انا واخواتي؟؟؟؟

[فجر الحياة]

السلام عليكم ورحمة الله وبركاته
انا متزوجه من سبعة اشهر عشت مع خواتي وكانوا كل شيء في حياتي وخاصة اننا كنا لا نخرج الا نادر وكانو يمثلون الاخوات والصديقات وكل حاجة مشكلتي بعد ماتزوجت ماقدرت اتركهم ابدا كل يوم وانا عندهم ولا ابغى اطلع من عندهم لدرجت اني اغلب الوقت انوم عندهم واذا رجعت لبيتي اجلس احسب متى اروح عندهم والي زاد علي ان زوجي عسكري ودوامه بعيد عني ياخذ في الطريق تقريبا ساعتين على مايوصل وتعرفون استلاماتهم مره الفجر ومره المغرب مره اخر الليل وكل ماراح يداوم انا عند اهلي اخاف اجلس لحالي لان بيني ماعندي جيران ولا احد واخاف جدا لدرجة اني ابكي اذا دريت انه بيداوم وكل يوم اقول باروح واجلس في بيتي لحالي واذا قررت اجلس شوي وابكي مره واغير رايي بسرعه واذا رجع من الدوام اجلس افكر كثير وبعض الاحيان ابكي بدون سبب مدري ليش اذا دخلت البيت تجيني ضيقه مااقدر اوصلها انا الحين في مشكله اني مااقدر اجلس يوم بدون امي وخواتي والمشكله الثانيه اني مااحب بيتي ولااقدر اجلس فيه وهو يداوم ماادري وش اسوي بحثت كثير مالقيت حل تكفون ساعدوني مع العلم اني حامل في الشهر الرابع الله يجزاكم خير ويفرج لكم..........

[حنين الجنة]

حبيبتى هذا لانك عروس
وانا كانت مشكلتى اصصصصصصصصصصصصصعب منك
لانى بغربة وماعمرى تركت اهلى وفجأة اصير ببلد وهما ببلد
وبعد اللى تعودت على بعدهم شوى صرت احسن
واما الشئ اللى خلانى احب بيتى وماحس انى افتقد اهلى بشكل كبير هى بنتى
انتى ان شاء الله بعد ماتولدى بيملى طفلك دنيتك وبتتغير حياتك 180 درجه
ولبين ماتولدى خل اخواتك اهما اللى يجوك البيت عشان تحبي بيتك اكثر

[سموة الشوق]

وعليكم السلام ورحمة الله وبركاته

أولا مبروووووووووووووك ياعرووووس
ومبروك الحمل والله يتمم عليك بخير يارب ويرزقك الذرية الطيبة من عنده

هذا الشعور اللي تحسين فيه طبيعي يالغاليه
لانك توك عروووس
وبيتك جديد عليك
على بال ماتاخذين عليه يبغى له وقت

وكمان قلتي إنك تروحين لاهلك يوم يكون زوجك بالدوام

زين

دامه راضي مافيه إشكال حبيبتي

ممكن تخلين يوم يجون عندك أهلك يوم يكون بدوامه بالليل ويباتون عندك

وشوي شوي تاخذين على جو البيت الجديد

ويمكن نفسيتك شوي متضايقة حبيبتي من الوحام والحمال وتغير هرمونات جسمك لهالشئ

عادي حبيبتي

لاتضايقين نفسك ولاتكدرين روووحك حبيبتي

وأهم شئ يوم زوجك يكون بالبيت

تكونين واياه وماتقصرين معاه قد ماتقدري
وشغلي إذاعة القرآن الكريم دايما ببيتك حبيبتي

وإقرأي سورة البقرة كل ثلاث أيام ببيتك

ليحفظك ربي

والرقية وأذكار الصباح والمساء لاتنسينها حبيبتي

وأزمة وتعدي إن شاء الله

الله يفرحك ويسعدك ويهنيك

وسلمي لي على الوالدة وأخواتك

فديتهم

[xRano0x]

ماقصررت طيوفه كفت ووفت الله يسعدهاا بس حبييت ادعيلك الله يوفقك ويسعدك حبيبتي ويقر عينك بشووفك طفلك بخير وعافيه والف الف مبروووك حياااتي ..

[ذبول ورده]

هلا بكـ إختي فجورهـ ...أنا كنت مثلكـ و أختي ألحين مثلكـ بس عند أهلي .. يالغاليه هذا شي طبيعي لأننا حاسين بفراغ ونعوض بأهالينا .. لاكن بعد مايكون عندك بيبي خلاص يكثر أشغالكـ وتخف روحاتكـ لأهلكـ .. لاتضايقين نفسكـ حبيبتي مادام زوجك مو متضايق .. وقبل تطلعي من البيت شغلي القرأن سواء كان من المسجل أو التلفاز .......
الله يوفقكم ويسعدكم يارب ...

[ساهره الليل]

فيه حلين الاول اخذى بيت قريب من بيت اهلك والحل الثانى غيرى جو وخلى اهلك هم الى يجونك فى بيتك عشان تتأقلمى على الوضع