تجربتي مع الإبر المنشطة وإبرة التفجير

[houdhoudoun]

السلام عليكم
ألف ألف مبروك أختي Huyam الله يسر لك أمورك و- يتمم لك على خير
أختي أنا كمان سار لي تاني شهر عم باخد منشطات أول شهر أخدت ابر جونال ف 112،5 لمدة 9 أيام الحمد لله كانت في إستجابة كتير ممتازة وأخدت إبرة تفجيرية برجنيل 5000 لكن ماصار حمل لكن أنا عندي مشكله تكيسات المبايض وكان عندي هرمون الحليب كتير كتير مرتفع أكيد هدا كان سبب إنو مسار نصيب
الشهر إلى بعدو أخدت راحة يعني ماخدت شي إلى دواء هرمون الحليب
وبالفعل هدا الشهر والحمد لله سويت تحاليل هرمون الحليب انخفض كتير سار 1.75 بدل مكان 88.98 يعني سار كتير ممتاز ابتديت الابر مرة تانية لكن بقوة أكتر 150،00 لمدة 9 أيام سر إستجابة جيدة جداً 7 بويضات كلهم ممتازين واعطاني الطبيب إبرة تفجيرية، أخدتها و أنا عم بستنا سار لي 7 أيام من أخدتها والحمد لله الطبيب كتير متفائل وقال طبيا كلشي ممتاز عندك ومستعد لكن قدرت الله فوق كل شي
كلامك أختي كتير فرحني واعطاني آمل يارب أكون حامل هدا الشهر يا رب كتير خايفة إن إضطر أعيد الابر مرة تالتة كتير سرت متوترة وكمان تمنها كتير غالي
الله يسر أمورنا يا رب و- يعجل لينا بخبر حملنا يارب
أختي انتي لما تاخدين الإبرة التفجيرية بتحسي بالأم إتجاه المبيضين والبطن أنا كتير بحس حالي منفوخة وبطني مشدودة على الأخير خصوصاً لم تكون 36 ساعة بعد الإبرة
شو رايك أختي
وألف مبروك مرة تانية