تجربة الكلوركس " أنا حامل "

[أرنوبة]

السلام عليكم
اتمنى تساعدوني يا بنات عشان ما يصير فيني زي ما صار الشهر اللي فات وخسرت البيبي :( وهذا بعد مشيئة الله والحمد لله على كل حال
بس انا اخر دورة كانت في 3/ 11/2010
وكنت بشرب البردقوش الى يوم 15 حسب ما قالوا لي
المهم انا اليوم الصباح سويت تحليل الكلوركس قلت بجرب واتفاجأت باللي صار ان اللون صار بني بلون الكراميل زي ما سمعت لو الوحدة حامل
اش رايكم اروح احلل دم ولا استنى لان موعد دورتي 30/11/2010
ساعدوني يا بنات بأرائكم وربي يكتب اللي فيه الخير يا رب

[TOomy]

هذلين تجارب لكوركس والا تبعها كله خرابيط
حبيبتي انتظري موعد دورتك واذا ما جتش روحي حللي بس اهتمي بروحج لانه توج امسقطه

[أرنوبة]

مشكووووورة حبيبتي على ردك
بس تجربة الكلوركس انا مجربتها قبل كثير ما يصير هاللون يتغير ويكون افتح
بس اليوم اول مرة يصير هاللون اغمق مثل الكراميل
وهالتجربة أتوقع إنها صحيحة وبتأكد من صدقها بتحليل الدم
وتسلمين يا عمري على ردك

[روح الفراشة]

هلا أرنوبة
اختبار الكلوركس أبدا مو صحيح
لأن التأثير يعتمد على كمية الكلوركس يعني لو زودتي الكلوركس
بيسير لونه فاتح وأنا شخصيا جربتها قبل الحمل سار اللون مثل الكراميل
ولما حملت جربت الكلوركس والعينة اللي في الثلاجة واللي أتركها 8 ساعات
ما بان الا بالتحليل المنزلي رغم اني حللت يوم الدورة طلع الخط واااااضح
يعني انتظري لموعد الدورة ان شاء الله تبشرينا...

[سحر البراءه]

لا بالعكس انا سويت تحليل الكلوركس
اول زواجي ولا طلع لي تفاعل
ولما تاخرت الدوره برمضان سويت التحليل الكلوركس
واعطى تفاعل وفار بشكل ملحوظ
وسويت تحليل بالمستوصف
وطلعت حامل
ويااااااارب ترزق كل محرومه
ويارب يثبت حملي

[أرنوبة]

أختي روح الفراشة
كلامك صحيح لما نزود كمية الكلوركس يتغير اللون ويصير ابيض
أنا جربت بكل المعايير والطرق صار عندي خبره ههههههههه
بس أنا حطيت اول الكلوركس قليل يعني مقدار غطا تقريبا قبل كان يبقى اللون مثل ما هو
اليوم لا تغيير وصار بني وزودت الكلوركس وصار افتح عشان كذا شكيت
ونورتي يا قلبي

أختي سحر البراءة مشكووورة يا قلبي على ردك والله يثبت حملك يا رب

[rose]

التحليل المنزلي بقيمة قارورة الكلوركس ونتياجه اصح والكلوركس خزعبلات صدقيني
ويارب يرزقك بالحمل السليم

[قمر بنت راشد]

يارب تكونين حامل طمنينا بنتيجه التحليل

[أرنوبة]

أختي rose
مشكوووورة يا عمري على ردك
برايك أسوي تحليل منزلي و بأي جهاز تنصحيني ولا أروح أسوي تحليل دم

أختي قمر بنت راشد
آميييييييييين يا رب
ومشكووووووووووورة يا عمري على مرورك الحلو

[rose]

انا انصحك ياقلبي
تنتظري فواتها وتعملي تحليل الدم
ولو ع الخوف حاولي قدر استطاعتك ماتجهدي نفسك هالفترة عشان لاقدر الله لايصير شي
وربي يوفقك ويرزقك خير