فشلت عملية اطفال الانابيب الحمدلله

[همس الآمومة]

السلام عليكم
بنات انه عملت العمليه بس من بعد سحب البويضات صادتني مضاعفات والمضاعفات اهي
اغماء وامساك و ترجيع بشكل مو طبيعي ولدرجة انتفخ بطني وماقمت اعرف امشي يعني ما ارفع ظهري تعبت تعب بشكل مو طبيعي وتنفسي احس بختنق لدرجه قلت خلاص ما بعيش ما ادري شلون طلعت من هالحالة
الصدمة يوم الترجيع سحبو مني 37 بويضة بس تلقحت ثنتين ورجعوهم ليي فرش ..
لانه زوجي عنده ضعف شديد لدرجة ما اخذوا من العينة حيوانات منويه،، سوو له خزعه يعني مباشرة اخذو منه
المهم بعد الترجيع نفس الحالة وترقدت في المستشفى عشرة ايام
لما رجعت البيت قبل بيوم من الفحص حلمت بوحده تصير لزوجي الله يسامحها ما ادري ليش تكرهني حلمت فيها بحلم شين وتسخنت وحسيت بطني يالمني ويوم ثاني الصبح نزل دم يوم 13 من الترجيع وعرفت اني خلاص فشلت العملية وكان يوم الجمعة كل مكان مو مفتوح اتصل محد يرد وكنت ابكي وادعي ربي يارب انت سميع الدعاء ..
يوم ثاني رحنا فحصنا وطلع سالب ..
مادري شلون نزلت من المصعد وشلون ركبت السيارة بس قعدت اصيح و زوجي كان صابر ويبتسم ويقول الحمدلله صبرني وقال لي الله اعلم و احكم والله بيعوضنا ..

بنات ما اكتب تجربتي علشان احبطكم بالعكس اتمنى لكم الحمل الطبيعي .. بس كنت كاتبة الموضوع علشان تدعون ليي بالتوفيق لاني ما راح اياس من رحمه الله ..

دعواتكم ارجوكم
احبكم في الله