دهن الجسم بجوزة الطيب وزيت الزيتون والتبخر بالكمون في الشهر التاسع

[سارونة الكويت]

ياااااحوامل وياااااذوات الخبره تعاااااالو بسررررعه


سمعت وحده تقول انها كل حمل لها تولد نص التاسع والسر انها تدهن جسمها بجوزة الطيب وزيت زيتون وتتبخر بكمون بالليل يجيها طلق وتولد

بحثت بقوقل والا فعلا وحده نصحت البنات في الطريقه وجربوها ودخلوو يدعوون لها لانهم ولدو


تكفوووووون اللي عندها فكره والا سامعه عن الموضوع تفيدنا

انا بجربها بس خايفه انتظررررركم

[خـجـ المبسم ـــولة]

والله ياقلبي اول مره اسمع ع هالفكره
والله لوني منك ماجربها الي ربي كاتبه لي بسويها
يمكن وحده تناسب لها والثانيه ماتناسب

والله يهون عليك وعلي والجميع يارب

[سارونة الكويت]

خجوله اهلين حبيبتي انا فكرت اجربها لانها تستعمل استعمال خارجي بس ادهن فيها اما بلع مستحيييل اخاف ع البيبي

الله يهون علينا ويسهل ولادتنا

[شذا]

ياحلو أنا خالتي تقول زمان بعض الناس يستخدمه إذا جاء الطلق تدهن البطن والظهر
والله اعلم ؛؛؛؛؛؛؛؛؛؛
أنا أخاااااااااااااااااااااااااااااااااااف ماستخدمات ولا شيء
بس أفكر أستخدمه إذاحسية باإلم قوي
الله يسهله علينا الولاده يارب والله خايفه

[ام ارجواااااان]

الله يطمنك يارب ويتمم لك على خير
وتفرحي بشوفة جنينك الغالي وتقر عينك به
هذه الاشياء ما جربتها وا اعرفها يمكن احد
من العضوات يرد عليك ويفيدك
بالتوفيق يالغلااااا

[أإأم ع‘ـــزُوـوزُ]

كل حـامل تختلف

[أإأم ع‘ـــزُوـوزُ]

كل حـامل تختلف عن الثانيه وإللي تولد بنص التاسع هذآ مكتوب لها وكله مكتوب من عند رب العالمين فالافضل لا تجربي صبرتي شهور باقي لك شهر اصبري ولا تستعجلي

واهم شي ادعي واستغفري ويارب تولدين بالسلامه

[مرهفة]

توني قارية قصة وحدة متبخرة بكمون صحيح ولدت بسرعة بس سبب نقص اكسجين لطفلها..

يعني تخيلي شكله خطر وبقوووة..

انا من زمان افكر اني اتبخر بعود بس خايفة حيل

[سارونة الكويت]

يسلموووووو ع مروركم فديتكم


لاخلا ولاعدم