربة
موفقة حبيبتي

[-قطر الندى-]

هههههههه عفواً بس ما بعرف ليش عم اضحك انشالله الف الف مبروووك حبيبتي
يفضلر تضلي ساكتة و ما تسألي مشان توقعيه مزبوط بالفخ ههههههههه
لاحقة بكرة بتصرعيله راسه بعد الزواج و بتلاقي الحكي عم ينبع نبع

دمتِ بود ,,

[Flower Nectar]

المشاركة الأصلية كتبت بواسطة سهام فرنسا

حبيبتي أنا لي أقدر أقلك عليه أنو خليكي طبيعية و جدا جدا جدا و أطلبي منو يكون طبيعي كمان مشان ما تعطو لبعض صورة مثالية و بعدين لاسمح الله تنخدعو
السر هو أنكم تكونو طبيعيين و عن تجربة
موفقة حبيبتي

تسلمي سهام ... بس كمان حابة أعرف عنو كل شي كيف ... و هوي خجول و مابيعرف يحكي عن حالو هههه .. بدي أسئلة تخليه يحكي عن حالو بعفوية

المشاركة الأصلية كتبت بواسطة -قطر الندى-

هههههههه عفواً بس ما بعرف ليش عم اضحك انشالله الف الف مبروووك حبيبتي
يفضلر تضلي ساكتة و ما تسألي مشان توقعيه مزبوط بالفخ ههههههههه
لاحقة بكرة بتصرعيله راسه بعد الزواج و بتلاقي الحكي عم ينبع نبع

دمتِ بود ,,

ههههههههههههههه

دوم الضحكة يارب ... بس أنا كمان مابحكي كتير و لما أجى أول مرة ضلينا نحكي بالسياسة ههههههههههههههه

يعني موضوع خارج عن نطاق موضوعنا

لهيك بدي أسئلة تخليني أطالع كل شي جواته


شــــــــــــاكرة مروركن حبيباتي

[Flower Nectar]

عندي مشكلة مع خطيبي و زاعجتني كتير

قبل ما يخطبني (بالشوفة الشرعة ) جاب معو حلا

و أجى بعدها مرتين كمان قبل الخطبة ليفصلوا المهر ... ما جابوا شي

و هلأ أربع مرات أجاني بالخطبة و لا جاب شي معو

كيف أسئله بشكل غير مباشر إزا هوي بخيل أو لاء

أنا حاسسته فاهم علي وبيستهبل

علما بأنو ماعندو أخوات ... لكن عندو أمه .؟! لهالدرجة ما بتعلمه ؟


و أنا والله العظيم مو قتلانة على الهدايا ... بس فشلني قدام أهلي و صرت أستحي منهم


ماذا أفعل

[Flower Nectar]

تم عقد القران

1-7-2014

إدعولي بالتمام بالخير يا حبيباتي


وشكرا لكل من دعمني

[Flower Nectar]

الحمدلله تزوجنا ... على خير :)
.
.
شكرا لكل الصبايا إللي ردوا عليي :)
.
.
تسلمولي