الولادة في مستشفى التخصصي الطبي بالرياض

[amalaz]

الولادة في مستشفى التخصصي الطبي بالرياض
الولادة في مستشفى التخصصي الطبي بالرياض


السلام عليكم ورحمة الله وبركاته
انا في نهاية التاسع واتابع في المستشفى التخصصي الطبي وحابه أولد فيه بس تخوفت وعيالي الي قبل ولدتهم في الشميسي فياليت الي ولدت فيه من قريب او احد من اقاربها تقولي وش رايها فيه تكفون 😪😔😓😢

[صبآ تركي]

وحده اعرفها ولدت فيه تمدحه .. بس التجارب تختلف

[ام ارجواااااان]

الله يسهل ولادتك ويريح خاطرك ياارب

[حياتي توأمي]

رررفع لعيونك

ان شاء الله بنات الرياض يفيدونك

[بحــ العيون ــــــــر]

http://forum.hwaml.com/t276714.html

[بحــ العيون ــــــــر]

مرحبا اخواتي موضوع جا بوقته دخلت التاسع و لسه متردده في اختيار المستشفى و اهم ما عندي المعامله و العنايه بالمولود و النظافه انا بالاول كنت حاطه عيني على المستشفيات الكبيره و الغاليه بعدها لقيت في المستشفيات الاخرى كثير اخوات يمدحون حسب ما قريب لاني بكريه :
د.ممتازه في دله باكستانيه و اسمها على مسمى .
د.دعاء في مستوصف الجزيره و تحول للمستشفى تبعهم وقت الولاده رحت عندها شكلها طيبه و خلوقه بس لسه بدور غيرها
د.عفاف مصريه و قدييييمه من ايام امي تراجع عندها مشهوره وعليها زحمه ايضا بالجزيره
د.بتول سودانيه في مستشفى الازهار يمدحونها و عليها زحمه و عندهم صفيه و وحده هنديه ايضا بس ما اعرف اسمها
بقية المستشفيات ما عندي فكره عن افضل طبيبه عندهم ولسه جاري البحث شكلي بولد و انا لسه ما حصلت دكتوره

[بحــ العيون ــــــــر]

هل الريااااااااااااض مايقصرون معك
وان شاء الله البنات الي با المنتدى مااااااااااااااايقصرون معك يا الغلا

[صبآ تركي]

كل مستشفى أسأل عنه القى ناس تمدح وناس تذم لدرجة تحتارين وين تروحين .. أنا كنت ناوية على السعودي البريطاني بس اللي خوفني منهم اهتمامهم بالمظهر والديكور مبالغ فيه وخفت يكون هالشي على حساب الخبرة والكوادر واتصلت أسال عن أطباءهم كلهم أخصائيين مافي استشاريين كلهم إجازة حسب كلام الموظفة .. استخرت وبدأت أتابع في التخصصي ونفس الشي فيه اللي يمدحه واللي يذمه مافيه مستشفى محد انتقده او ذم فيه ..
عموما الولادة تساهيل وادعي انه ربي يسخر لك خلقة ساعة ولادتك وان شاء الله خير ...

[بشاير25]

انا مثلك بالشهر التاسع وبولد ان شاء الله بالتخصصي الطبي
صديقتي ولدت فيه بس عمليه وتمدح اهتمامه والعنايه
بس الطبيعي مااعرف واغلب اللي قريت البنات يمدحونه ماشفت ذم عليه

[حبيبة حموودي]

انا والده بالتخصصي جدا جدا ممتاز اهتمام ورعاية للبيبي بعد الولاده
مررره حلويين وممرضات اي وقت تحتاجينهم يجونك واخلاقهم حلوه
ولدت عندهم ولاده طبيعيه وجربت عندهم عملية تنظيف الرحم بعد الاجهاض واختي ولدت عندهم طبيعي وتمدحه بعد وثنتين من صحباتها ولدو فيه ويمدحونه
والولاده توافيق من ربنا