زوجي اناني ..وش اسوي؟

[غيوم المطر]

السلام عليكم ورحمة الله وبركاته
كيفكم يابنات ان شاء الله بخير
بنات انا محتارة وماادري وش اسوي
زوجي يمنعني اطلع من البيت وازور اقربائي او حتى صديقاتي
وهو يطلع كل ليله ويسهر مع اصاحبه للفجر
وانا اطفش لحالي بالبيت ولما اجي اطلبه ازور احد مايوافق الا نادر ماندر
تعبت من القعدة لحالي واكتئبت
والمشكله مالي احد هنا بتبوك الا ناس قليلين جدا ومااعرف احد
وامي ساكنه بعيد هي وزوجها ومرت ابوي ماتجلس بتبوك الا ماندر دائم مسافره واختي مااحب اجيها كثير لان زوجها نظامي جدا وبيتوتي وينام بدري
الناس اللي مسموح لي ازورهم هم اهله والمشكله انهم ناس مايسلوا ورسميين واخاف واحاسب على اي كلمه تطلع مني عندهم لايفهموها غلط ولما اجي اسير على عمتى او بنات عمي لازم افتح مناحه لحد ماتتنفخ عيوني عشان يوافق كل مرة كذا
ويتعذر بانه اجنبي وغريب عنهم وانه مايعرف زوج عمتي او محد زارني منهم وهو مايخليني ازورهم اصلا عشان اعزمهم وبنات عمي بنات مو متزوجات واخوانهم كثير وامهم كبيره بالعمر يعني مايقدرو يسيروا.. احسد اختي لان زوجها ولد عمي ولما تجتمع مع اخواته وناسه وضحك وسوالف ..مو مثل اهل زوجي.
نفسي ان زوجي يتغير ..
عطوني حل ...

[روز بااريس]

هو شكلة يستحي يوديك عشااان لايجلس معك ... قوليله خلاص نزلني وروح واذا خلصت تعال خذني

جربي هالطريقة

[jode]

مادر والله شاقولك بس الله يهديه اتبعي نصيحه الاخت روز وشوفي وانشالله البنات يردون وتشوفي ارائهم

[قمر بيت أبوها]

غريبه والله
الله أعرفه عن أهل تبوك انهم مره اجتماعات
حتي كنت أعرف وحده هناك ماتفضي
كل يوم جمعه
جيرانهم وجماعتهم
اذا انتي من تبوك من اهلها اعزمي بنات عمك ومع كثر جيتهم بسمح لك
واذا من خارج تبوك بس مستقره مع زوجك تعازمي انتي وجيرانك
اللي اعرفه ان اهل تبوك مررررره أجتماعين

[حلوة البنات]

نفس حالة زوجي اذا طلعت مع اهلي يتصل عليي مشتاق لك او يسوي نفسه مسكين

و انا اجلس بالاسبوعين ما اشوفهم على العلم ان بيتهم اقدر اروح له مشي من شقتي يعني قريب

و هو اذا شاف اصدقائه حتى لو كنت طفشانه يروح لهم و يتركني

[غيوم المطر]

والله يابنات استخدمت هاذي الطريقه وقلت له اذا ماتبي تدخل عند الناس او خايف يمسكوا فيك نزلني وروح يقول لا انتي ماهمك الا المسايير انا مو متزوج عشان الحرمه كل مرة وهي مسيره على ناس مع اني والله العظيم مااطلبه اطلع الا الربوع او الخميس والناس اللي اطلبهم هم ياعمتي يابنات عمي ومالي صداقات لاني توني سكنت تبوك..
حتى والله يابنات قلت له اذا ماتحب اني اطلع الا على ناس تعرفهم انت معرفه شخصيه انا موافقه نسير انا وياك على واحد اخوياك واتعرف على اهله اوزوجته... منه انت تسانس مع خويك ومنه انا اتعرف لي على ناس ويصير لي مجتمع اجيهم ويجوني..وحتى نعزمهم عندنا بالبيت.. قعد يضحك علي...
انقهرت ...بالله كلامي فيه غلط؟

[عفوآ حبيبي]

بصراحه انتي قلتيها زوجك اناني وشلون يطلع ويسهر للفجر وانتي تزوري على كيفه

طيب قوليله خلك عادل وزي مانت تحب تروح ماحد يتشرط عليك لاتقعد تتشرط علي وادعي ربك واستغفري كثير

وانشالله تنحل مشكلتك لاني تضايقت لك فارديت كذا انا مثلك في ديره مو ديرة اهلي وحاااسه فيك
لاجار ولا ونيس

[همسات ام]

حبيبتي سايريه وشويه شويه بدون شد ومشاكل اقنعيه يعني شوبه شويه زيدي خروجاتك وعلى فترات متباعده ابدي اقنعيه تروحي مره في الاسبوعبن مثلا وفوتي كم اسبوع اعمليها مره في الاسبوع وشوي شوي بدون مشاكل ولا تحاولي تفرضين عليه فرض حتى لا يعاند وتزيد الامور سوء
اما بالنسبه للانانيه اعلمي يا اختي اللي مو اناني مو رجال يعني الانانيه صفه موتبذه فيهم كلللللللللللهم
ربي يصلح الحال

[قمر بيت أبوها]

حلوا يعني عندك أقارب درجه أولي
اتصلي علي عمتك
وقولي لها يقول مااخليكي تطلعين مااحد زارك و من هالكلام ’’’’
يعني كانك تشكي لها عشان تزورك
ولما تزورك ماراح يقول لا تستقبليها مهما كان راح ينحرج بجيتهم
ومره ومرتين راح يقول زوريهم
بس انتي هدي بالك
وزوجك نفس واحد من أقاربنا يقول جمعة الحريم تجيب المشاكل متعقد من ربعه
ومن جهه يقول ليش انا متزوج عشان هي كل يوم ببيت
والآن وربي زوجته تسهر باستراحات وتعزم صديقاتها مو اقاربها
بس قلت لك
اعرفي بذكائك ليش هو مايبغاكي تطلعين
وتفاءلي خير