حامل وأذا شربت لبن أو حليب يجيني إسهال؟؟

[غلادنس]

السلام عليكم

شلونكم وشخباركم عساكم بخير وعافيه انتو واجنتكم

حبيت اسالكم واستشيركم في شي اول مره يصير لي


الله يسلمكم كنت اتبع حميه غذائيه صحيه قبل الحمل والحميه اكثر شي اكل واشرب فيها الاابان قليله الدسم((الروب واللبن والحليب ....الخ))

من حملت الله يسلمكم من اشرب لبن او حليب او اكل ملعقه روب على طول يجيني سهال الله يكرمكم

انا ماعندي مشكله اتركه بس احس انه هذي الاشياء ضروريه اثناء فتره الحمل وبالذات الشهور الاولى وقت نمو وتكوين العظام للجنين

لما قلت للدكتوره قالت لي خلاص حاولي تبعدي عن الاشياء الي تسوي فيج جذي عشان ماتجهضي خوفتني يعني

بس ابي شوركم وابيكم تقولون لي شنو اسوي وشنو اكل عشان يعوض الكالسيوم الي في اللبن والروب

وماينقصني او ينقص الجنين شي


وسلامتكم وربي يهون على كل حامل يارب

[اوراق الخريف]

وقفي الحليب مؤقتا بس اللبن والزبادي يخففون موضوع الإسهال وانتي بكرامة ماتزيدة بعد كلي معهم موز مفيد ويمسك البطن حبوب الحديد اذا تاخذين ترى تسوي امساك يعني ممكن تعادل الوضع عندك وتفيدك بنفس الوقت اتمنى اكون افدتك وركزي على الورقيات داكنة الخضرة يرتفع فيها نسبة الكالسيوم ولاتحطين الإجهاض على بالك كله بيد رب العالمين



اوراق الخريف

[بنوت]

أنا أقول غيري نوع الحليب أو نوع الروب وشوفي

[غلادنس]

اوراق الخريف مشكوره خيتو ماتقصري بغير نوع الحليب وان شاء الله مايصير لي شي

بنوت مشكوره حبابه

ماتقصرون ربي يهون عليكم

[يارب ترزقني بطفل أضمه]

ياعمري يمكن عندك قولون الي عندهم قولون مايناسبهم الحليب ومشتقاته

[rose]

عادي استغني عن الحليب بس الزبادي بعرف ممفيد للي معاهم اسهال
زي ماتكرمت الاخت اوراق

[نبع المحبة]

ابتعدي عن الحليب مؤقتا
بس شربي اشياء من مششتقاته
او غيري نوع الحليب
والله يسهل عليج حملج

[غلادنس]

المشاركة الأصلية كتبت بواسطة يارب ترزقني بطفل أضمه

ياعمري يمكن عندك قولون الي عندهم قولون مايناسبهم الحليب ومشتقاته

لا حبابه ماعندي قولون ولا شي :)

حياج الله

[غلادنس]

المشاركة الأصلية كتبت بواسطة rose

عادي استغني عن الحليب بس الزبادي بعرف ممفيد للي معاهم اسهال
زي ماتكرمت الاخت اوراق

مو هذا الي انا مستغربه منه

بس الله يعين


مشكوره حبابه ع الطله

[غلادنس]

المشاركة الأصلية كتبت بواسطة نوني استحي

ابتعدي عن الحليب مؤقتا
بس شربي اشياء من مششتقاته
او غيري نوع الحليب
والله يسهل عليج حملج

غيرت نوع الحليب وشربت حتى الحليب البارد بس نفس الشي

نورتي حبابه