موية الجنين ناقصه والدكتوره تقول بسبب سوء التغذيه .. فزعتكم تكفوووون

[سلوان]

اليوم رحت مستوصف قريب من بيت اهلي قلت خليني اروح اشوف جنس الجنين

بس انصدمت يوم رحت الدكتوره قالت لي موية الجنين ناقصه سالتني انتي تنزل عليك مويات قلت لها لااا

بس احيانا لما اقوم من النوم احس بلل احسبه عادي قالت لازم تحاليل وسويت تحاليل كامله من جديد

قالت يمكن يكون داء القطط او اللتهابات او نقص بالدم بعد ماخرعتني وسويت كل التحاليل

قالت نقص تغذيه قالت ماتاكلين زين ولاتشربين مويات كثيره وكتبت لي حليب للحوامل وكالسيوم وفيتامين زيت كبد الحوت

قلت لهاا اخذ كالسيوم حبه باليوم قالت اي وخذي الكالسيوم اللي كتبته لك مرتين باليوم يعني اخذ ثلاث مرات كالسيوم باليووووم.؟؟؟؟؟؟

يوم سالتها كم نسبة المويه قالت ما اعرف انا اقولك لانه اللسونار مو ملون وقالت انتي لسه ببداية الثامن ووراك شهرين لو قلت اكثر مشكله

بصراااااحه من رجعت من عندها وانا حاسه اني بموووووت بكيت الين شبعت وش اسوي

هو انا احس بلل لما اصحى من النوم بس كثير يقولون يحسون بالهشي ومويات الجنين تكون تمااام

وهل في امل ترجع الموياااات بصراحه انا مو مقتنعه بكلام الدكتوره تقولي كلي كل ساعتين لو به فاكهه او اشربي عصير

تكفووووون ساعدووني اللي مرت بنفس تجربتي او تعرف احد مر بنفس التجربه

وادعوووولي ان الله ييسر لي حملي ويتممه لي على خير واولد طبيعي

[عقيلة]

الله يتمملك حملك وأنشاء الله راح تفرحي بيه

[عيش الحياة]

اتمنى البنات يفيدوك

[سلوان]

تسلمووون على المرور

ووين الباقيييييييييييين معقوله محد مررر بنفس الشي !!!!

[برستيج آنثى]

حبيبتي بإذن الله ربي يتمم حملك على خير •••

من خلال قرآءتي بالمنتدى كثير نصحو بشرب موية زمزم

وكثير قالو انو مويه زمزم تزيد من مويه الجنين بإذن الله

لاتترددي وفوراً ابدآي بشربها بكثره خلال اليوم

اتمنئ انك تاخذي بنصيحتي لانك ماراح تندمي بإذن الله •••

[سلوان]

تسلمين ياقلبي فعلا لاحظت حتى انا كير ينصحون بموية زمزم

بس ابي اعرف مافي وحده طلع عندها المويه ناقصه بالثامن وتم الحمل وولدت طبيعي وماصار شي للجنين؟؟؟؟؟؟؟؟؟

تكفوون ريحوني عسى الله يريحكم دنيا واخره

[غلاها بس يكفيني]

شوفي ياقلبي فيه دكاتره يحبون يكبرون الموضوع ويخوفون الحامل ليه مادري بس طبعهم كذا
انا فالحمل الاول قبل ادخل التاسع باسبوع قالوا المويه ناقصه عالجنين لدرجة انه مافي مكان يتحرك فيه وانه لازم ارتاح اليوم على ظهري. ومعايه ورقه وقلم وكل مره يتحرك فيها الجنين احط علامة صح اذا وصلت عشرين حركه وضعك اوك اذا اقل ارجعي المستشفى على طول ولاده
وام زوجي قالت ماعليك منهم اذا بتفكرين وتعدين بتتعبين اكثر طنشيهم اهم شي انت حاسه بالحركه لو مره في اليوم وفعلآ طنشت الموضوع وولادتي صارت متأخره شوي بعد التاسع بعشره ايام والحمدلله مافي الا العافيه ولا احتجت لا عمليه ولا ولاده مبكره وزي ماقلتلك بعض الدكاتره الله يهديهم يحب المبالغه
انتي استودعي نفسك وجنينك رب العباد الذي لا تضيع ودائعه
يارب يهون عليكي ويرزقك ولاده سهله ميسره ويرزقك الذريه الصالحه الباره والسليمة المعافة والتامة الخلقة والخلق من غير زياده ولا نقصان
اللهم آمييييييييييييييين*

[بوسى بوسة]

انا لسه فى السابع وبكرية
بس برضو الدكتورة قالتلى ان مية الجنين قليلة وادتنى مضاد حيوى حتى الدكتور صرفلى نوع تانى غلط.. ربنا يستر
وبعدين رجعت قالتلى اخد يوناسين
ربنا يسهل حملنا ع خير ويطمنك يارب

[أم جسوم]

مرحبا يا الحبيبه
لاتخافي من اللي راح اقوله
انا مريت في نفس ها التجربه
وجاني وجع كثير براسي ورحت المستشفى المهم عملتلي سونار وقالت المويا ناقصه
وحولتني للولادة
و الولادة امسكوني وعملت تحاليل وقالو في زلال
وارتفاع الضغط هو اللي سبب لي الزلال
وبكذا صار سوء في تغذية مايوصل للجنين غذاء ونشفت البشيمه وتوفى في بطني
وتم الولاده طبيعي
و الحمدالله على كل حال

بس يا الحبيبه لا تخافي
كثري مويا قد ما تقدري


و الأذكارر و الرقيه الشرعيه

ولا تزعلي او تتضايقي

وكلي زين و الفيتامينات و الكالسيوم و الحديد أستمري عليهم

وطمنينا عنك يا حبيبتي

[غلاها بس يكفيني]

حبوب الكالسيوم انا اللي اعرفه انه المفروض توقفينها بالسابع
كيف تقولك خذي 3حبات فاليوم
تبغين نصيحتي روحي لدكتوره ثانيه واسأليها
لانه دايما الدكاتره يقولوا حبوب الكالسيوم لو استمريتي عليها لين التاسع
تقسي راس الجنين لا قدر الله ويختم اليافوخ قبل وقته يعني على6شهور او قبل
بعيد الشر عنك وربي يحفظلك جنينك من كل شر فالافضل انتي خليكي عالحليب
والالبان والزبادي ووقفي الكالسيوم الين تسألي دكتورتك وطمنينا عنك
وحاولي ماتفكري كثير لان الحاله النفسيه تأثر عالحمل واستمري عالاستغفار والدعاء
وان شاء الله ربي يحميك انتي وجنينك