صبغة الشعر وتشقير الحواجب للحامل .. موضوع للنقاش

[سلوان]

السلام عليكم ورحمة الله وبركاته

مره كنت اتصفح بالنت وكتبت في قوقل عن صبغة الشعر والحمل

في بمنتديات ناس تقول عادي مايضر الجنين ... وفي ناس تقول يضر

وفي ناس تقول بس الشهور الاولى خطر على الجنين وبعد كذا عادي

حبيت انزل هالموضوع بمنتدانا عشان نشوف رأي الكروشات والعسولات

انا من زمان اسمع انه الحامل ماتصبغ ولا تشقر حواجبها

لانها مواد كيماويه وتأثر على الجنين .. وحتى زوجة عمي مره

راحت صالون تبي تشقر حواجبها صاحبة الصالون لاحظت انها حامل

قالت لها انتي حامل كيف تبغين تشقرين حواجبك؟؟

زوجة عمي استغربت قالت لها ليش ممنوع لانها ماكانت تدري

قالت لها يضر الجنين ياقلبي مقدر اشقرلك انا ..

......

انا رأئي .. ان الجنين نعمه من الرب لازم نحافظ عليه

وش يعني لو الوحده ماصبغت شعرها ولا شقرت بفترة الحمل

ماظنتي ان فترة تسعه شهور كثيره على نعمه ربي رزقني هي

في رحمي

يعني في كثير يتمنون الحمل ومستعده ماتصبغ للابد عشان تسمع كلمة ماما

واللي ربنا يرزقهم الحمل يتهاونون في اشياء كثيره المفروض يحرصون عليها في فترة الحمل بالذات

...

ابي اسمع رأئي الكل ومنو مؤيد لصبغة الشعر والتشقير فترة الحمل..؟

ومنو اللي سألت دكتوره وقالت لها عادي مايضر ..؟

خلونا نفيد بعضنا ونستفيد

مع حبي ..

[نونه الأموره]

مرحبا أختي
يشرفني أكون أول وحده ترد على الموضوع
بصراحه أنا من الناس اللي غير مؤيدين تماماً للتشقير ولا الصبغه في فترة الحمل أبداً
لأن الوحده ماتضمن المواد الكيماويه اللي في الصبغه ولا المشقر شنو راح تسبب للجنين يعني الحمدلله ماراح أموت إذا صبرت لحد ماأولد وأطلع من النفاس وأسوي اللي أبي
والمشكله في بعض الحوامل يقولون ايش نسوي عندنا مناسبه ولا زواج ونبي نصبغ أو نشقر أقولهم مش مهم المناسبه أهم شي عندي سلامة جنيني بإذن الله
صح أعرف فيه حوامل صبغوا شعورهم بعد الثلاث شهور الأولى وماصار للي في بطنهم شي لكن برضو فيه العكس والله يحفظنا وياكم من كل شر ويحمي اللي في أرحامنا من كل تشويه ومرض ويجعلهم سليمين ومعافين يااااارب*

[ام ديلارا]

انا سالت دكتورة معروفة ومشهورة جدا في المدينة عن التشقير قالتلي انو عادي مافي اي ضرر لا في التشقير ولا الصبغه وهاذي دكتورة ماشاءالله ممتازة جدا وخبرررة عشرين سنة

[وولاء]

لاثم لا شوفو وش صار فيني بحملي الاول كنت في السادس كان عندنا زواج ومن الحماس رسمت حناء يمني مع اسود والله مافي ساعة من غسلتها والا كل جسمي تورم وركضنا على المستشفى الدكتور في الطوارئ هاوشني بس استاهل من بعدها تووووبة الحمدلله مرت على خير انتبهو اخواتي

[حلة الظل]

والله مو مستعده اغااامر بطفلي عشاان الزينه

بحملي الاول كان زواج اخو زوجي وكان اللي اصغر من زوجي مبااشره يعني كاانت الانظاار
كلها عليه لانو كان لي سنه متزوجه وهذي كانت اول منااسبه كبيره وانا حاامل بالشهر الثاامن

والله رفضت التشقيير والصبغه عشاان الحمل


بالعكس الوحده لاتشقر ولاتصبغ او تقص شعرها فترة الحمل عشاان قبل لاتخرج من النفااس
تغيير في شكلها ويطلع لها طله مميزه بعد تسع شهووور تعب

[شهرزاااد]

والله ياحبايبي انا صبغت شعري وانا بالشهر الثالث بس ما كنت ادري اني حامل
لأن من طبعي اذا حملت ابتعد عن كل شي سواء يأثر او يمكن يأثر في الجنين وعلى قولتكم كل شي ملحوق بس ايش اسوي ما كنت اعرف اني حامل ولمن عرفت صراحة قمت ادور بالمنتديات العربية والاجنبية بس في دكتور اجنبي يقول ان الصبغة تأثر على الشعر فقط بس ما تخترق الجلد ولا كان اثرت علينا في الدماغ
والله يستر ويطلع الجنين سليم ومعافى
والله اني ادعي انه ما يكون تأثر بهشي

[ياورد]

صراحه اني دايمن اشقر واصبغ والحمدلله ماعمر سار فيني شي والي ببطني مايجيه شي باذن الله
لان التشقير ماله شغل
الي تضر الكريمات لان يمتصها الجسم وخاصه الي فيها كرتوزون تضر الجنين

[دافئة المشاعر]

انا ضـــد صبغ الشعر للحامل
ويازين التغيير بعد الحمل *^

طبيا الاغلب ماينصحون
يعطيك الف عافية حبيبتي

[عبير اسماعيل]

شكرا لطرحك الموضوع
بصراحه نفس المشكله صرلي فترة ادور بالنت على
تأثير الصبغه وما تأكدت من هلشي بس عم استنا
لموعد الطبيبه ان شاء الله
والله يعين

[سلوان]

يعطيكم العافيه كل اللي مرو بموضوعي

وانا حتى لو قالت لي الدكتوره عادي ماظنتي راح اجازف واصبغ

عشان حتى لو ماكانت الصبغه السبب وصار لطفلي شي راح اوسوس واحس بالذنب