بشهر التاسع والبيبي مقعدي والموبه الي حوله زايده شوي

[رايقه]

صباح الخير
مين صار لها نفس حالتي انا بشهر التاسع موية الجنين زايده شوي والجنين مقعدي
راسه فوق وباقي على موعد الولادة ثلاث اسابيع
ودكتوره تقول بعد اسبوع اولدك عمليه قيصريه لانه الجنين مقعدي والمويه الي حوله
مومخليته ينزل حتى لو مشيت واكلت تمر ومافي فايده
شرايكم بنات بكلامها
انا ودي انتظر يمكن ربي يسهل علي ولد طبيعي

[بس أنا]

واتمنى أن شاء الله ينزل الراس واحتمال ينزل اعرف وايد حريم جيه استوالهم
واذا ما نزل يسون عملية
والله يخفف عنج يارب

[شيخة 27]

هلا حبيبتي ربنا يهون عليج
طيب ماسالتيها كم وزن البيبي
شوفى انا بنتي جات بالمقعد يوم سويت سونار فى الشهر التاسع قالو لى الراس فوق ولازم عملية قيصرية
بس للاامانه حاولو يلفونه عطوني موعد وجربو معاي مرتين مافى فايدة ورحت لمسادة بعد مالف البيبي

قلت خلاص الله رايد اولد قيصري وقبل موعدي ب4 ايام جاني طلق ورحت المستشفي قالى الدكتور الرحم ماشاء الله مفتوح 5سم
قال بس حتي لو فتح 10 ماانولدج طبيعي مارديت عليه وقلت له ماراح اولد قال انا الشفت باقى عليه ساعتين مارديت عليه

ودخولوني غرفة الطبيعي طبعا هو دكتور يولد قيصري تري المهم تميت فى غرفة الولادة 3 ساعات مع الطلق والالم ويجيني 3 استشاريين 2 رجالة ودكتورة قالو لى مايصلح طبيعي انخاف يصير انقباض عقب ماينزل الجسم ومانبي نجازف فيج وفي الاخير نولدج قيصري قال وقعي قمت وقعت وقلت خلاص
قال خلنا نشييك بالتليفزيون الا ويحصل البيبي2100 قال للدكتور شيكي الرحم شوفى مفتوح اشكثر اتوقع طلع 7 او 8 قال وزن البيبي صغير وانتي معاج طلق قلتله اي قال بنعطيج ساعة اذا فتح الرحم كامل بنولدج طبيعي واذا مافتح غرفة العمليات جاهزة انا تميت اقرا قران وقلت اقوم اتمشي مشيت فى الممر الا وشي ينزل مني ويشلوني الممرضات والدكاتره يجون قال ولادة قلت ماابي رجال قال تري غرفة العمليات جاهزة تبين اهني انا سكت وتميت اتعصر واتالم لان بدون بنج ولا اي شي اقل من نص ساعة وولدت اي تعبت وايد بس الحمدلله واهون من القيصري يعني شوفي شي بيد الله انا ماتوقعت اولد طبيعي والحين حامل فى الثامن والراس فوق ومتخوفه بعد بس املى بربي كبير وتركه كل شي ع الله

والخلاصة من قصتي ان لاتخلين اي دكتور يلعب فيج شوفي الدكتور الاولاني كان بيلعب فيني ويبي يولدني قيصري ومارديت ولا عطيته فرصة بس يوم جوني 3 استشاريين سمعت منهم واستفسرت منهم عدل وسمعت كلامهم والله وقف معاي

اسالي كم وزن البيبي وبالنسبة لللماي ماعندي فكرة عنها ممكن اقولج اصبري لين يجيج الطلق بس لاتجازفين وكلمي الدكتورة احكي لها تعطيج اخر موعد قيصري متاخر لان تقولين موعدج باقى 3 اسابيع
وخبريها يحاولون معاج يلفونه قبل يمكن يلف

وانا بسال لج رفيجاتي او تعالي معانا فى قروب بيبي سنتر تجمع ديسمبر الثامن والبنات ماشاء الله عندهم خبرات

اي تري البنت نزلت اصغر بعد اعتقد 1900

[حياتي توأمي]

نصيحه مني

الدكتورة ادرى بحالتج منج حبيبتي
والجنين المقعدي مو بسهوله يلف راسه لتحت خصوصاً انك خلاص بالشهر التاسع
حبيبتي لاتخاطري بنفسك وبجنينك والماي حواليه تقولي كثير
توكلي على الله وسوي القيصري كلنا ولدنا قيصري ياحبيبتي وقمنا بالسلامه احنا واطفالنا
ولو مش مقتنعه صلي استخاره وشوفي ربك لشو راح يريحك
الله يقومك بالسلامه ان شاء الله

[رايقه]

الله يجزاكم خير على الردود

[رايقه]

المشاركة الأصلية كتبت بواسطة شيخة 27

هلا حبيبتي ربنا يهون عليج
طيب ماسالتيها كم وزن البيبي
شوفى انا بنتي جات بالمقعد يوم سويت سونار فى الشهر التاسع قالو لى الراس فوق ولازم عملية قيصرية
بس للاامانه حاولو يلفونه عطوني موعد وجربو معاي مرتين مافى فايدة ورحت لمسادة بعد مالف البيبي

قلت خلاص الله رايد اولد قيصري وقبل موعدي ب4 ايام جاني طلق ورحت المستشفي قالى الدكتور الرحم ماشاء الله مفتوح 5سم
قال بس حتي لو فتح 10 ماانولدج طبيعي مارديت عليه وقلت له ماراح اولد قال انا الشفت باقى عليه ساعتين مارديت عليه

ودخولوني غرفة الطبيعي طبعا هو دكتور يولد قيصري تري المهم تميت فى غرفة الولادة 3 ساعات مع الطلق والالم ويجيني 3 استشاريين 2 رجالة ودكتورة قالو لى مايصلح طبيعي انخاف يصير انقباض عقب ماينزل الجسم ومانبي نجازف فيج وفي الاخير نولدج قيصري قال وقعي قمت وقعت وقلت خلاص
قال خلنا نشييك بالتليفزيون الا ويحصل البيبي2100 قال للدكتور شيكي الرحم شوفى مفتوح اشكثر اتوقع طلع 7 او 8 قال وزن البيبي صغير وانتي معاج طلق قلتله اي قال بنعطيج ساعة اذا فتح الرحم كامل بنولدج طبيعي واذا مافتح غرفة العمليات جاهزة انا تميت اقرا قران وقلت اقوم اتمشي مشيت فى الممر الا وشي ينزل مني ويشلوني الممرضات والدكاتره يجون قال ولادة قلت ماابي رجال قال تري غرفة العمليات جاهزة تبين اهني انا سكت وتميت اتعصر واتالم لان بدون بنج ولا اي شي اقل من نص ساعة وولدت اي تعبت وايد بس الحمدلله واهون من القيصري يعني شوفي شي بيد الله انا ماتوقعت اولد طبيعي والحين حامل فى الثامن والراس فوق ومتخوفه بعد بس املى بربي كبير وتركه كل شي ع الله

والخلاصة من قصتي ان لاتخلين اي دكتور يلعب فيج شوفي الدكتور الاولاني كان بيلعب فيني ويبي يولدني قيصري ومارديت ولا عطيته فرصة بس يوم جوني 3 استشاريين سمعت منهم واستفسرت منهم عدل وسمعت كلامهم والله وقف معاي

اسالي كم وزن البيبي وبالنسبة لللماي ماعندي فكرة عنها ممكن اقولج اصبري لين يجيج الطلق بس لاتجازفين وكلمي الدكتورة احكي لها تعطيج اخر موعد قيصري متاخر لان تقولين موعدج باقى 3 اسابيع
وخبريها يحاولون معاج يلفونه قبل يمكن يلف

وانا بسال لج رفيجاتي او تعالي معانا فى قروب بيبي سنتر تجمع ديسمبر الثامن والبنات ماشاء الله عندهم خبرات

اي تري البنت نزلت اصغر بعد اعتقد 1900

الله يقومك بسلامه
وزن البيبي 3كيلو تقول
ان شاء الله ماراح استعجل بنتظر اسبوعين
والله ييسر
وين القروب ودي انظم معكم
والله يجزاك خير

[رؤوم]

لا تستعجليين
انا في حملي الاول في ثاني اسبوع من التاسع قالتلي الدكتوره راسه فوق وامكن عمليه ولادتك

بس سبحان الله بعدها باسبوعين ولدت و الجنين كان وضعه طبيعي
وولدت طبيعي

توكلي على ربك والله يكتبلك اللي فيه خير

[نقوش الذهب]

حااااااولي تمشي كثثثثثير
الله يقومك بسلامه

[أم فطامي]

أنا مريت بهالحالة مرتين

المرة الأولى كان حجم الجنين صغير وقبل الولادة لفت وولدت طبيعي بس طبعا طلعت من ريلها

المرة الثانية بالعرض وحجم الجنين 3و500 غ ومحيط الراس كبير وولدت قيصري قالت ما بنجازف يمكن يلف ويطلع من ريله بس الراس كبير وعادي يعلق وتتعسر

والحين بعد الراس فوق وربي ييسر

انتي دكتورتج هي اللي بتقرر وبتشوف شو الاحسن لج وان شاء الله امورج تتيسر