اريد حل

[أم سبع نجوم]

السلام عليكم ورحمة الله وبركاته
زوجي دائما يحقر فيني ويطلع عيوب
ودائما يقول لي انتي ماتعرفين تعملين شبيء
احس أذا قال لي هذا الكلام اني بموت والله الموت اهون من انسان تنجرح كرامته
حتى أذا سويت اي عمل ينتقدني اتقاد هدام
تعبت
كيف اتصرف

[Senyorita]

السلام عليكم أختي ..

الله يصبرج ويعينج على اللي انتي فيه ، بس حبيت أقولج لاتخلين كلامه يأثر فيج او يحبطج
اذا عندج شي كل مرة مو ضابطته ( مثلاً طبخة معينة ) ، مع الوقت والتكرار بتتعلمينه
خلي كلامه يكون لج بمثابة "تحدي" تثبتين فيه "له ولنفسج "ان انتي مو فاشلة وقادرة تتعلمين
ومافي إنسان ربي خلقه من دون عيوب .. أهم شي الإنسان يحمد ربه على كل شي ويحاول يعدل من عيوبه
والمفروض ماينتقد الغير .. واللي يشوف مصايب غيره تهون عليه مصيبته والحمدلله على كل حال

و يفضل لو انج تكلمينه بهداوة وبشراحة صدر وابتسامة توضحين له شلون هالمسألة تأثر فيج نفسياً
وبدل الأنتقاد الهدّام .. لازم ينتقد بس بشكل بنّاءو يحفزج على إنج تصلحين غلطج او تعدلين من نفسج.

والله يوفقج والسموحة على الإطالة :)

[سالي العابد]

احسن حل التطنيش

[المستحيله]

خليك واثقه من نفسك واذا بدا ينتقدك كولي مافيه انسان كامل وكلنا نخطي ولافيه احد طلع من بطن امه متعلم .....
وحاولي تمدحين نفسك كثير عنده ....
ومثل ما قالت الاخت كلميه بالموضوع واذا ما فاد طنشيه معيشي حياتك....

[رانيا علي]

اختي انتي مثل حالتي واني من النوع مااتحمل بأن يحكي عليه والله اني كنت اعرف اطبخ بيت اهلي بس هو كلشي مايعجبه
اختي الحل عندي لان انا اعمل هيك
مو يحكي عليه انا ازعل منه وابكي واخلي نهار كامل بدون اكل وبعدين هو يجي يرضيني

[شوق وحنين]

كل مرة ينتقد شي قولي له وانتي مبتسمة وهادية خلاص ما باسوي هالشي مرة ثانية.. وصج لا تسوينه.. وخلي البيت يتكركب وخليه يموت جوع واذا قال لج ليش البيت جذي وليش ما تطبخين؟؟ قولي له لأن مهما أسوي وأتعب ما يعجبك وتحبطني فقررت ان ما أسوي من الأساس <<< شكلي باجيب لج العيد هههههههههههههههههههههههههههه

[احلى من العسل]

ياستي خليك واثقه من نفسك اذا فعلن تعرفين تطبخي وكلامه موبمحله لاتلتفتين له سوي نفسك ماسمعتي شي ولاتردي ولاتناقشي ابد
امااذا كنتي فعلا ماتعرفي سوي شي فتعلمي واسئلي وتدربي على الاشياء الي ماتعرفينها واستغلي غيابه عن البيت بحيث تجربي طبخات جديده اذا نجحت الطبخه قدميها له واذا فشلت كبيها بالزباله ولامن شاف ولامندرى ولا تنتضري منه اي مدح ولاشي انا مجربه وهذا اسلوبي ببدايات زواجي وهالحين بطل ينتقد او حتى يعلق خلاص نسي وانا تعلمت الكثيرمن اخطائي
اتمنى لك التوفيق