قصة حملى وولادتى

[مامت آدم]

السلام عليكم الاخت نور الجنوب طلبت منى احكى قصة ولادتى وانا مش هتاخر عنها ابدا اول شيى قبل الحمل ده حصلى اجهاض شهرين والحمد لله على كل شيى وبعدهابكام شهر حصل حمل والحمد لله فى اول الحمل نزل عليا دم وقولت دا هينزل زى الحمل التانى ورحت للدكتر عطتنى مثبتات كتير ونمت على ظهرى اول اربع شهور لما نفسيتى تعب بسبب نومى فى السرير ليل ونهار وكان قيلالى مقمش خالص من السرير الا للحمام والحمد لله مرو الاربع شهور بسلام بعدين عملت تحليل انيميا فى السابع خصوصا انى اعانى منها طلعت الانيميا شديدة واتعلقلى محاليل حديد كل اسبوع واتبهدلت تركيب كالونة كل شوية والحمد لله جة التاسع بقا وميعاد الولادة كان عندى كحة فى اول التاسع وادكتورة قالتلى انها مش هتقدر تولدى بالكحة دى خصوصا اى بولد قيصرى وصعب الكحة مع الجرح اضطرت انهاكل شوية تاخر الولادة وتعطينى مضادات حيوية كنت باخد الحقنة جرام وما كاتنت تاثر معى ابدا اخدت كمية علاج وكمية مضادات حيوية لحد ما جسمى اتنحل وما فى اى فايدة اخر حاجة المية حوالين الجنين كانت هتنشف وهى عايزة تولدنى ومش راضية بسبب الكحة الشديدة حولتنى على دكتور صدر المهم الدكتور كشف وعمل اشعة وقالى عندى نزلة شعبية حادة على صدرى والمفروض اولد ياجماعة بعد يوم او يومين ادانى علاج وقالى اصبر يومين واروح تانى له قبل اما ادخل العمليات للولادة اتصلت بالدكتورة قالتلى ان الطفل مش هيستحمل خدى العلاج وربنا يسهل يوم كده ونولد ان شاء الله واتصلت بيها بعدها بيوم وحددت موعد الولاده تانى يوم العصر اروح المستشفى واتصل بيها وانا هناك روحت وجات المستشفى كان يو 23 رمضان بعد صلاة العصر جات الدكتورة ولا يوجد غرف عمليات فاضية اضطريت اصبر شوية لحد ما غرفة فضت ودخلت اوضى العمليات وطبعا كان لازم اخد بنج نصفى علشان تعب صدرى كان غلط البنج الكلى اخدت مخدر خفيف علشان يدينى دكتور البنج حقنة الظهر بدون ما احس وفقت بعد ما بدوا العملية تقريبا ب10 دقايق وبطنى مفتوحة وابنى طلع وسمعاه بيعيط بس طبعا مش حاسة بنصى اللى تحت تماما قمت بقا ونفسى مكتوم تماما ومش عارفة اتنفس نهائيا وابكى واصرخ ويعطونى مضادات حيوية ومهدئات ومخدر ويحطو اكسجين والعمليات والدكاترة اتقلبو عليا وحالتى كانت صعبة وفضلت كده لحد ما طلعت من العمليات بصرح واعيط من ضيق نفسى وصدرى لحد ما وضعونى فى غرفتى وكانت حالتى الصحية سيئة جدا وكل شوية اخد جلسات استنشاق جلسات اكسجين لحد ما طلعت من المستشفى وفى البيت كمان والحمد لله انا الان احسن من الاول بس بجد كل ما افتكر ولادتى ابكى واقول الحمد لله ان لسه عايشة وربنا يحفظلى اولادى يارب وربنا يقومكم بالسلامة جميعا

[السيدة ماما]

الحمد لله على سلامتك و ربنا يسهل ولادتنا

[مامت آدم]

يارب ربنا يكرمك بتسهيل الولادة ان شاء الله

[تــومــا]

الف الحمدلله على سلامتك وماتشوفين شر ياااااااااااااااااااارب

[ام مراوي]

الحمدلله على سلامتك وسلامة النونو ان شاء الله كل التعب اجر من رب العالمين

[مهره الدنيا]

الـــــــــــــف الـــــــــــــف الـــــــــــــف

مبروووووووووووووووك

والحمدلله على سلامتك وسلامة البيبي

وماتشوفي شر يــــا الغاليه

[النوري84]

الحمدالله عالسﻻمه..ومبروك البيبي..

[ملكتني بهمسك]

الحمدالله على سلامتها وسلامه البيبي وهذا الالم الي حست بيه بيكون في ميزان حسناتها والسنه الجايه لمن يكمل ولدها سنه بتكون لها ذكره

[أصآآيل]

ما شاء الله الحمد لله على سلامتك والف الف مبروووووووووووووووووك

[مامت آدم]

تسلمو اغلى واحلى اصدقاء