حملت مرتين طبيعي والثالث حقن مجهري !ابغى نصيحتكم

[صدفة عمر]

::


مساء الخير

حبايبي قصتي عندي بنت وولد جبتهم طبيعي ولله الحمد

بدون لا تنشيط ولا مستشفيات ولا تعب الحمدلله ربي يحفظهم لي

ولدي الصغير عمرو يحين 6 سنوات طولت متحملت

تركت المانع لي سنه المانع طبعا كان عزل

وبعد روحات للتمريخ وبعدها للمستشفيات

قالوا لي احتمال عندك مشكلة في الأنابيب ولازم صبغة للرحم

وسبحان الله دايم ادعي ربي اذا مافيه شيء ألهمني ولا تعذبني في ذريتي

لان متيقنة مافيه شيء

وأعطتني موعد لاشعة الصبغة قلت لها طيب كل احتمالات اللي تمنع الحمل مني أنا

طيب سوي لزوجي تحليل عشان ما أسوي أشعة الصبغة وآخر شيء يطّلع مو مني التأخير

سويت لزوجي الصدمة !!!!


















عدد حيواناته اقل من 2 مليون كيييف وانا عندي طفلين يارب ما ارحمك

الدكتورة مستغربة طبعا زوجي ما يدخن وكان سمين ونحف

يعني المفروض العدد يزيد مو يقل

بعدها بشهر عاد التحليل وطلعت 4 مليون وأغلبهم ضعيفه 75٪


قالت لي الدكتورة انسب شيء لكم الحقن المجهري يارب لا اعتراض ع حكمك

والمبلغ للحقن 18 الف ريال سعودي


وراح تبداء معاي بعد أسبوع موعد دورتي باْذن الله

خايفة ،،،، ومتفائلة ومتوكلة على ربي شعور ما ادري كيف اوصفة

مين زيي حملت طبيعي وبعدين حقن مجهري !

أنا اللي اسمع وأقراء العكس بعد الحقن تحمل طبيعي مو مثل حالتي ؟!

لا اله الا انت سبحانك أني كنت من الظالمين

اللهم لاتحرمني ذريتي وارزقني الحمل السليم المعافى التوئم الذكور


دعواتكم لي غالياتي


::

[حياتي توأمي]

حبيبتي من رأيي تعطوا لنفسكم فرصه بمعنى انكم عرفتم من عن مين سبب التأخير ، فليش الحقن المجهري وبامكانه زوجك العلاج شهر شهرين او حتى ثلاثه

خليه ياخذ فيتامينات وادويه تعالج حالته ويروح عند دكتور مختص وجربوا

ولو مافاد ساعتها ممكن تسوون الحقن

ماعتقد انتي بحاجة له لأنك حملتي قبل ماشاء الله طبيعي مرتين

فاتوقع ان زوجك محتاج علاج وراح يرجع احسن من قبل


موفقة

[υм вtℓαα]

خيتي خليه ياخذ وصفه نزيد عدد الحيوانات وان شاء الله ربي بيرزقكم ويعوض صبركم

[بحــ العيون ــــــــر]

الله يرزقك ياارب والبنات مااقصرو معك ياالغلا

[jojo 123456]

جارتنا عندها بنتين وكانت تحاول تحمل طلع العدد عند زوجها قليل جدا شبه منعدم ومع الادوية تحسن زوجها ورجع العدد طبيعي وحملت

الافضل تأجلي العملية شهرين ثلات وخليه ياخذ خلطة العسل

[رحيل بعالم النسيان]

انا سبق ليه حملت مراين طبيعي واصغر واحد فيهم عمره 12سنه وبعدها ماعاد صار حمل والسبب كان مشترك انا خفيت الحمدلله بس زوجي مع العلاج والخلطات تحسن لكن قليل وماصار حمل اول العدد عنده 3مليون وبعد العلاج اصبح 9مليون ومعاد ارتفع نهائي وفوق هذا عنده زوجته ام عياله الاولى وهم ماشاء الله عنده اولاد منه مثل العسل ماشاء الله عليهم ومع كل هذا ماكان قدامي الحمل الا باطفال الانابيب راح تمري وانا اعالج اذكر اول مابديت بالعلاج عمري25 سنه هالحين عمري قرب35سنه ربي لك الحمد حاليا انا حامل بعد اطفال الانابيب حقن مجهري بالشهر الثالث ونص

[قلب سعيد]

حبيبتي انابقولج سالفتي بس ادعيلي الله يعيني ع تربيتهم ولايحرمني اناوزوجي من نعمه الحمل والذريه انازوجي عنده دوالي وخربطت هرمونات وعالج كثيروكل دكتوريعطيه شي وبعدسنتين طلعت دوالي واول كان العدد١٠مليوناو ٥والسرعه قليله وتشوهات الفحوصات متذبذبه المهم عمل العمليه وعادالفحص كان صفرواخذكورس فيتامينات مع نولفادكس لانه هرمون الاف اس اتش مرتفع ومعرف انه معناته سن ياس مبكررغم انه زوجي صغيرمره بس واضح انهاعين المهم وعادالفحص بعدشهرين وكان بعدصفروفي الشهرالي بعده الدكتورزودالجرعه واضاف فيتامينات اكثروزوجي واضب على رقيه الفجروالمغرب مع دعاءونفث لانه كان متفرغ لانه مستقيل من دوامه وبداءيحس بحراره فضيعه وجسمه تكسروخاصه ظهره لاسبوع كامل وع فكره كان زوجي دايمايحتلم مع وحده دايماتجيه مره عيوزومره شباب وكذاالمهم استمرعليهاوعلى القسط الهندي والادويه وانااخذت القسط الهندي بس مع الاستغفاروالدعاءوفي خلال شهرصارالعدد٢مليون والحركه والتشوهات طبيعيه المهم قاله واصل والشهرالي بعده كان لازم يفحص كمان المهم فحص تاريخ ٢٥/١٠وكان العدد٥مليون والدكتورفرح قلتله شورايك اتابع التبويض قالي حلوبس بعدهاقلتله ممكن بعدكم شهريزيدوااكثروخلال كم شهراكيدبحمل واوصي امي تدعيلي وتقوم قيام الليل علشاني المهم تاريخ ١٠/١١بعدالفحص باسبوعين تاخرت الدوره وكنت تعبانه فحصت دم سلبي واخذعلاج لتعب وبعداسبوع قلتله احتياط ابي تحليل فجاب تحليل وظهرالخط الثاني بسرعه وكنت حامل وزوجي عادالفحص وكان ٦مليون بس وترك العلاج����والحمدلله ولدت وجبت ولدبس توفى في الاربعين كان عنده صمامات ف القلب وفتحات الظاهركان من المضادات الحيويه لم ظهرالفحص سلبي ورجعت حالات زوجي اتتكست واهمل الرقيه وكل شي ورجعن الدوالي والدكتورقال خلاص العمليه مامنهافايده وبعدسنتين ونص من ولدتي عملت حقن مجهري عن عصمت القضاه في الاردن وكان فحص زوجي يادوووب مليون وتشوهات والحركه والحمدلله الله اكرمني ماشاءالله لاقوه الابالله اذكرواالله وادعولهم بصلاح والهدايه والله ييسرامورناويهدي سرناولدين وبنت وكان محديعرف بالحقن غيرامي وخواتي امااهله والناس لاوالحين عمرهم ٦شهورمتعبين جدااااتعبانه واتمنى ذكريات اول استغفرالله ههههه خاصه اني بروحي بدون شغاله وعمري حاليا٢٣وعندي اجنه مجمده وبعدسنتين ان شاءالله اذاالله ارادوييسرالاموربحارل ارجعهم وياااااارب يكونواممتازين ويثبتواويكرمني بتوام كمان اوحمل طبيعي يارررب لايحرمني ولايحرمج ولايحرم احدمن الذريه دعواتج

[فداك الكون]

حبيبتي انا برأيي ان العمر بيمشي
فتوكلي ع الله وشوفي الحقن

[صدفة عمر]

المشاركة الأصلية كتبت بواسطة حياتي توأمي

حبيبتي من رأيي تعطوا لنفسكم فرصه بمعنى انكم عرفتم من عن مين سبب التأخير ، فليش الحقن المجهري وبامكانه زوجك العلاج شهر شهرين او حتى ثلاثه

خليه ياخذ فيتامينات وادويه تعالج حالته ويروح عند دكتور مختص وجربوا

ولو مافاد ساعتها ممكن تسوون الحقن

ماعتقد انتي بحاجة له لأنك حملتي قبل ماشاء الله طبيعي مرتين

فاتوقع ان زوجك محتاج علاج وراح يرجع احسن من قبل


موفقة

اكيد راح نبداء كورس علاج وفيتامينات وعسل وحبة بركة وحجامة وربي يختار لنا الطيب

تسلمي يا عسل ربي يسعدك

[صدفة عمر]

المشاركة الأصلية كتبت بواسطة ام بتلاء

خيتي خليه ياخذ وصفه نزيد عدد الحيوانات وان شاء الله ربي بيرزقكم ويعوض صبركم

اللهم امين يا عسل تسلمي