مين استخدم تحاميل gyno mikozal في الاشهر الاولى من الحمل

sara*_* · 05-05-2011, 03:19 PM

بنات بنجن من الشك امس الدكتوره وصفت لي تحاميل مهبليه gyno mikozal استخدمتها وتو اليوم انتبه انو مكتوب في الوصفه لا ينصح استخدامها في الاشهر الاولى من الحمل وانا ببداية الثالث ايش تنصحوني وربي محتاره

sara*_* · 05-05-2011, 03:46 PM

حدي يطمني تكفون

ابنائي حياتي · 05-05-2011, 04:39 PM

سارة قرات رد باحدى المنتديات
ساقتبس لك الرد

اقتباس:

حبيبتي انا صار لي مثلج اول ايام الزواج لدرجة انه كملت 3 شهور يمكن ماقدر يدخل فيني ...

وقالو انه فيني التهابات وسببها انا قبل كان عندي التهاب في البول الله يكرمكم لقلة شربي للمااء وبعد الزواج انتقلت للمهبل وكنت اتالم وايد وحتى انا ماقدر المس هذيك المنطقه

رحت العياده وعطوني كريم ادخله بانبووب اسمه gyno-daktarin لونه العلبه فيها خط اخضر وهذا ماكنت اقدر ادخله كله من شدة الالم ادخل شوي شوي لمدة عشر ايام بس الصراحه انا مانتضمت مرات مااسوي وهذا الغلط عندي اني مانتظمت في العلاج هو يبيله تنتظمين بس ويروح الالم وحتى ماكملت الايام المطلوبه من حسيت انه اقدر ادخل الانبوب كامل اعتقد اني اتشافيت من الالتهابات والحمدلله من جا يدخل زوجي علي الحمدلله قدر يدخل وعقبها جاتني حكه والسبب عدم التزامي فيه ردت لي الاتهابات رحت مع دكتوره مختصه وعطتني حبوب اسمه ديفايد اضن تخفف الالم لانه كان فيني الم في بطني وظهري ومن تحت ماكملت كم يووم وعرفت اني حامل الحمدلله

بس في الحمل المصيبه زادت علي الاتهابات وردت لي الحاله الاوليه رحت مع دكتوورتي الي اتعالج معاها مب المختصه قالت مانقدر نعطيج تحاميل وعطتني نفس الكريم المهبلي الي قبل وقالت لا ادخلينه كامل عشان ماياثر ع الجنين وسمعت بكلامها واستخدمته لمدة سبع ايام بس وهم يبون عشر ايام وتركته ماخف الالم واستغربت قلت يمكن التهابات بكتيريه لانه زاد الالم فيني رحت لها مره ثانيه قلت لها مافادني الكريم عطتني كريم ثاني اسمه مايكوهيل فيه خطين بنفسجي وخط ازرق غامق هذا من استخدمته حسيت بحكة شديده والم غير طبيعي وتركته قلت لهم يعطوني تحميلات مارضوو رحت مع دكتوره مختصه وشكيت لها وقلت لها ابي تحميله مابي كريم طفشت من الكريم لانه الكريم يبيله تستخدمينه اكثر من اسبوع تقريبا

قالت بتعطيني تحاميل قلت مايضر الجنين قالت لاا مايضره ان شاء الله وقلت لها كيف ادخلها كامل او بس شوي عشان ماتوصل للجنين قالت ماياثر لازم ادخلها كامل عشان يكتمل العلاج وتروح الالتهابات كلهاااا

وعطتني تحاميل اسمها gyno-mikozal بس ترا هالتحاميل للي فيهم فطرياات مب بكتيرياا

ومن هالقصه الطويله العريضه الي كتبتها لج

وكتبت معاناتي مع الاتهابات واكتشفت انه لازم ننتظم في العلااج ومب اي دكتووره تعرف لسوالف الاتهاب روحي مع دكتووره متخصصه في امراض النساااء

واكثري من شرب المااء وقللي من شرب اي شيء فيه كافيين مثل الشاي القهوه المشروبات الغازيه

لانه هالاشياء مدره للبول الله يكرمج وتنقص الماي في الجسم ومايستفيد الجسم من الماي الي تشربينه

يعني اهم شي انج تشربين ماااي وتقللين المشروبات المنبهه وتنتظمين في العلاج وان شاء الله خير

والسموحه ع الاطاله بس حبيت اكتب لج قصتي الماساويه الي عانيت منها والسبب اهمالي وعدم انتظامي في العلاج واني كنت اروح مع اي دكتووره عامه

ولا تنسي سارة اشربي مي كتيييييييييييير

sara*_* · 05-05-2011, 08:13 PM

يعطيك العافيه انتي الوحيده اللي عطيتيني وجه سويت بحث باالنت بس كل اللي استخدموه في الثلث الثاني من الحمل بس نزلت الموضوع في منتدى ثاني والحمد لله في كثير استخدموها في الشهر الاول والثاني ومامنها ضرر انشاء الله
المي شربت لين انتفخ بطني

ابنائي حياتي · 05-05-2011, 10:20 PM

معليش سارة ضلي اشربي المهم تروح الالتهابات

ورده بين ايديه · 05-19-2011, 06:58 AM

انتبهت لموضوعك
فحبيت أفيدك
أنا استخدمتها قبل الحمل صراحه اربعة ايام وبسبب الفطريات
وكانت مسببتلي مشاكل كتيره والحمد لله بعدها على طول حملت
انتي اقري الروشيتا وشوفي اذا مكتوب بالصريح ماتنفع الحامل لاتستخدميها والله يعينك*

طبيبة القلوب · 05-19-2011, 07:06 AM

انا اعطتني اياها الدكتورة ,,,, لكن قالت لي اول ما تخصلي الرابع توخديها ...
مو قبل هيك ....
كنت اشتكي من رائحة شديدة من غير افرازات

na3ooma · 05-19-2011, 12:02 PM

انا اعطتني الدكتورة gyno daktarin وقالت هذي تنفع بأول 3 اشهر ولازم نحارب الفطريات علشان ماتوصل للجنين .

أإأم ع‘ـــزُوـوزُ · 05-19-2011, 07:50 PM

أنـآ نفس الشي إستخدمتهـآ بس بالأشهر الأخيره ....

أمـآ بالأشهر الأولى الدكتوره مـآرح توصف لك شي يضرك ....

يكفيني وجودك · 05-19-2011, 08:40 PM

انا اعطتنيها الدكتوره وانا بشهر الثالث بأخره علشان عندي التهابات
واستخدمتها .. لوفيها ضرر ماكان وصفتها
والله يشفيك يارب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تناول التمر في الاشهر الاولى من الحمل	عزيزة النفس	إستفسارات حوامل ثلاثة شهور الأولى	75	06-03-2013 04:45 PM
الصيام في الاشهر الاولى من الحمل	عزيزة النفس	إستفسارات حوامل ثلاثة شهور الأولى	103	08-13-2012 12:17 AM
الجماع في الاشهر الاولى من الحمل	عزيزة النفس	إستفسارات حوامل ثلاثة شهور الأولى	25	05-09-2012 08:43 AM
افيدوني نزول دم بعد الجماع في الاشهر الاولى من الحمل	"ام بيـــادر"	إستفسارات حوامل من الشهر السابع إلى الشهر التاسع	13	07-07-2010 07:46 AM
تمارين الاشهر الاولى من الحمل	عزيزة النفس	إستفسارات حوامل ثلاثة شهور الأولى	4	03-19-2010 12:02 AM