مشكلة مأرقتني

[Flower Nectar]

السلام عليكم ورحمة الله وبركاته

أنا جديدة في المنتدى

بس حالتي صعبة ..ورح أجن إلا شوي

مستحية أحكي القصة كلها ..

أنا من شهرين حبيت واحد عرفته من موقع ..منشان يساعدني بشغلة في دراستي

المهم إتطورت العلاقة و هوي حبني و أنا أعجبت فيه بالأول ,,ضلينا شهرين
كاملين عم نحكي مع بعض .بعدين فقلتله لازم بفوت من الباب و يخطبني من أهلي
أجى ولكن لحاله لأنو أمه بسوريا ..بس أخته هون ..

أهلي وافقوا عليه ..و أخد رقمي من ماما لنتعرف أكتر على بعض
أول يوم حكى حكي طبيعي ..بس اليوم التاني بدأ يحكي كلام بينحكى وقت الزواج
وهوي بيعتبر خطيبي ..المشكلة إني جاريته بالحكي و قعدت أحكي معو مع إني مصدومة من كلامه ...هل الكلام بهيك مواضيع صح ينحكى فيها بهالفترة ..ولا هوي مو تمام ؟؟ اليوم التاني ماخليت عليه كلمة ..قلتله إنت حسستني إني مو بنت وكلامك كتير كان أوفر ..قلتله حسستني إني قليلة أدب ..المهم ماغلطت عليه بس حكيت هيك ...قام عصب وماعاد يحكيني ..هل تصرفي صح ..ولا خلص ضاع من بين إيدي

أنا محتارة كتير .. وحاسة إني أنا غلطت عليه ..مابعرف

بلييييييييز ماني قادرة أنام ولا أشرب وحالتي بالويل ..والدموع ماعم توقف

[Flower Nectar]

لك منشان الله بدي رد

والله زعلانة كتير ..وخايفة كون كسرت بخاطره
بلييييييييييييييز جاوبوني

[Wteen]

حبيبتي انت بدك الشرع
والي يرضي الله
تصرفك من البدايه غلط
المهمممممممممممم
دامه جا من الباب وخطبك
قوليلي ملك عليكي
قصدي كتب اكتابه

[Flower Nectar]

لاء بس خطوبة

[Wteen]

حبيبتي الشرع والدين
بيقول انه مايشوفك الا الشوفه الشرعيه
قبل الخطوبه
واذا تمت الخطوبه تضلي غريبه عنه
وماتحاكيه الا اذا كتب اكتابه عليك
يعني كان بينكم عقد
يعني تكوني مرته
اما هلااا هو غريب عنك
ما يحكي معك كلام عام شلون كلااام
خاااص
حبيبتي انا اعرف انه فيه عادات وتقاليد للاسف
غطة على الدين
بس حبيبتي هو غريب عنك يعني حررررررام شرعاااا
يحاكيكي الا بعد العقد
اتمنى تتقبلي نصيحتي كاخت محبه الك
وتتمنا لك السعاده برضى الله اولااااااا
ويارب يسعدك ويوفقك بالزوج الصالح الي يسعدك
طول عمرك

[Flower Nectar]

طيب مجتمعنا ما بيرحم

لو كتبنا كتاب وحاكيته وشافني وكل شي صار حلال

وماصار نصيب..رح يكون اسمي مطلقة :(

مابعرف .... الله يهديني و أعرف أتصرف

شكرا إلك حبيبتي ..متل أختي ولو ما بتعزيني ماكنت حكيتي هالحكي
موفقة يا حلوة

[Wteen]

والله حبيبتي اتا قلتلك
الي الله ورسوله امررر فيه
يعني الدين والحلا والحرام
فوق العادات والتقاليد
وخذيهاا من اخت محبه الي بيترك شي لله
بيعوضه الله احسن منه
لك خالص دعائي بالتوفيق والسعاده

[demoshka]

كلام وتين عين العقل

حبيبتي اذا هو جااد لازم مايزعل من كلامك


وبعدين بركي هو عم يجربك اذا بتعرفي بهالامور ولالا

انتي لازم تبينيلو انك مابتعرفي شي من هالحكي

[Flower Nectar]

طيب خلص يعني ما أعود أسئل فيه

وإزا إتصل شو أحكيله ؟؟

هل أفهم منه ليش هيك عمل ولا خلص أقله كل واحد بطريق؟

محتارة ولازم أعمل صلاة إستخارة

[زهرة البنفسج]

الله يكتب لك اللي فيه الخير يارب