مسكييييين زووووجي !!! افف انصحوووني ):

[وضوحه]

السلام عليكم ... شخباااركم ...

بصراحه مو عارفه اوصف الحاله اللي انا فيها !!!

انا حامل تقريبا دخلت الشهر الثالث من كم يوم ،، وعلاقتي بزوجي تمااام لكن

من اسبوعين يمكن صرت ماحب اشوفه مستانس صرت احب انكد عليه !!

ومن يعصب ويتضايق استاااااانس <<< والله صرت اخاف من نفسي !!

واذا شفت الاوضاع هاديه نبشت موضوع عشان انرفزه ويصير بيننا زعل !!!

مدري اذا الحمل له دور !!

لاني عقب اتحسف واصييييح وارجع طبيعيه والله كني مجنونه !!!

وزوجي كان يعذرني بس الحين بدا يطفففش ومو عارفه شسوي !!!!

[بنت جدة]

العلم عندلله ممكن تكون من الحمل ..
إن شــآء الله ترووح ترجعى احسن من اول ..

[سمسمه عمرو]

حبيبتى لاتخافين اهم شىء انك ما تكون هاى طباعك قبل الحمل
انا فى اول 4 شهور من الحمل كنت كذا وادركت انه من الحمل لانى قبل الحمل ما كنت هيك وزوجى يعرف هذا جيدا وبيعذرنى
لا تخافين ممكن يكون وحم لان الحمل يسبب اضططرابات نفسيه بسبب تغير الهرمونات فى جسم الحامل
لا تخافين بس تعدى الثالث او الرابع وهاذى الامور بتصير خفيفه
بس فهمى زوجك وعرفيه من انه من الحمل وهو اكيد بيعذرك
ولما تحسى انك هتنكى عليه استعيذى بالله من الشيطان وابتعدى عن زوجك لبضع دقائق حتى تهدى وان شاء الله لا تشوفين شر
دعواتك بتسهيل حملى وولادتى

[احبك ماما]

يمكن تتوحمين بخناق ووجه زوجك العبوس ...ههههههه

مسكين والله كسر خاطري تخانقينه واهو ماسوى لك شي ..صج انك نشبه ههههههههه

طيب لمن تحسين انا الشيطان هللللللل وتسلط عليكم تعوذي من ابليس واقري المعوذات وصلي ع محمد وال محمد ..........

ربي لايجيب الزعل بينكم ...

[جولييت]

اعتقد من الوحام لاني توحمت بزوجي ومااحبه يتعطر ولايتبخر احس ريحته تزيد وتلوع كبدي ههههههههههههههههه

الله يكون فعونك

[Fawzia]

يا بنت الحلال هذا عاااااااااااااادي.. ههههههه
انا وصلتها للطلاق ! كله بسبب التغيرات الهرمونيه في الحمل ...
اهم شي انج ما تتركين نفسج لعبه لهذي التغيرات..
اول شي فكري بتغيير الروتين اللي انتي فيه.. يعني لا تخلين زوجج هو شغلك الشاغل..
حطي جدول لازم تسوينه كل يوم وتغيرين الجدول كل اسبوع ..
اهم شي انج تكونين متفهمه لوضعج عشان تقدرين تسيطرين على نفسج..
.. ويا حبيبت العين .. الرياييل مش كلهم مثل بعض.. يعني ممكن تختلف عندهم ردود الفعل.. ويارب زوجج يكون من العقلااااااء.. اللهم آمين.
اذا كنتي قبل الحمل مش مهتمه في نفسج .. الحين هذا الوقت المناسب انج تهتمين بنفسج.. بنفسج..
يعني دلع نفسك بنفسك..
اول اسبوع ..
اول يوم .. روحي اعملي مانيكير باديكير..
ثاني يوم.. سوي يوغا وتمارين رياضيه خفيفه تشيل التوتر من جسمج.
ثالث يوم ..اترسي البانيو (الحوض) ماي دافي واملاح واقعدي مع نفسج شوي..
رابع يوم .. تعلمي طبخه جديده وطبقيها في المطبخ.. بدون اي مساعده من اي حد... صدقيني بتوقفين في نص الطبخه تصيحين على نفسج .. ادري... عادي .. تصير .. المهم .. كملي الطبخه ولو كانت محروووقه كلييييييييها.. ولا تجبرين حد ياكلها لو مش حابين ياكلونها.. ولا حتى قطاو الفريج !..
خامس يوم .. روحي السوق.. خذيلج قمااااااااااااااااااش وروحي للخاطه واعمليلج فستان ناعم للحمل.. يناسب مقاس جسمج .. ولاتنسين الدانتيلات.... تذكري ..دلعي نفسج..
سادس يوم .. نامي قد ما تقدرين ... ليل .. نهار.. واطلبي عصاير وايسكريم من برع .. حتى السلطه اطلبيها من برع.. .. حتى الشوربه.. تغيير تغيير..
سابع يوم ... روحي اعملي حمام زيت.. بس بدوون بخار لشعرج.. مش كويسه الحراره على راس الحامل.. (كلام جداتنا ).. واغسليه وسشوريه .. وتعالي عروس للبيت..
.. هذا اول اسبوع عدى على خير..
ثاني اسبوع .. فكري بأشياء جديده...
اول يوم .. ركزي بس على موضوع واحد..العطور في البيت.. شموع .. نباتات داخليه.. زينه .. ديكور..
ثاني يوم ... ركزي على المرايات.. حتى لو ما تحبين تششوفين شكل جسمج والتغيرات اللي حاصله فيه..
ثالث يوم .. ادخلي النت ونزلي خلطات الزيوت او الكريمات للتشققات.. خلطة الفازلين بزبدة الكاوكاو وفيتامين سي مثلا!
رابع يوم ..طبقي اللي طلعتيه من النت.. خلطات وكريمات مشروبات دافيه .. بارده.. الخ الخ
خامس يوم .. روحي زوري امج واقعدي عندها طول النهار..
سادس يوم .. خصصي يوم كامل ترتبين فيه الكبت .. وتخصصين مكان للبس الجديييييييييييد... الكبييييييييير .. لبس الكرووشه الحلوه .. انتي..
سابع يوم .. روحي جيبي لج قطعة ذهب من ميزانية الزوج !.... اي شي.. المهم انج تحسسينه بإنج مش غافله عنه .. ههههههههههه
وجذي عدينا اسبوعين بدون ما يكون الزوج كل همج..
شفتي كيف ان في الحياه امور اكثر جاذبيه من التفكير 24 ساعه في الزوج؟!؟!؟
وطبعا اللي هو انتي... وراحتج..
وطبعا ما ننسى الصلوات والقرآن .. كل يوم اقرئي عالاقل 5 صفحات من المصحف .. وبصوت عااااااالي.... .. ترتيل بتجويد..
واذا ما تعرفين تجودين .. تعلمي.. جيبي كتب او من الانترنت وتعلمي.... وطبقي..
بتحسين براحه مش طبيعيه..

اللي كتبته لج .. كله انا مطبقتنه على نفسي قبلج.. لأني وحده صابني اكتئاب الحمل و ما بعد الحمل.. وزنزل وزني 16 كيلوووووو.. ونفسيتي كانت في الحضيييييييض..
وفعلا لوما وقفت زوجي معاي لكنت في خبر كاانا ... وخفت يصير فيني هالشي مره ثانيه في حملي هذا.. فقمت وتلاحقت نفسي من اول اللشهور.. وماتركت نفسي في دوامت التفكير..
اهم شي هو انج تسوين الاشياء اللي تحبينها مع الناس اللي تحبينهم..
وبس.


جربي وادعيلي..

[كولين]

هههههههههههه
اعتقد هذا بسبب الحمل اشرحيلة الحال لزوجك وخذيه للطبيبة حتى تقنعه انه طباعك السيئة بسبب الوحام حتى يعرف ويتساهل معك
والله يتمملك ع خير

[@أم كرار@]

الله يعنك ويساااعدك

[كرملآ]

الله يساعد الجميع
وانا مثلك مب طايقه زوجي لكن ولله معور قلبي وكاسر خاطري
احبه بس مو طايقته"مدري كيف؟!!!

[طبيبة القلوب]

حبيبتي فعلا زي ماقالت الاخت اشغلي نفسك ,,حاولي لا تقعدي مع زوجك كتير هاي الفترة يادوب عالاكل وخلاص,,,,,