انا وقفت درااسة

[نبع المحبة]

السلام عليكم ورحمة الله وبركاته
خوااتي انا ما اعرف كيف أبدأ وياكم انا حامل بالشهر الثامن
انا وقفت درااسة وفآخر 3 أسابيع على نهاية الكورس
اكيد كلكم بتقوولوو ليش وقفتي قبل نهاية الكورس لو انتظرتي 3 أسابيع ووقفتي
الحين أنا بقولكم أسبابي وانتو احكموو
اول شي انا أدرس الصبح وريلي يكون بروحه بالشقة لأنه امام مسجد ما شا الله تبارك الله يروح يصلي ويرجع الشقة
وبعدين يتم بروحه لين صلاة الظهر والساعة وحدة أنا أخلص ومرات الساعة 4
ويروح ياخذني من الكلية وبعدين الظهر اكون تعبانة لأني اقوم من الصبح واروح انام عنه وبعدين هو الساعة 3 ونصف الظهر يروح الجامعة ويرجع الساعة 10 وناكل وننام
لكن خوااتيي منوو يرضيها اني اعامل زوجي بهالطريقة
ما يشوفني غير بالليل ويوم ما كنت ادرس كنت افضى حقه أطبخ واكشخ واجابله واتفيج حقه
بس يوم كملت دراسة فالكلية وااايد أهملته وأهملت حقوقي تجااه بيتنا
هو من بداية ما أنا كملت طفر وقال انتي وايد اهملتي الشقة لدرجة ان الخدامة هي اللي تعرف شو الأشياء اللي ناقصة فالبيت وانا لا !!
بس انا قاومت واكمل وهو تضايق وايد من الوضع وقال حقي مرة انه يفكر ياخذ علي وحدة تهتم فيه وتجابله يوم أنا اكون لاهية بالكلية وبعدين مع مرور الايام ما طرى الموضوع وقال خلاص سوي اللي يريحج بس انا بعد دراسة 5 أشهروبس باقي على نهاية الكورس 3 أسابيع صليت استخارة وما حسيت اني مرتاحة للكلية ورحت الكلية وانا ابكي هالكلام استوى امس تقريبا ومب زين للحامل تكون متضايقة بس سبحان الله بعد الاستخارة ما اتيسرت الامور اني اكمل من ناحية المواصلات والكل كانو يقولون لي انتي مب ناوية تشتغلين فالمستقبل فليش تدرسي وتتعبي عمرج من البداية لاني قلت لهم اني ما ابا اشتغل فالمستقبل
بس خوااتي بالله عليكم شو تحسون ؟ انا احس اني مرتاحة يوم وقفت وزوجي وايد فرح لهالشي بس ربيعاتي فالكلية كلهم قالو لي حرام تطلعي وباقي 3 أسابيع عالكورس وقالو وقفي عالكورس الياي لأن موعد ولادتي بإذن الله على بداية الكورس الثاني بس انا قلت لهم اني تعبت وما اقدر اكمل واحس اني ابد مب مرتاحة للكلية وقلت لهم ليش اكمل دام اني من البداية ما ابا اشتغل فالمستقبل ؟؟
يعني اجابل زوجي و(بنتي اللي فبطني فالمستقبل ان شا الله) ولا اني ادرس دراسة وما عندي هدف من وراها
الحين أبا أعرف رايكم فالموضوع خوااتي بس لا تعطوني ردود تخلوني منها أندم عاللي سويته يكفي ان هدفي كان ارضاء زوجي واني ما ابتعد عنه ..

[lol bob]

من رايي كملي دراسك ,,,,

الشهاده مهمه هالوقت ,,,
انتي ماتضمنين زوجك ولا المستقبل ضغطي على نفسك واخذي شهاده .... ولله يوفقك

[رحيق القلوب]

الشهااااااده ثم الشهااااااده ثم الشهااااااده كلنا ياقلبي درسنا وكملنا واحنا متزوجين وحملنا وولدنا والحمدلله امورنا تمام واتخرجنا حبيتي انا اشوف كل وحده وطموحها اذا انتي منتي طموحه وبكره بتحسين بالنقص جنب جاراتك وصحباتك انهم معاهم شهادات واولادك يفتخرون فيك واذا لاسمح الله الدنيا دارت وكنتي بحاجه لوظيفه توظفتي بكره ياقلبي بتطفشين انا خلصت دوبي واحس اني ماني قادره اجلس بالبيت روتين وودي ادخل دورات ع ماتجيني الوظيفه ان شاء الله ارجع واقول كل وحده وطموحها اذا انتي ماعندك هدف وماعندك طموح اتركيها بس كل اللي اعرفهم وربي يندمون انتي تقولين الحين الكلام هذا بس بكره بتتغير نظرتك للحياه خصوصا تلقين اللي حولك كلهم متعلمين وبزمنا هذا الي معاه ثانوي يعتبر امي. مووفقه*

[ظل الياسمينن]

كملي الدراسه افضل

[هنّوسه]

حبيبتي ،،
كلنا تجينا هالحالات ،، نقول فيها خلاص تعبنا من الدراسة ونبي نوقف ،،
انا مثلا ،، وقفت هالسمستر لاني من جد تعبت ،، خمس سنوات وانا ادرس بالكلية
وفكرت اني اطلع صحيح ،، لآن بنتي مافيه احد يمسكها وقت اروح للجامعة
يعني باوديها حضانة ،، غير كذآ دراستي صعبة مووووت
بس ارجع واقول ،، ان انا كان عندي هدف ولازم احققه ،، حتى لو ما اشتغلت
بس آرضي نفسي واسوي اللي علي ،،

في شي بداخلنا مو راضي ع هالكلام اللي نقوله ،،

وهالشي هو طموحنا ،، وهو عزيمتنا على النجآح ،،
انتي اذا عندك طاقات حرآم تضيعينهآ ،،
صحيح ان بيتك وزوجك وبنتك آهمّ من كل شي ،،
بس انتي ماراح تظلين طول حيآتك تدرسين ،،

لآبد يجيك يوم وتتخرجين وتفضين لهم كلهم ،،
وبعدين انا اشوف انك تقدرين توفقين بين الاثنين ،،
حطي لنفسك جدولّ ،،
يعني مثلا لو صحيتي الصبح اكشخي للجامعة او الكلية
خلّي زوجك يشوفك .. قولي هااه وش رآيك فيني ؟؟
حآولي تدخلينه معاك جو الدرآسة ،،
وريه كتبك وعلاماتك ،،
خليه يذاكر لك ،،

هو صحيح كل هذا على حسب طبع الزوج ،،
بس انتي بعد حاولي ،، كثري له من كلآم انك انت اغلى شي عندي بالدنيا
ومن هالكلام يعني ،،،



بالأخير هذي وجهة نظري ،، وشوفي انتي وش ترتاحين له اكثر ،،،
يمكن لما تجربين الجلسة بالبيت تحنين للدراسة بعدينّ ،،؟؟

[القمر مغرور]

انا مثلك تركت الدراسة من اول حمل
كان زوجي مايشوفي الا بالليل نتعشة وننام وحتى حقة الشرعيه مرة بالاسبوع مافي وقت عندي ههههههه. ولا في وقت لطلعات والكشخة والحركات يادوب اجي من الكليه اخلص شغل البيت. وابي ارتاح كنت حامل وكان يروح الدوام خمس الفجر ومايرجع الا خمس المغرب حسيت. الوضع مو عاجبة وغير اني كنت اتوحم بقوه. وتركت الدراسة هع ومرتاحة لي الحين خمس سنوات جابلت بيتي وعيال وزوجي الله يخليهم لي
وانتي سوي الي يريحك والي تحسين انك مقتنعه في

[أسيرة عيونه]

الي يريحش خيوو سوويه

الي مقتنعه فيه والي تشوفيه صح سويه

[قمر بيت أبوها]

بصرااااااااااااحه قهر 3 اسابع كمليهم وبعدين راح توقفين اجباري للولاده ومنها ترتبين امورك
بتكملين ولا لا
بس انتي غلطانه دراستك اهم من كل شي الواحد مايضمن الزمن وشهادتك راح تكون لصالحك بالحياه
ومن جهه ماتبين تكمل دراسه
اخذي دورات بس باوقات الليل بكذا تكوني الصباح مع زوجك وبالليل تنجزي شي لنفسك
اعيدي النظر بهالموضوع

[jode]

اهم شي بيتك وزوجك بعد ماقريت موضوعك وانك استخرتي وحسيتي انك تتركينها افضل يمكن احسلك يمكن ربي ارد انك تتركينها عشان لازوجك يروح يتزوج وبعدين اذا ولدتي بالسلامه بنتك افضل انتي تهتمي فيها وتربيه عشان لاتكون ناقصه حنان وانتي ادرى بالي يريحك

[رحيق القلوب]

ما ادري احس الناس فاهمه مسالة الدراسه والوظيفه غلط
يحسبون انو المتوظفه واللي تدرس تنشغل عن زوجها وبيتها وتقصر ببيتها هذي ياقلبي ترجع لنفس البنت اذا مهمله وع امها في طريقة تربيتها ونصايحها وتوعية بنتها ياقلبي مين قال انو هذا الشي يكون سبب بانشغالك عن زوجك حبيبتي يمكن بعض الناس مو منظمين حياتهم ومهملين هذا شي ثاااني
لكن الحرمه الناجحه اللي تسوي لها جدول وتهتم بنفسها وببيتها واولادها وزوجها
مو تصير مهمله وتاركه بيتها وزوجها بسبيل تتحجج بالدراسه كلنا درسنا والحمدلله وزوجي ماااااحس بيوم اني كنت مقصره او متغيره بالعكس عندك الخميس والجمعه رتبي اوضاعك اطلعو روحو تعالو تسوين اللي تبغين والله حتى ايام الدراسه بس فيه ناس كذا سبحان الله نفسيا او مو عارفين يرتبون انفسهم
والموظفات تبغين تقنعيني انو كل موظفه زوجها مهملها وبيتزوج عليها ومو مرتبه ومو سنعه بالعكس طالعي حولك كل تلقين زوجها ميت عليها ومفتخر فيها ترا الزوج حتى لو يكابر يحي المراه الناجحه الطموحه واتحدا اي رجال يقول عكس كذا بالعكس تلقينها تكبر بعينه ومستواهم المعيشي افضل من غيرهم سفريات كل سنه دلع وتلقينها ببيتها معروفات ياقلبي الموظفات يكونون احسن من غيرهم ولا احد يكابر حتى بطبخها وتفننها
معليش بس انا اخالف الراي انو الوحده لاكانت موظفه ولا تدرس اكيد مهمله واكيد زوجها بيتزوج عليها مع احترامي اشوف العكس
والزوج مايقول لزوجته اتركي الدراسه او استقيلي من الوظيفه الا اذا شافها مضيعه الطاسه ومهملته ومهمله بيتها وعيالها اما السنعه بالعكس تلقين زوجها مبسوط وتكبر بعينه ويعينها ع دراستها لانو نجاحها من نجاحه والعكس
هذاك تفكير رجال اول من ناحية الدراسه اما الحين مستحيل كل رجال شرطه تكون معلمه ومثقفه انا اخوي لما كان بيخطب قال ابغ وحده متعلمه جامعيه مو اخواتي والكل اللي حول متعلمات الا زوجتي اسمحي لي بس حتى بالتفكير والتربيه يكون فكرها غير
ولا ننسى احاديث الرسول ع العلم
((قل هل يستوي الذين يعلمون والذين لايعلمون))
العلم يرفع ناس كانو ولا شي
عمر ماكانت الوظيفه والدراسه عائق امام اي متزوج او متزوجه الا كما اسلفت اذا كانت مقصره بواجباتها وماتقدر توفق واللي ماعندها طمووح