ولدي كمل خمسه شهور تكفون سااااااعدوني بلييييز

[سلوان]

السلام عليكم

ولدي كمل خمسه شهور وللحين مايقلب بس الاحظ اني لما انومه على ظهره يحاول يرفع راسه واكتافه كانه يبي يجلس

وديته للدكتور وقلت له ولدي مايقلب كتب لي شراب اعتقد يحتوي على زنك ومغنيسيوم وكالسيوم وفيتامين د قالي ملعقة شاي صغيره مره وحده في اليوم

وقالي شمسيه قبل الظهر بساعه او بعده بساعه لمدة ربع ساعه او عشرين دقيقه

بس ولد عمه اكبر منه شهرين لما كان بعمره كان يقلب ويجلس بسم الله عليه

انا بصراحة تعبت من كلام الحريم كله يسالوني ولدك ليش مايقلب مدلع انتي ماتحاولين تجلسينه انا اخاف اجلسه يتضرر ظهره وفي نفس الوقت خايف على ولدي انه مايقلب

انا خايفه يكون الحليب هو السبب هو نفس الدكتور كتبه لودي من كان بالاربعين حليب رونالاك لانه ولدي كان يعاني غازات ومغص هو ساعده كثير ونفعه بس خايفه يكون هو سبب تاخره في الانقلاب :(

المشكله حتى مايمسك الرضاعه للحين

تكفووووون يقولون اسال مجرب ولاتسال حكيييم

ابي خبرتكم ياامهاااات وبالذات اني بكريه وهذا اول ولد لي ساعدوووني تكفوووون

[كتكآت]

ايه والله حتى ولدي نفس الحالة ونفس العمر

[um5aled]

اختي سلوان انا استخدم لابنتي حليب رونالاك من عمر شهر و ما تقبل غيرو و لحين عمرها سنة وما شاء الله عليها و انا اعطي ابني خالد كمان و انا قرأت عن الحليب قبل ما استخدمه لاني ما اختار الا الافضل بس انت مشكلتك بسيطة انشاء الله انت بس دهني بزيت الزيتون و لاعبيه حركات خفيفة بس و ما تخافي شي عادي و الله يحفظ اطفال المسلمن اجمعين انشاء الله

[rose]

حبيبتي طيب ايش تبي اكتر من كدا بعمره
اصبري اولا الاطفال بيختلفوا من طفل لطفل
اسمعي
ولدي عمره تسع شهور مامسك الرضاعة للان وجلسته ماهي ثابته
بينما بيزحف تمام المفروض انه خلاص يجلس
طيب ايش اسويله هي قدراته
اجبره
اعيش بقلق
نفس كلام دكتورتي قالت عرضيه للشمس واعطتني مجموعة فيتامينات وكالسيوم وهذا مهم جدا ماهو لطفلك بس لكل الاطفال بهالعمر
عرضيه للشمس الحليب ماله دخل
انت خلاص ابدي عوديه ع الجلسة وكم اسبوع وبيحلس
لاتجبريه ع شي ماهي باستطاعته بشهره انه يسويه
دام انه رفع جسمه وبيحاول انه يجلس ابنك طبيعي جدا
ماعليك الا انك تساعديه بالجلسه حكيله مخدات من حواليه وانتبهيله وراح تشوفي فرق

[سلوان]

بس انا كام لاول مره لما اشوف اطفال غيري يتقدمون وولدي باقي

اكيد راح احس بقلق يعني كل ام تتمنى تشوف ولدها مثل البقيه

بس راح استمر على الفيتامينات واعرضه للشمس واكيد مثل ماقلتو

تتفاوت قدرات الاطفال من واحد للثاني بس ان شاء الله افرح بشوفته يجلس ويمشي يارب

وكل ام تفرح باطفالها يارب

[امونه الحنونه]

يافلبي لا تخافي لسه هو خمسه شهور في بعض الاطفال الين 7 شهور وهما لسه مايتقلبووو
ربنا يسهل عليكي اتطمني هو لسه صغير يدوب يحاول يتقلب وان شاءالله راح يتقلب

[ام صوفيا]

ما تخافي ولدك ما فيه الا كل خير وزي ما قالوا الاخوات الاطفال يختلفوا عن بعض دهنيه بزيت الزيتون وتقدري تدلكي جسموا بزيت جنسون للاطفال

[القمر مغرور]

الاخوات ماقصرو
انا ولدي كان عمرة سنه وثلاث اشهر تو يمشي وولد اختي كمل سنة ماشاء الله مشى
عادي اختي لا تفكرين وراح تشوفينه يجلس فجئة هع

[hanno]

الله يطمنك عليه وتشوفيه عريس بصحته وعافيته

[ام صـالـح]

اتوقع خمس شهور صغير على الجلسه والا نقلاب
انا ولدي كمل الخامس واحس انه رخو
ونفس الكلام لما وديته للدكتور اعطوه فيتامينات
الله يخليلنا كتاكيتنا بكامل الصحه والعافيه