الدورة ما اجت ....

[سحابة الماضي]

مرحباا بنات

كيفكم

راح ابادا بموضوعي ع طول

الشهر الماضي اخرت علي الدورة يوم يعني اجتني ع 27 يوم

وطبعا انا الدورة بتجيني كل 26 يوم المهم

حكيت مش مشكله
المهم اجا الشهر هاد وموعد الدورة كان امبارح حكيت شكلها مش راح تنزل اليوم عشان اجتني الشهر الي فات 27 براح تيجي الشهر هاد 27
والغريب اني مش حاسه ولا باي اعراض غير يادوب اوجاع خفيفه وافرازات قويه
ومرات وجع بصدري اليمين
المهم
حكيت امبارح راح تنزل اليوم الصبح لاني حسيت بوجعها بالليل
وانا بالعاده بتجيني الصبح

بس ما اجت
وانا مستغربه كتير
مع اني متأكده اني مش حامل .... لانو الدورة بتغدرني كتير فبطلت اتأمل
ايش اعمل ؟؟

بس حبيت احكيلكم
وادعولي ما تنزل ... مع اني عارفه انها راح تنزل ازا مش اليوم بكرااااااا

[أسيرة عيونه]

ان شاءالله حامل

ان شاء الله ما تشوفينها الا بعد تسع شهور

[إشرااق]

خلي املك بربنا كبييييير...انا يوم ما حملت هيك ماكنت حاسة بالحمل لانو الدورة كانت تيجيني دايمن بالاخر بس الحمدلله طلعت الشهر هادا حامل وان شاء الله بتطلعي حامل ياااارب

[سحابة الماضي]

شكرا الكم بنات.. الله يسعدكم

بس ما بعرف ليش حاسه اني مش حامل

والله يستجيب دعواتكم يا رب

وانا املي بربنا كبير وعارفه ما بخيبلي ظني

[غربة]

ان شاء الله تكوني حامل يا حلوة وتجي وتبشرينا خلي املك بالله كبيييير
ربي لا تذرني فردا وانت خير الوارثين

[همسات ام]

اختي لا تستعجلي لاتقولي حامل ولا مو حامل بس قولي يااااااااارب اتمنالك من كل قلبي تكوني حامل لكني ماريدك تنصدمي لو نزلت الدوره
نصيحه لاتفكري يوم ويومين وثلاثة ايام تاخير ماتعني اي شي بعد الخمسة ايام تاخير اذا مانزلت تعملي تحليل دم وانشاء الله ربي يفرح قلبك وقلب كل المنتظرات والمشتاقات للامومه

[سحابة الماضي]

حبيباتي شكرا كتير الكم

همسات ام بس انا بالعاده ما بصير معي هيك صارت مرة وحده وما انعادت واكيد هادي الشغله متل الي قبلها

ان شا الله خير

[فوعة الفلي]

ادعي ربك تحملي وماتنزل ان شاء الله

ان شاء الله تبشرينا بحملك حبيبتي

[سحابة الماضي]

ان شا الله حبيبتي

يسلموو على مرورك

نورتي

[عاشقة الأمل]

يارب ماتنزل وتطلعين حامل