بنات انا متابعة للحقن تعالو ساعدوني

[ابتسامتي سر سعادتي]

السلام عليكم ورحمة الله وبركاته
كيفكم حبيباتي اشتقتلكم بس عندي ظروف صعبة شوية ما بقدر افوت

انا اليوم جاياكم وانا نفسيتي مدمرة وتعباااااااااااانة كتير
حاسة الدنيا ضايقة فيا

انا تابعت الشهر هادا من 3 يوم الدورة عند دكتور عشان اعمل تلقيح
رحت واعطاني منشط كلوميد من 3 يوم كل يوم حبة بس وعمل زوجي تحليل وطلع عنده النسبة منيحة بتصلح للحقن
وبلشنا ورحت يوم 11 عشان اصور التبويض
لقى الدكتور 3 بويضات وحدة 12 وحدة 13 وحدة 14
هادا الحكي يوم الاربعا
قالي ارجعي ع السبت عشان نكمل لانه لسة صغار
رجعت اليوم وصور التبويض
والمفاجأة ,...........................



التبويض متل ما هو كل البويضات متل ما هم نفس الحجم ما كبروا ولا مل
انا تدمرت
كتبلي على ابر منشطة اليوم ابرة وبعد بكرة ابرة
اخدت ابرة اليوم ودموعي في عيوني حاسة حالي غير
مش عارفة ليش بصير معي هيك هي تاني مرة اتابع والتبويض يوقف عند حجم معين وما يكبر

امانة يا بنات حد يقولي صار معكم هيك
ادعولي من كل قلبكم اليوم لانه عنجد قلبي حزين جدا جدا
اول مرة احس قلبي ببكي

[جموح الاصايل]

حبيبتي استهدي بالله والله انا كمان عاملة تلقيح وتعرفت على نساء كتير صار معاها الي صارلك ربما او اكيد عنجك تكيس المبايض الي انك opk
يعني البويضات ما يكبرو ولكن يمكن يكبرو في وقن عشوائي
لا تياسي من رحمة الله والله الله عامل لكل شئ سبب ولا نستطيع الاعتراض ادعي الله كل يوم وحاولي مرة اخرى قلبي معاكي

[ابتسامتي سر سعادتي]

حبيبتي الله يسعدك والله بدعي الحمد لله الله يرزقنا وما يحرمنا
يارب الله يرزقنا ويرزقك يارب
بس الدكتور حكالي انه ما في تكيس الحمد لله مشان هيك بدي انجن ما في سبب للي عم بصير
الحمد لله

[ابتسامتي سر سعادتي]

بنات ما بعرف شوووووووووووووووووو يلي بصير
هلأ انا حكتلكم انه رحت السبت وكان التبويض متل ما هو واخدت ابرة منشطة
وكان كاتبلي لدكتور على كمان ابرة يوم الاثنين وصورة يوم الثلاثاء

رحت يوم لاثنين وقلت بدي اصور صورة عشان اطمن انه كبرت البويضة
والمفاجأة كانت انه ......
البويضة نااااااااازلة من يوم الاحد او االثنين الدكتور ما عرف امتى نزلت
وطبعا خلاص راحت علينا التلقيح هالشهر عالفاضي

[زهرة القرنفل]

حبيبتي لا تزعلين لعلو خير لكم ان شاء الله ربنا ما كتبلك الحمل هالشهر ان شاء الله الشهر الجاي تكونين حامل يارب وانا معك وكل خواتنا المحرومات يااااااارب انت ادعي انو الله ييسر الي في خيركم في الدنيا والاخرة ويبعد عنكم كل اذى وكل مكروه وقولي الحمدلله على كل حال لانو احنا ما بيدنا شي غير نتوكل على الله سبحانه وتعالى ونفوض امرنا له وكثري من الاستغفار

قول الله سبحانه وتعالى
(وَعَسَىٰٓ أَن تَكۡرَهُواْ شَيۡـًٔ۬ا وَهُوَ خَيۡرٌ۬ لَّڪُمۡ‌ۖ وَعَسَىٰٓ أَن تُحِبُّواْ شَيۡـًٔ۬ا وَهُوَ شَرٌّ۬ لَّكُمۡ‌ۗ وَٱللَّهُ يَعۡلَمُ وَأَنتُمۡ لَا تَعۡلَمُونَ)

[سمار]

حبيبتي طالعي توقيعك وأمشي على الكلام اللي فيه وتشوفي النتيجه
مستغربه أنك كاتبه شي وتعملي شي ثاني وينك عن الإستغفار سبحان الله
أسأل الله العظيم رب العرش العظيم أن يرزقنا ويرزقك الحمل السليم التام الكامل

[ابتسامتي سر سعادتي]

حبيبتي سمر ومين قالك انه انا كاتبة شي واعمل شي تاني
الحمد لله ملتزمة بالاستغفار على طول ما بقطع

لكن انا مستغربة من حالي وكتبت مشان اشوف اذا حد صار معه متلي لانه كتير انصدمت بنتائج السونار لكن الحمد لله ع كل حال
م بعرف شو بصير معي

[ابتسامتي سر سعادتي]

حبيبتي زهرة نورني مرورك وربي يرزقك ويرزقنا يارب :)

[جموح الاصايل]

حبيبتي ابتسامتي لا تياسي اذا راح هذا الشهر التلقيح ان شاء الله يكتبلك الله الخير في الاشهر الجاية
انا عملت تلقيح القبل امس طلعت النتيجة ايجابية فرحنا كلنا والله ما صدقت نفسي بس البارحة نزل علي دم غزير وراح التلقيح وراحو البويضات والتعب والالم الي تالمتو من التلقيح الله الي يعلم بيه بس الحمد لله وخيرها بغيرها ان شاء الله رح اعاود مرة اخرى
الله معانا يا رب ولا يحرمنا نعمة الاولاد يا رب

[ابتسامتي سر سعادتي]

حبيبتي يا جموح لله المستعان حبيبتي لا تيأسي وانا كمان مش راح ايئس لأنه لي رب لن ينساني
وطول ما بتطلع شمس راح اضل متأملة في وجه خالقي
"انه لا ييأس من روح الله إلا القوم الكافرون "
ربنا يرزقك الشهر الجاي ويكون توأم كمان مش بس واحد شدي حيلك واقري على بطنك كل يوم قرآن وسورة البقرة يوميا بدوووون كسل ولله الها نتيجة فعااااااالة