اول مره اجهض ...ساعدووني وش اسوي؟؟

[حلمي امل]

السلام عليكم ورحمة الله وبركاته
انا كنت حامل بشهر واحد واول حمل لي ليله العيد نزل علي افرازات بنيه واستمرت يومين وبعدها نزل دم احمر ثقيل زي الدوره رحت للدكتوره وعطتني مثبت وسوت لي تحليل دم هرموني طلع 3000وقالت حملك مهدد بالاجهاض واخذت الحبوب لمده اربع ايام ووقف الدم وبعدها رحت لها قالت كيس الحمل ملفوف ع بعضه احسه مو طبيعي وكشف من تحت وقالت نفس الكلام وبعدين قالت بحلل دم رقمي وحللت طلعت النتيجه 3 بس وقالت نزل مع الدم وماحسيتي فيه صح اني انصدمت وجلست ابكي هذا اول فرحه لي الحمد الله ع كل حال ....
عطتني موعد بعد ثلاث ايام تقول بشوف الرحم نظف والا لا ؟؟؟وانا ماينزل عل دم ولا شي؟؟
ناس تقول لي سوي تنظيف وارتاحي من الدم بكرى تتقطع دورتك ويصير لك سدد ولا تحملين الا بعلاج؟؟؟ وناس تقول انتظري الدوره وينزل الباقي مثل الاول لانه صغير لاتبهذلين نفسك من هاللحين بالمستشفيات ؟؟؟وناس تقول اشربي شي دافي مثل القرفه والزنجبيل وكف مريم ينزل بثلاث ايام تنظفين؟؟؟


وش اسوي من اطيع

[الشوووق عطري]

حبيبتي انا نفسك اول حمل لي سقطت

بشهر واحد بس ماسويت تنظيف لانه صغير وما احتجت تنظيف

بس كنت بالمستشفى وقالت لي الدكتوره بعد التصوير

خلاص ماتحتاجين تنظيف

فانتي اذا تقولين وقف الدم لاتخافين روحي المتشفى

واذا ماتحتاجين تنظيف بتقولج الدكتوره والله يصبرك

انا بعد الاجهاض بقيت 5 الى 7 اشهر تقريباو بعدها حملت والحمد لله

انا الحين بالشهر السابع

دعواتك

[مجنونة بحبها]

حبيبتي حسب حالتك انا مرتين سويت تنظيف لان بقايا للطفل بقت برحمي ومررررررررره لالالالالا محتاجيت تنظيف حسب راي الدكتوره والسونااااااااار الله يعوضنا انا صارلي تسع اشهر من سقط اخررررررررررحمل الي

[عليا لولو]

انا كمان اول حمل اجهضت في الشهر كان تقريبا شهر ونصف بس ما كان في نبض للجنين وقالت الدكتورة لازم ينزل صرت اشرب قرفة 3 مرات باليوم ويومين وجالي نزيف والحمدلله ماحتجت تنظيف قالت الرحم نظف بس طبعا صرت رايحه جاية عالمستشفى اعمل سونار عشان أتأكد ان الرحم نظف
بس روحي اعملي تحليل هرمون الحليب انا بعد مااجهضت قعدت 9 شهور ماحملت بسببه وملكنا اعرف وعملي ضعف بالتبويض

[ام سلطااان]

لاتسوين عملية تنظيف اشربي قرفه وحلبه وكلي رشاد وان شاء الله ينزل ومايبقى بقايا للجنين

[زينة الحياة الدنيا]

الله يعوض علينا اجمعين

[ريح المسك]

غاليتي صارلي زي حالتك بس أنا أخذت نشأ وماء ورد ثلاث أيام على الريق
والحمدلله نزل من ثالث يوم ومااحتجت تنظيف

[التفاؤؤؤل]

خليك مع دكتورتك هي اعلم بحالتك اذا تحتاجين او لا واذا طلبت لك تنظيف لاتترددين سهله مره كلها ربع ساعه وطالعه وافضل لك عشان تنظفين كويس اعرف وحده سوتها وماشاء الله تبارك الرحمن حملت على طول بعد التنظيف

[SAMOO]

هلا حبيبتي ربي يعوضك يارب

انا عن نفسي حملت وربي ماكتب نهايه الاول جاتني الالالم يوم الخميس والجمعه بالليل صار نزيف حاد رحت المستشفى وقالت مافي كيس مع انو الجمعه المغرب رحت مستشفى خاص قالت كل شي تمام بس الليل سقطت والحمدالله يارب رحت المستشفى قالو لي تنويم وع طول اليوم الثاني تنظيف قلت توه صغير مايحتاج قامو سوولي سونار تقريبا 11 مره يتاكدوهن بالاخير قالو فيه بقايا لازم تنظيف والحمدلله سويت تنظيف ولي اسبوعين من سويته حبيت اقولج تجربتي


اتمنى تكون طلتي خفيفه عليكم

[Henata]

قلبووو الله يعوض عليك يارب وع الجميع

انت استخدمي اللي قالوا البنات رشاد مع تمر وقشر قهوة وقرفه اشربيهم
وانتظري الين الموعد الجاي اذا نظف والا توكلي ع الله وسوي تنظيف
مع انه بالشهرين الاولى ينزل من حاله ومو دايم يستدعي تنظيف