إشتغلت اليوم و جتني آلآم أسفل البطن ⚠

[أم مـــاريا]

مساء الخير
بنات انا اليوم الظهر نظفت مطبخي و كنت اريّح كل كم دقيقه ، لأني انا اصلاً ممنوعه من الحركه بحملي هذا
عشان كذا وقفت دوامي و وقفت شغل باالبيت و حتى طلعاتي ماعادت كثير ماغير مقابلتكم باالمنتدى ☺
اليوم عاد حسيت فيني نشاط ، قمت تحركت شوي ☹
و الحين حاسه من صحيت قبل شوي
فيه الام خفيفه بس موجوده ع طول اسفل بطني
مو زي الدوره اخف ،

مافيه افرازات تنزل زي هذيك اللي لا اشتغلت الحامل والا مشت تنزل عليها
و مااحس باالم في ظهري والحمدلله

بس المغص ذا اقلقني
و مابي اروح للمستشفى لأني كل مارحت اشتكيت بشي سدحوني و حطوا ذيك الحديده و شافوا الرحم مسكر او لأ ..
ماشاءالله شربت الحين عصير رمان حسيت بحركة الجنين يعني ان شاءالله انه بخير ،


بس ذا الالمم وش اسوي به يعني انسدح و ارفع رجولي و الا اريح هالاسبوع كله و الا وشو ؟
اكيد يجي الحوامل هاالغص لما يمشون كثير او يشتغلون
كيف تتعاملون معاه قولوا لي ☺

[حياتي توأمي]

حبيبتي ام ماريا


انصحك تخففي اجهاد هالفترة يعني خذيلك راحة افضل لاترهقي نفسك البيت لاحقة عليه وعلى أقل من مهلك

بخصوص المغص والله ياقلبي وقت حملي كان يجيني المغص لين كملت التاسع يعني المغص طبيعي فترة الحمل بشرط يكون بحدود الطبيعي مو المغص القوي اللي مصاحب دم وغيره بعيد الشر

يعني دام مانزل منك شيء ولله الحمد فلاتقلقي واتوكلي على الله واستودعيه عند ربك الذي لاتضيع ودائعه


موفقة حبيبتي

[عرق الوتين ♡]

انا اريح ولانه كمان انا اتعب بحملي اريح وارفع رجولي ●_● عاد هالحركه اسويها بعد كل شغل وتراني بكريه م عرف للمغوص اول م تمغصني بطني اخذ هالجوال واتصل بماما ولا عمتو هههههههه قالولي انتي كأن محد حمل قبلك

الله يقومك ب السلامه يارب ويثبته
استودعيه مع الله ♡

[نوت "̮]

انا الله وكيلك متعودة علىالم اخر الظهر حتى احسه اشد من الم الدورةوانا الحمدلله في اول السادس بس بحكم شغلي ٩ ساعات من ٧ لحد ٤وارجع البيت اشتغل فيه شوية بس وبعدين اصلي العشا واستنى حضرة جناب النوم يجي الله وكيلك من ساعة ما احط ظهري على السرير لحد ما يجيني النوم اررررق وتعب والم مو طبيعي الحمدلله بس صابره ايش اسوي فترة وتعدي على خير باذن الله .. انتي اهم حاجة لا تتعبي حالك ودام الدكتور الزمك بالراحة وانتي ما تركتي شغلك الا عشان راحتك يصير تصبري الين ربنا يقومك بالسلامة وتولدي على خير وبعدين ابدأي كرف في البيت وارجعي مارسي حياتك طبيعي باذن الله .. دعواتي لك ولكل الحوامل

[υм вtℓαα]

ام ماريا المغص طبيعي خلال فترة الحمل بس اهم شي يكون بدون اي افراز او دم
ودام الدكتور نصحك بالراحه لاحقه ع شغل البيت اشتغلي بس لاتضغطين ع حالك

وان شاء الله مافيك الاالعافيه

[أم حمودي وعبودي]

أنا كان يجيني بداية الحمل على خفيف بس بعدين ما حسيت فيه يمكن لأني أستخدم تحاميل سايكلوجيست مرتين في اليوم
بس هالإسبوع عندي ثقل أسفل بطني وألم على جنب وطلع عندي إلتهاب في البول

حاولي ترتاحي قدر الإمكان وخذي المثبتات لأنها تمنع المغص وإذا ما راح الألم روحي مستشفى ثاني غير المستشفى أبو الحديدة

[أم مـــاريا]

المشاركة الأصلية كتبت بواسطة حياتي توأمي

حبيبتي ام ماريا


انصحك تخففي اجهاد هالفترة يعني خذيلك راحة افضل لاترهقي نفسك البيت لاحقة عليه وعلى أقل من مهلك

بخصوص المغص والله ياقلبي وقت حملي كان يجيني المغص لين كملت التاسع يعني المغص طبيعي فترة الحمل بشرط يكون بحدود الطبيعي مو المغص القوي اللي مصاحب دم وغيره بعيد الشر

يعني دام مانزل منك شيء ولله الحمد فلاتقلقي واتوكلي على الله واستودعيه عند ربك الذي لاتضيع ودائعه


موفقة حبيبتي

انا بعد مااشتغلت ندمت والله
حسيت نفسي تسرعت
والحمدلله المغص زي ماقلتي مو مصاحب دم و لا اي افرازات غريبه


اللهم إني استودعتك جنيني فااحفظه لي ياالله

[أم بذرة]

خفي يا ام ماريا لاحقة عالشغل ،، وماظن انه من التنظيف اذا هو وقت دورتك فطبيعي
وانا من بداية الحمل وانا بدخل قريب الثالث احس بذا المغص بين فترة وفترة ،،
بس انتي راقبي البول ليكون معك التهاب فية ،،
وبإذن الله مافي الا العافية

[أم مـــاريا]

المشاركة الأصلية كتبت بواسطة عرق الوتين ♡

انا اريح ولانه كمان انا اتعب بحملي اريح وارفع رجولي ●_● عاد هالحركه اسويها بعد كل شغل وتراني بكريه م عرف للمغوص اول م تمغصني بطني اخذ هالجوال واتصل بماما ولا عمتو هههههههه قالولي انتي كأن محد حمل قبلك

الله يقومك ب السلامه يارب ويثبته
استودعيه مع الله ♡

هههههههههه لا يحق لك تخافين
ولازم تكونين حريصه اسألي و استفسري ياامي



الله يسمع منك
الله يثبت لنا حملنا جميعاً و يتمم لنا

[أم مـــاريا]

المشاركة الأصلية كتبت بواسطة نوت "̮

انا الله وكيلك متعودة علىالم اخر الظهر حتى احسه اشد من الم الدورةوانا الحمدلله في اول السادس بس بحكم شغلي 9 ساعات من 7 لحد 4وارجع البيت اشتغل فيه شوية بس وبعدين اصلي العشا واستنى حضرة جناب النوم يجي الله وكيلك من ساعة ما احط ظهري على السرير لحد ما يجيني النوم اررررق وتعب والم مو طبيعي الحمدلله بس صابره ايش اسوي فترة وتعدي على خير باذن الله .. انتي اهم حاجة لا تتعبي حالك ودام الدكتور الزمك بالراحة وانتي ما تركتي شغلك الا عشان راحتك يصير تصبري الين ربنا يقومك بالسلامة وتولدي على خير وبعدين ابدأي كرف في البيت وارجعي مارسي حياتك طبيعي باذن الله .. دعواتي لك ولكل الحوامل

الله يعينك و يحفظ لك جنينك ياامي
والله جد تعب مرا دوام و حمل و بيت عليكِ


انا تحمست و تحسفت
الله يلعن ابليس
الحمدلله و ان شاءالله انها عدّت سليمه