السلام عليكم صبايا كيف حالكم
الي شهرين تقريبا معكم بالمنتدى ويدوب بلشت اعرف العضوات
مو كتير بيعرفوني ولا بيعرفو شو ورا ضحكة أم ياسمين؟؟
هاي قصة زواجي وحملي وولادتي,,,وحبيت شاركها معكم
انا تزوجت وعمري عشرين سنة,,زوجي مافي اطيب منو وما ندمت ع اختياري الو
بس من يوم حطيت رجلي فبيتهم واختو وأمو ما عملولي خير ابدا,,تلميحات وكلام مباشر
كلو اهانة وذل,,كنت بهداك البيت متل الشغالة لانو أمو مدرسة بس اختو قاعده بالبيت
ما بتشيل معي ولا مخدة,,,بعد تلات اشهر زواج حملت,,انا الوحيدة يمكن بالعالم الي تنكدت
يوم عرفت هالخبر,,لانو زوجي زعل عشان ما عرف هو اول واحد واخوه عرف قبل منو
لانو كان معي بالبيت,,اما حماتي زعلت لانو ما قلتلها انو بدي حلل لازم خبرها حتى بشو عم فكر
كل دقيقة,,ع العموم مرقت هالحكاية زي الزفت وكان عندنا عرس بالعيلة ورحت لبيت اهلي
لما رحت اجاني الوحم صعب,,كنت دوخ طول الوقت واستفرغ وبعصب كتير,,امي اتصلت فيها وقالتلها هادا بيت وهداك بيت,,انتي بتشتغلي ومارح تقدري ديري بالك عليها ليكها عندي لين تكمل تلات اشهر,,طبعا قالت لامي مو مشكلة والعكس كان صحيح,,ما عمرها سالت فيني لا انا ولا ابنهم الي فبطني,,ولما يروحي زوجي يزورها ما بتخلي شي سيء عني الا وتقولو
كيف اني لئيمة وبصطنع البراءة واني بستعبط انا مش مريضة ولا شي انا عملت هادا حجة لاقعد فبيتنا والناس يحكو عليها,,وكيف اني غيرت ابنها و و و......شتائم وشتائم
طبعا اخواتي وامي رفضو اني روح لعندهم,,قالو دام هالعالم مش عاوزينها وما بيسالو فيها ولا بتسوى عندهم شي احنا بنتنا ما بنرميها بالشارع مستحيل تروح,,,,,,,
انا ما كان بدي حط زوجي بين نار اهلو ونار مرتو,,قلي بدنا نستأجر بيت ونسكن لحالنا مارح ضلي معهم,,,ما وافقت وقلتلو بدنا نروح لعندهم حتى لو مش عاوزيني مشان ما أزم الموقف
كنت بنص الرابع ورحت انا وزوجي,,لقيتهم قالبين خلقتهم طبعا محدش عاوزني اصلا...
استحملت وقعدت وكبريائي كلو تركتو فبيتنا,,تخيلو انو لما كنت اشتكي من ضهري او بطني
او اني ما بستحمل ريحة هاد او هالشي بتطلع فيي امو تطليعة الكذاب,,وما بتقلي حتى سلامتك
وفوق هالشي كلو لو فاتت البيت وكنت هداك اليوم تعبانة وما وضبتو ما بتخلي من تلميحات
الي تنقط زي السم اي شي,,كنت عزل البيت وشيل شغلات كتير تقيلة وطول اليوم وانا بالجلي والطبخ بس مشان راضيها,,ما رحمتني ولا رحمة الي فبطني ولا قدرت وضعي باني حامل
...رحت اعمل فحوصات دورية بنهاية السادس وكان بدي روح ع مشفى بيشتغل فيه زوج اختي
ومشان ما شوف اختي,,لانو لما كون عندهم بتمر شهرين وما بطلع للشارع ابدا والله العظيم
ما بشوف ضو الشمس غير من البلكونة,,,مشان ما روح لعند اختي قامت اخدتلي موعد بمشفى بتعرفو هيا بدون ما تخبرني والمشفى اصلا مو منيح,,وحطتني امام الامر الواقع,,ما حبيت عاندها ورضخت لكلامها ورحت,,كان بدي اعرف جنس الجنين وبردو منعتني,,
صارت مشكلة بعد اسبوع وتخيلو شو السبب؟؟اني سكرت غرفتي,,ايه والله ههههههه
كنا بدنا نطلع نبارك لوحدة معرفتهم بولادتها ولما اجيت طالعة سكرت غرفتي بالمفتاح
ما ضل حدا بالبيت,,قال شو لا مش لازم سكر غرفتي ليش هما حرامية؟؟وكيف بعمل هيك
وانا ما بسوا وانا وانا.......................................استغفر الله
قلها ابنها بدنا نسافر وما سمحتلو بس وقف بوشها وقالها هالبنت طول السنة قاعده هادا الوقت الوحيد الي فينا نسافر انا وياها رح نسافر...لما رحنا من البيت عملها تلفون,,قالتلو لا ترجع روح دور ع مكان تسكن فيه انت ومرتك,,بيقلها ماما انتي شو عم تحكي شو صار؟؟قالتلو متل ما سمعت,,لا ترجع ع بيتي,,رحنا بيت اهلي اسبوع وعند اختي وشوي عند اختو من ابوه زي بندور بس ع حدا نسند عليه ويواسينا,,وانا كل يوم ببكي,,من لما بلشت حملي وانا ببكي ومقهورة,,اجا موعد ولادتي وما اجاني لا وجع ولا طلق ولا اي شي,,وكمان واحد سنتميتر بس,,تاخرت عشرة ايام ع موعد ولادتي ونزلتلي مية الجنين,,وبردو مافي طلق
اعطوني طلق صناعي ومع الطلق الصناعي يدوب وصلت خمسة سنتيمتر,,والبيبي كان وزنو تلات كيلو ونص؟؟؟؟؟بلشت ولادتي من الساعة سبعة ونص وهما بيولدوني للساعة احداش,,البيبي وزنو كبير والرحم مو مفتوح بالحجم المناسب وما قدرو يطالعوه وانا اغمى عليا خلص,,وبلش نبض قلبي يخف وتنفسي ضعف,,نادو ع دكتورة شاطرة بسرعة اجت ,,قالولها حاولي تولديها قالتلهم ما بيهمني ولدها بيهمني انقذ الأم الو انتو بتموتوها,,ما بيهمني الولد,,جابت مقص وصارت تقص فيني لتوسع المساحة,,من وجع القص فقت من الوجع وصرت صرخ,,طلع البيبي مغمى عليها وانا عملولي يجي شي 18 غرزة وصلو الغرز لحتى فخدتي,,ضليت بالعناية يومين وابني بالانبوب بيعملولو انعاش ويعطوه ادوية,,البيبي عضويا ما فيو شي قلبو منيح وكل اعضاؤو شغالة الدكاترة مش فاهمين شبو الطفل؟؟وبنفس الوقت بيحاولو انهم يعالجوني انا,,بعد يومين من ولادتي مات طفلي,,ما حدا قدر يخبرني غير زوجي
وصدقوني هاي كانت صدمة حيااااااتي
عمري ما توقعت اخسر ابني,,الدكتورة قالت لأختي كيف كانت نفسيتها بالحمل؟؟قالتلها كتير وحشة وكان عندها مشاكل كتير,,قالتها هلأ فهمت لانو احنا ما قدرنا نشخص مرض البيبي
او شبو,,النفسية الوحشة للحامل هي الي بتعمل هيك امراض للاجنة واحنا ما بنفهمها
قوليلها انو لو فكرت تحمل مرة تانية دير بالها ع نفسيتها وما تزعل والا عمرها مارح تشوف ولادها قدامها,,ضليت حوالي الشهرين متل المصدومة,,وبس يجي يوم الجمعة وبنفس التوقيت الي بلشت فيه الولادة بتجيني حالة هستيرية من العيااط وبحسني رح موت بهديك اللحظة
كان الحل الوحيد اني اطلع من هالحالة احمل مرة تانية
الدورة رجعتلي بعد تلات اشهر من ولادتي,,وما وقفت ابدا لما رحت للدكتورة عملتلي فحص
لقت عندي كيس..بقياس خمسة سنتيمتر.......قالتلي مستحيييييييل تحملي هلأ بدك ضلي ثمانية اشهر بالعلاج ولو ما نفع العلاج بدنا نعملك عملية,,,ما لحقت فيق من صدمة فقد ابني وقعت بصدمة انو مافيني احمل؟؟؟؟؟
ادمرت حياتي وصارت كلها حزن وبكا كل يوم نكدت ع زوجي حياتو صار يشتهي يشوفني بحكي او بضحك,,بيحاول كل جهدو بدون فايدة,,,بس ما بنسى انو ضل مساندني طول الوقت الله يخليلي ياه.......
مع الادوية اعطوني موانع حمل,,شي جواتي كان بيقلي لا تاخديها,,رفضت اخدها وصار زوجي وزوجي اختو يخانقوني بيقولولي لاااااازم,,,وانا نشفت دماغي وما اخدت مانع للحمل
صرت اخد ادويتي واعمل اعشاب كل يوم,,بعد العلاج لمدة شهر رحت لدكتور تاني لاني كرهت هديك الدكتورة,,عملي سونار وكانت الصدمة؟؟؟؟؟؟
مافي كيس؟؟
الكيس راااح ما ضل شي,,,لما الله بيعمل المعجزات
قلي لسا رحمك تعبان لانو ما الك فترة طويلة والدة بس اذا كنتي مصرة ع الحمل
خديلك هالادوية منظفات للرحم وخدي الدوفاستون
هالشي صار بواحد بشهر يناير,,وقلي لازم يكون لقاء جنسي كل يومين
وطبعا
لا تقنطو من رحمة الله وتوكلو عليه في كل امر
فانه بمهل ولا يهمل ولا يظلم عباده بل يأخد منا الجميل ليأتينا بالاجمل
بيوم السابع والعشرين من شهر يناير من نفس الشهر عملت تحليل وطلع ايجابي
كان اسعد يوم بحياتي والبسمة رجعة لوشي بعد مرور اشهر من المعاناة
صار حملي بالرابع عشر من ينااااااير
الله عوضني عن ابني الي فقدتو بحمل جديد جابلي معو الأمل بالحياة مرة تانية
ورجعلي معو بسمة كنت فقدتها من شهوور
انا هلأ حامل ببنوتة وبتمنى الله يتمملي على خير وما يحرمني من شوفة عيونها الحلوة
ويسهلي ولادتي ويبعد عني كل المنغصات مشان يمرق حملي بخير
هاي كانت قصة أم ياسمين للي بتعرفوها بشكل سطحي فقط
وليكني شاركتها معكم
اسألكم الدعاااااااااااء لي عند كل صلاة ان بتمم الله حملي على خير ويسهل ولادتي
ويفرحني ببنتي
بالله عليكم لا تنسوني من دعواتكم