تكفون اللي جربت الولادة بمستشفى مدينة الملك فهد الطبية تدخل

[مجوووده]

السلام عليكم ورحمة الله وبركاته

مراحب ياحلوت
انا بالشهر الخامس
وهذا اول مولود لي
ولاعندي ملف بأي مستشفى حكومي
اخذت امر من الاماره
بمستشفى مدينة الملك فهد الطبية



اول شي انا ماعندي واسطه
بالنسبه للمواعيد تتوقعون متى يعطوني موعد عشان يتابعون معي الحمل بدون واسطه

والسؤال الثاني
كيف الولاده والاهتمام والرعايه والخياطه
تمام شغلهم ولالا

وكيف اكون بغرفه خاصه


تكفووون ردوووا او ارفعوا الموضوع

[مهره الدنيا]

يارب بنات الرياض يفيدوكي يا عسل

والله يسهلك ويقومك بالسلامه

[مجوووده]

الله يسلمك ويعطيك العافيه عزيزتي مهووورة الدنيا
وان شاءلله يفيدوني البنات

[نور العيوووووون]

انا ولدت فيها باثنين من اطفال
المتابعه بعد الموافقه على الامر من الاماره بيعطونك مووعد مو قريب يمكن بعد شهر وعقب يبدون زيارات المتابعه بس متباعده اذا الحاله ماتستدعي والولاده فيها مرررره حلووووووه والاطباء مشاء الله وفيه اهتمام شديد جداً والغرف فيه حلووه بس غرفه خاصه اذا تبين صعب يوفرون لك الا اذا واسطططه مرررره مررره قويه يمكن تقدرين او انك تدفعين 600 ريال زي ماسمعت وتكونين بخاصه

[فوضت امري لله]

اختي وخالتي ولدو فيه

جداااااااااا يمدحونه اهتمام وعنايه خاصه

واذ رزقتي بولد يطهرونه قبل خروجك

[مجوووده]

نور العيون & فوضت امري لله
اهلين فيكم واشكركم بجد فرحتوني الله يسعدكم



طيب والخياطه عندهم كيف كويسه ولا اي كلام لان اذا مو اوكي الخياطه اكيد بغير المستشفى

[ام التوينز3]

انا ولدت فيه اولادي الاثين وكان مره ممتاز هذا قبل 10 سنوات الان اسمع كثر ما يمدحونه وانتي استخيري والله يسهل لش

[مجوووده]

مشكوووره ام التوينز علو مرورك
وان شاءلله يصير الوضع حلو على حظي

[فوضت امري لله]

ياقلبي اختي تمدحه وتمدح الخياطه والتعامل جدااا رائع



استخيري الله وشوفي

الله ييسر امرك ويهون عليك

[حسايف]

ياقلبي مره الولاده فيهم حلوه
وانا ولدت فيها لي 11 شهر تقريباً
مره حلوه حتي خياطتهم وتعامل الممرضات في الولاده خاصه الفلبينيات والجنسيات الثانيه
اما الراجعه وصلت اوراقي لهم الشهر السادس
وحطو لي موعد بعد شهر ثم بعد كل 3 اسابيه
ثم بعد كل اسبوعين لين ولدت عندهم
وترا كل مراجعه يختلف الدكتور