يسلموو بنات على الردود الحلوة
نكمل مستلزمات البيبي:
ملابس ومستلزمات من اي محل او مجمع (ممكن تاخذيها من مذر كير اوسنتر بوينت):
1-بربتوزات داخلية خذي مقاسين مقاس نيو بورن ومقاس 0-3 (نيو بورن يناسب المواليد لكن بعد الاربعين بيصغر عليه فلا تكثري منه خذي ثلاثه يكفي وبالنسبه ل0-3 خذي الكميه اللي تبين لانه راح يلبس طفلك ثلاث شهور بس بالبدايه راح تكون كبيرة عليه ولاني راح اطلع من المستشفى في بيتي ومافي احد بيغسل لي باخذ 9 وانتي شوي الكميه اللي تناسبك)
2-بربتوزات كامله بطقاقات مقاس 0-3 خذي 6 تكفي لان راح تجيك هدايا.
3-البجامات اللي تجي قطعتين اذا انتي حابه تاخذي منها(انا ماراح اخذ منها لاني افضل البربتوزات الكامله لانها تلم جسم البيبي الصغير وتسهل حمله)
4-طاقيات قطن انا بخذ 5 وفي بعض الاطقم تجي جاهزه معها يعني ماراح تتعدى 5 مع اللي تجي مع الاطقم.
5-مهاد ورباط المهاد (المهاد خذي8..(3عاديه و3اللي تجي مع الاطقم و2 خروج) ورباط المهاد 4 تكفي) ولاتنسي راح تجيك هدايا
6-قفازات لليدين البيبي عشان مايمخش نفسه او يخرع نفسه وهو نايم.
7-لحاف او بطنيه بيبي.
8- مدس اللي يجيك طبقتين ومن عند الراس تلصق الزاويتين ببعض ويفتح بسحاب
9-حوض استحمام ويثبت فيه مسند الحوض اللي تجيبيه من الصيدليه او مذركير.
10-منشفه أم طاقيه مثلثه من عند راس الطفل.خذي ثنتين عشان لو تتوصخ وحدة تكون في وحدة احتياط وممكن تستخدمين الثانيه لتمسيح الطفل بعد ماتغسلين منطقة الحفاظ.
11-صدريات للرضاعه وراح تضلي تستخدميها لحد مايكبر طفلك يعني خذي الكميه اللي تناسبك لانها مو خساره تظل معك لسنتين قدام بس انتبهي تاخذي الي تربط بحبل لانها خطيره خذي اللي بطقاقه.
12-سله موسى (او يسموها هندول عندنا) اللي هو السرير المحمول اللي يغطى بشاش من فوق.
13- شنطه للاغراض البيبي وتلاقيها باي مجمع ولها اشكال والوان كثيرة.
14- سرير اذا حبيتي عشان اذا صرتي تنامي بغرفة نومك ماتضطري تحطي البيبي جنبك لانك ممكن تنقلبي عليه.
أغراض لك وقت النفاس:
من الصيدليه:
1-مطهر للمناطق الحساسه
2-فوط صحيه
3- كلوتات للاستخدام مرة واحدة
4-حشوات سنتيانات عشان مايعدم الحليب ملابسك الداخليه وتجي على شكل دائره وتلصق بسنتيانه.
5-كمادات لحتقان الصدر.
6-مضخة صدر او شفاط صدر مذر كير عندها انواع كثيره في كهربائي وفي يدوي.
7-شنطه المضخه من مذركير وتجي فيها رضاعات تركب على المضخه وتحفض الحليب مبرد(اذا حبيتي)
8- مشد للبطن.
الملابس:
1-سنتيانات للرضاعه من مذر كير وواحة الجلابيه او العاديه تفي بالغرض بس خذي مقاسات اكبر من صدرك عشان الحليب.
2-ارواب مريحه
3-سراويل قطنيه طويله لان النافس جسمها حساس وبسرعه يدخلها البرد.
4-ارواب استقبال او جلابيات اذا حبيتي.
تجهيز شنطه البيبي قبل الولادة:
1- لبس ثقيل (برباتوز طقاق افضل من اللي تنلبس من فوق لانك تخافي الممراضات يوجعوا البيبي وهم يلبسوه) ولاتكثري ملابس خليه بلبس المستشفى لحد ماتجي تطلعي عشان ماتضيع مع ملابس المستشفى.
2- طاقيه للبيبي.
3-شرابات وقفازات للبيبي.
4-مهاد
شنطه الولادة لك:
1- (2غيار داخلي من سنتيانه وكلوت)
2-فوط
3-قميص نوم واحد وواحد للاستقبال(ويكفي واحد بسيط في شكله ومريح)
4-فرشاة ومعجون اسنان
5-كريم مرطب
6- منشفه وشامبو وليفه
7- شبشب
8-شرابات لانك راح تحسي بالبرد بعد الولادة
9- مناديل(فاين)
10- مقص عادي ومقص اظافر للاحتياط.
11-شاحن جوال
12- كميرا اذا حبيتي
13-معقم يدين.. تعرفي المستشفى كله جراثيم
15-عطر لتعطير الغرفه وياحبذا يكون هادي عشان ماياثر عليك وعلى الخياط.
16-قارورة مويه زمزم مقري عليها او انتي تقري عليها وكمان كتيب ادعيه عشان تسهيل الطلق.
17-صورة من اوراقك الرسميه(كرت العائله)
فكرة:اكتبي رساله بجوالك واحفضيها واضيفي كل الارقام اللي بتبشريهم بولادتك عشان بس ترسليها لانك بعد الولادة ماراح تكوني فايقه تكتبي رسائل .
ملاحظه: في اغراض ثانويه الاهميه وكله على حسب راحتك وميزانيتك.
ودمتم بود.....