عجزت انام من الضيقه ..ياليتني ماتزوجت؟؟ ساااعدوني..

[حلمي امل]

السلام عليكم ورحمة الله وبركاته

بقولكم سالفتي من البدايه متزوجه من 7 شهور من ولد خالتي واخذنا بعض عن الحب مو زواج تقليدي صراحه اني احترت بالموافقه لاني مااشجع زواج الاقارب بس ماطاوعني قلبي ارفضه واخلي وحده غيري تاخذه بس مجرد التفكير تذبحني الغيره<<<
المهم سكنت معهم بالبيت بغرفه وحده حتى الحمام مشترك فيه خوانه اتغطى منهم واذ طلعت للحمام احيانا اكون مستعجله يهاوشني اذ لابسه بجامه وطالعه كذا قلت شكلي بطلع بالخير بعباتي للحمام طفشت..
هاللحين شرينا بيت كبير بننقل فيه قريب ...المشكله هي انو البارح كنا عند حريم من جيراننا اللي جنبنا وسالوا خالتي بتسكنين هالوقت قالت لا وكانت وحده جالسه جنبي قالت وانتي تقصدني قلت لا وبعدها قالت لخالتي ليش ماتخلين ولدك يطلع هو زوجته انا لو على كيفي كان قفلت الباب بيني وبين حريم عيالي قالت خالتي انا مامسكت احد والتفتت لي وقالت انا قلت اليوم لمحمد (اللي هو زوجي) اطلعوا وابدوا تاثيث قلت انا ماقالي شي قالت الحرمه نفسها اطلعي مثل اقالت خالتك وانتي تقصد خالتي خوذي راحتك وحتى اذ طلعوا تستفيدين من الغرفه وتتوسعون قالت خالتي ايه والله نتوسع ..البيت طول وعرض جت على غرفتي اربع باربع يتوسعون فيها ...سكت ع طول بصراحه مااحب احد يتدخل فينا وهالحريم قليل اجلس معهم جارات خالتي مو كثير اروح عندهم وش هالميانه

المهم تعشينا وبعدين رجعنا نشرب شاي ونسولف رجعوا يتكلمون لنفس السالفه بيتنا الجديد سألوا خالتي كم شقه في البيت قالت ثلاث وحده لهم تقصدنا انا وزوجي وحده لولدها الثاني يدرس تقول اذ تزوج والثالث بتاخذها يعني بتدمجها مع الدورين الرئسيين للبيت تقول بتوسع فيهم قالت وحده والدرج قالت فيه الداخلي حق الدورين والثاني حق الشقق اللي فوق بس بألغيه قالوا لها ليه قالت بخلي الدرج اللي من الشقق ع الشارع ماابي باب داخل البيت <<يعني من فيه الشقق انا وولدها بس هذا وهي خالتي اخت امي اجل لو كنت مااقرب لها وش بتسوي << الحريم قالوا احسن خلي حريم عيالك بعيد عنك ياخذون راحتهم وانتي بعد تاخذين راحتك...قالت خالتي اللي فيها خير لو كانوا معنا بالبيت بنشوف خيرها واذ كانوا بعيدين بنشوف بعد الخير والشر واضح,,,, يعني من تقصد مافيه الا انا من كثر عيالها اللي متزوجين,,

رجعت للبيت ابكي من القهر وش سويت لها والله اني محترمتها من قبل لااخذا ولدها واذ صارت فيه عزيمه عندنا والا شي والله اني اقوم بكل شي من الالف الى الياء تقوم من النوم وتتروش ومكياج ولبس وتنزل وتلقى كل شي مسويته استقبلها بالبخور عند باب الدرج معتبرتها امي الثانيه ومايطلعون الحريم الا يمدحون كل شي والله العظيم ثلاثه من جاراتها يتصلون من بكرى يسالون عن طريقه الحلى والا سلطه والا الرز وتقول لي اكتبيه برساله بجوالي وارسليه لهن الحمد الله انا من النوع الطبخ اتفنن فيه ....



كثرت بالكلام لاني متضايقه مااقدر اشكي لخوات ولا لامي بتصير حساسيه بعدين دووورولي حل والا بانتظر زوجي يقوم لدوام وابي اتهاوش معه يايدور لي حل مع امه يايطلقني علشان تاخذ راحتها بالبيت وتتوسع على كيفها...بصرراحه مليت ماهي حاله تنشر غسيلنا قدام حريم مااعرفهم حتى لو تمون يعتبرون بعيدين عنا؟؟؟؟