محتاجة جواب من الحوامل او من دكتورة نسائية اذا موجود لو سمحتو

[Koko84]

مرحبا
انا عمري 32 وعندي بنتين الكبيرة 12 والزغيرة 5 سنين والبنتين عمليات قيصرية .. من فترة زغيرة حبيت ارجع احمل .. دورتي منتظمة الحمد لله كل 28 يوم ..كل هالفترة كان الجماع بطريقة العزل الدائم .. هالفترة صار الجماع طبيعي من عادتي انو مغص الدورة ما حس فيه الا وقت نزول دم الدورة اول شهر جربت احمل فيه اجاني مغص الدورة من قبل موعدها ب 3 ايام وتأخرت عليي يومين وبعدين شرفت تاني شهر اجا مغص الدورة والدم نزل بنفس الوقت بس عل 25 يوم هيدا الشهر كل شي غيييير .. المغص مبلش معي من اسبوع وكل شوي بقول شرفت الدورة ما في شي ووجع بصدري ونغز بالمبايض وجع اسفل ضهر مع لمع واوقات بيمتد لفخدي .. موعد دورتي بكرا اذا بدي احسبها عل 28 يوم .. اليوم رحت عند الدكتورة بدي اعمل فحص التهابات وخبرتها اني ممكن كون حامل قالتلي ما رح تعملي تست حمل ليمرق عدورتي اسبوع واخدت مني سائل من المهبل للفحص وفحصتني فحص نسائي دخلت اصبعين وصارت تكبس ع رحمي من جوا ومن بطني وبعد الفحص قالتلي قومي اعمليلي تست حمل ... انا ما كان صرلي ياعة فايتة عالتواليت ويا دوب نزل مني بول والتست عطا نجاتيف لاني بعرف انو بكير عليه بس مستغربة ليش بعد ما فحصتني غيرت رأيها وطلبت مني اعمل تست؟ يا ريت تفيدوني بجواب منطقي لاني شاكة انها ممكن عالفحص حست اني حامل او انا عم اتوهم؟!!!!!
طولت عليكم سامحوني