حامل وحرارتي مرتفعه

[الفراولة الحمرا]

السلام عليكم ورحمة الله وبركاته ..
كيفكم .. بغيت اسألكم أنا حامل في بداية الشهر الثاني تقريبا وكثير أحس أن درجة حرارة جسمي مرتفعه .. فهل هذا الشي طبيعي ؟؟ وايش العمل ؟؟
وربي يجزاكم خير .

[يارب ترزقني بطفل أضمه]

عمري هاريام درجة الجو حارة ياقلبي ان اذكر اختي يوم كانت حامل كانت ترتفع درجة حرارتها بس انا انصحك ياقلبي لو رحتي موعدك تقولين للدكتورة وانشالله الاخوات الحوامل يشاركونا بتجاربهم

[هنوسه]

مرحبا ..
ماتشوفين شر ان شاء الله.. بس حبيت اقولك اذاعندك التهابات هي ترفع درجة الحراره انا تنوم سبوع ببداية حملي بالمستشفى بسبب الاتهابات وكانت درجة حرارتي مرتفعه فنصيحه روحي للمستشفى وتطمني على حالك وطمنينا..

وماتشوفين شر..


اللهم عجل ولادتي من غير شر يااااااااارب.. دعواتكم..

[الفراولة الحمرا]

تسلمو اخواتي ماقصرتوا ..
والباقي ويننننننننننننننننننننننننننننننكم ؟؟

[**سماسم**]

إرتفاع درجة الحراره في الشهور الأولى قريت أنها من علامات الحمل وإن شاء الله ماتشوفين شر وربي يتمم حملج على خير ويقومج بالسلامه أنتي ونونو
,,

[demoshka]

حبيبتي اذا حاسة جسمك سخن وايديك باردة بيكون حرارة

اما اذا ايديك سخنين وحاسة بالحرارة بتكون حرارة عادية

علاج الحرارة شرب الماء بكثرة واغسلي وجهك كل ساعة بالماء البارد

وبس

سلامتك

[شموسه]

حبيبتي سامتج


اكلي عدل علشان تروووووووووح حرارتج

انا صار معاي مثلج ورحت لمستشفى وعطوني دريب المغذي وحطو على راسي كيس ثلج

روحي اخذي مغذي واكلي اهم شي اول 3 شهور الاولى اهتمي بنفسج يالغلا

وطمنينا عليج علشان البيبي اللي في بطنج

[الفراولة الحمرا]

تسلمو أخواتي عالردود .. وربي يجزاكم خير

[نوخة]

نصيـــــــــــــــــــــــــــحة خذيها مني روحي المشفى على طول اذا ارتفعت حرارتك يعطونك اي شي بس اهم شي تنزل ماابغى اخوفك بس انا صارلي كذا ومن شدة الحرارة صارلي نزييييييييييف ومرررررة تعبت وكنت بخسر جنيني والدكتورة هزاتني اني ماجيت من بداية سخونتي بس الحين الحمد اللة باقيلي يومين واخلص التاسع...اختي انتبهي لنفسك