باركوووووووووولي

[ربي ارضى عني]

مراااااااااااحب







ادري ان الكل راح يستغرب العنوان ويتوقع اني ابي مباركه على الحمل
لكن انا ابيكم تباركو لي ان الدوره جتني اليوم لاني فعلا كنت عايشه بمعاناة
شهرين متاخره
اللهم لك الحمد اللهم لك الحمد
واللي ابيه منكم الحين تنصحوني وِش الاكل المفيد انا ابشرب اناناس بس بعد قولولي شي ثاني غيره

رجاء لاتبخلون علي بالردود لاتسون مثل دائم المشاهدات50 والردود 10
لاني اعتبركم خواتي واحب اقولكم واسالكم عن كل شي

[آح ـــسآس]

حبيبتي اول شي ثاني يوم بالدوره روحي سوي فحص هرمونات الحليب والغده
واذا طلع كل شي سليم اشربي بردقوش مره مفيد وينظم لك الدوره لانه ينظم الهرمونات
بس اهم شي تحاليل هرمونات
وبعدها نقولك سوي أشعه صبغه اذا انتي متأخره بالحمل سنه وشوي
ونقولك راقبي التبويض عند الدكتوره عشان تحدد موعد الجماع وتعلمك اذا في ضعف بالمبايض
بليز حبيبتي لاتهاونين بهالشي أنا تهاونت سنه وانا ابلع من ذا الأعشاب وبالنهايه هرمون الحليب موقف حملي سنه واكثر الحمدلله على كل حال بس اهم شي تبدين فحوصات مع الطبيبه
وان شالله مافيك الا العافيه بس ابدي مع طبيبه أريح لك
والله يرزقك الذريه من واسع فضله
وتعرفين ايش سبب التأخير*

[سمار]

ماشاء الله الأخت أح ــساس كفت ووفت ولاأعتقد فيه إضافه على كلامها الله يعطيها العافيه
والله يرزقنا وأياكم الذريه الصالحه يارب عاجلاً غير آجل

[ربي ارضى عني]

مشكورين خواتي ماقصرتوا الله يرزقكم الحمل السليم المعافى

انا عندي هرمون الحليب مرتفع درجه وحده عن الطبيعي واخذتله علاج وقبل فتره تابعت التبويض مع الدكتوره بالحمدلله صار كل شي كويس بس ربي مكتب احمل وهالمره قررت اني اخذ الاناناس والقسط الهندي ةاذا ربي كاتبلي احمل ابحمل بدون مستشفيات


وكالعاده المشاهدات26والردود 2 الله يسامحكم

[نَيرُوز]

اختي مشان الدوره القرفة كتير منيحة واما مشان الحمل مافي غير الدعاء والاستغفار واستشارة الدكتورة والتحاليل

تحياتي لك

[آح ـــسآس]

اسبابىارتفاع الهرمون واجد ومنها التفكير بالحمل
وترى هرمون الحليب باي وقت ممكن يرتفع وخاصه مع التفكير بالحمل حبيبتي لاتبدين اي خطوه الا والدكتوره معك انسي الحمل وتحملين ان شالله
وبعدين لازم تعرفين سبب تأخيرها شهرين لاتشربين اي شي الا عشان الدوره بس الحمل روحي الدكتوره اهم وأولى

[ربي ارضى عني]

اختي احساس الله يوفقك دنيا واخره
بس بالذات بالشهر اللي تاخرت فيه ماكنت افكر بالحمل نهائيا ورحت للدكتوره ابشوف سبب التاخير تقول مافيه شي بس شكلها غبيه وماتفهم
عموما انا لي سنه وشهرين متزوجه ولسى طالبه ادرس وهاذي اخر سنه يمكن بهالتاخير خيره لي
قبل لااكمل السنه رحت للدكتوره واخذت كلوميد وتنشيط بس انا ماعندي ذاك السبب القوي اللي يمنع الحمل
والحين خلاص قررت اتوكل على ربي مع الدعاء والاستغفار
واذا ربي كاتب لي رزق راح يجيني واذا ماانكتب لي حمل الحمدلله حتى لو لفيت العالم كله ماراح احمل صح اني المفروض اسعى واحاول بس انا جربت شهرين اتعالج وجسمي ونفسيتي تعبت
مااحد اخذ رزق كتبه ربي لي

ومشكوووره حبيبتي مره ثانيه انت الوحيد اللي معطتني وجه هههههههه

[ام اغلى الناس]

ان شاءالله المرة الجاية نباركلك حملك

[روح زوجي]

ماحبيت اخرج من دون ما ادعيلك
الله يسهل لك كل امورك ويرزقك ماتتمنين
اللهم امين

[جوري الجنوب]

غاليتي
لاتحزنين متى ماكتب ربي لكي الحمل راح تحملين
انتي ركزي بدروسك
ولاتتعالجي واتركيها على الله
لماتخلصي دراسه
ابدئي راجعي المستشفى
تكوني كذا عطيتي نفسك راحة سنة كاملة من الدكاترة والعلاجات الكثيرة
الله يرزقك بالحمل السليم