قصيدة ام حمدان في ولدها حمدان محزنه جدا

[فديت حبيبي A]

السلام عليــكم .

الأم ماتت والقصيدة سلمها الدكتورلابنها حمدان

هذه قصيدة لأم تعيش في دار المسنين تنثر كل أحزانها بصوت الأمومة لولدها الذي
رماها وتركها من أجل خاطر زوجته التي رفضت العيش مع أمة.....؟؟ وتمر ثلاث
سنوات ولم ترى فلذة كبدها ولو مرة واااحدة فكتبت هذه القصيدة ....

وين انت ياحمدانامـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايا

وهذا مقطع لكم

[سموة الشوق]

الله يرحمها ويغمد روحها الفردوس الأعلى وينور قبرها ويجعلها روضة من رياض الجنة..


مشكوووووووووووووورة حبيبتي عالقصة المؤثرة ..

[فديت حبيبي A]

تسلمين لي ياسموووة الشووق انا بصراحه حقدت عليييه مرررررررره والله يرحمها ويعوضها يوم القيامة خير منه

[العاااالي مستواها]

الله يجعلنا بارين بهلنا حتى يبرون فينا عيالنا


تسلمين على القصه المحزنه

[حبيبت حبيبي]

احس بالم في صدري الله يعيننا يا رب صدق مؤثره
ربي يرحمها ويغمد روحها الجنه
بس ودي اعرف وش احساسه لما شاف قصيدت امه
وربي تشلع القلب
الله يرحمها ويرحمنا
امين

[بنت الجامعي]

يعطيك العافيه

[فديت حبيبي A]

يسلموووووووو ع المرور والله يقدرنا نبر اهلنا ان شاء الله