مفعول الابره التفجيريه 5000 راح مني بسرعه تعالو شاركوني بتجربتكم

[مادونا سعوديه]

السلام عليكم ورحمة الله وبركاته
اهلين بنات كلكم ومسائكم خير ومسره
من خمس ايام رحت للدكتور وشفت التبويض وقال تعالي الصبح علشان يعطيني ابره تفجيريه قوتها 5000 بس انا ماقدرت اروح الصباح رحت العصر واخذت الابره بس الغريب اني بعدها بكم ساعه ماحسيت بشي ابد لاني من قبل اخذت الابره مرتين وبعد الابره تقريبا ب14 ساعه او اكثر احس بنزول البويضه بس هالمره غير وبعد يوم سويت تحليل حمل علشان اشوف انه يبان الخط الثاني ولا لا بس المفاجئه مافي ولا خط ثالث يوم سويت تحليل حمل علشان اتاكد انه مغعول الابره موجود داخل جسمي طلع خط خفييييييييف جدا ورابع يوم سويت بعد تحليل ماطلع ولا خط انا انجنيت معقوله مفعول الابره راح بهالسرعه ولا الابره التفجيريه منتهي صلاحيتها والله ماني فاهمه طيب في وحده صار معاها مثلي صرت اوسوس واهوجس وقمت افكر ممكن ان البويضه انزلت الصبح والعصر انا اخذت الابره التفجيريه
بنات انا اسوي تحليل الحمل وانا اخذ الابره التفجيريه علشان اتاكد من وجود الدواء في جسمي مو علشان اعرف اذا فيه حمل اولا لان ممكن بعض البنات يستغربون ليش اسوي تحليل حمل

[مادونا سعوديه]

لا اله الا الله

[مادونا سعوديه]

شكرا لكم جميعا على عدم الرد والتطنيش الدائم

[فاقدة بنتها]

حبيبتي ربي يرزقك الحمل السليم والله ماعندي خبره ..

[حياتي توأمي]

ياحبيبتي
لاتاخذي بنتيجه التحليل ابدا إلا بعد مرور 11 يوم من هالجرعه
كتتجربتي الشخصيه عطاتني من سابع يوم لحد 10 ايام بعد الابره كله ايجابي
وبيوم 11 صباحا عطاني سلبي وتحطمت
رجعت من الفضول سويته بيوم 11 مساءا طلعولي الخطين لكن خفيف
رجعت اتأكد بيوم 12 ظل الخط ولا راح الحمد لله وطلعت حامل
يعني لاتثقي بكل هالايام موجود الهرمون او موموجود بجسمك لاتهتمي خذي بالنتيجه الاكيده اللي بعد 11 يوم من هالجرعه
لأن جرعتي كانت مثلك
كانت 5000
ثانياً ياحبيبتي كيف تعرفي اذا نزلت البويضه او لا
هذا ماتعرفيه العلم عند الله
بس ممكن في دلالات من افرازات ونحوه
اانتي المهم لاتشغلي نفسك حالياً سوى بالاستغفار كثري استغفار لحد يوم النتيجه وربي يفرح قلبك يارب

[مادونا سعوديه]

المشاركة الأصلية كتبت بواسطة حياتي توأمي

ياحبيبتي
لاتاخذي بنتيجه التحليل ابدا إلا بعد مرور 11 يوم من هالجرعه
كتتجربتي الشخصيه عطاتني من سابع يوم لحد 10 ايام بعد الابره كله ايجابي
وبيوم 11 صباحا عطاني سلبي وتحطمت
رجعت من الفضول سويته بيوم 11 مساءا طلعولي الخطين لكن خفيف
رجعت اتأكد بيوم 12 ظل الخط ولا راح الحمد لله وطلعت حامل
يعني لاتثقي بكل هالايام موجود الهرمون او موموجود بجسمك لاتهتمي خذي بالنتيجه الاكيده اللي بعد 11 يوم من هالجرعه
لأن جرعتي كانت مثلك
كانت 5000
ثانياً ياحبيبتي كيف تعرفي اذا نزلت البويضه او لا
هذا ماتعرفيه العلم عند الله
بس ممكن في دلالات من افرازات ونحوه
اانتي المهم لاتشغلي نفسك حالياً سوى بالاستغفار كثري استغفار لحد يوم النتيجه وربي يفرح قلبك يارب

تسلمين حبيبتي حياتي توامي كنت عارفه انه ماحد راح يعبرني ويرد علي غيرج ياربي تولدين وتقومين بالسلامه يارب

[المزه نوسه]

حبيبتي انتي كم لك الحين من الابرة ؟؟
انا ماعندي اي خبرة وهالشهر اول شهر اضرب الابرة و انا زيك موسوسه اني ما اخذت جرعة كافية والله يستر علينا و يرزقنا الذرية الصالحة يارب

[مادونا سعوديه]

المشاركة الأصلية كتبت بواسطة المزه نوسه

حبيبتي انتي كم لك الحين من الابرة ؟؟
انا ماعندي اي خبرة وهالشهر اول شهر اضرب الابرة و انا زيك موسوسه اني ما اخذت جرعة كافية والله يستر علينا و يرزقنا الذرية الصالحة يارب

اليوم السادس من اخذتها بس ماحسيت بنزول البويضه لاافرازات ولا الالم الي يجي ياربي خايفه ان البويضه مانزلت بغيت اروح اراجع الدكتور في اليوم الرابع اشوفها انزلت ولالا بس صارت لي ضروف ماقدرت اروح

[سجوود]

ياااااا حبيبتي احنا مع الوقت حنبقا دكتوراااااات هههههه و الله انا كنت مفكرة انو بس انا اللي كده بس لسة ما ابتديت بالابر التفجيرية
بس حبيت ادعيييلك ربنا يرزقك و يرزقني معك و كل مشتهية ياااارب