بما إنها كبيرة إيش رأيك تعلميها حب العطاء؟؟ و تنمي خيالها؟؟ و تخليها تتركها عن اقتناع؟؟
إذا كانت تفهم ممكن توريها صور أطفال فقراء, و تحكيلها قصص عن إن فيه أطفال فقراء ما عندهم فلوس ما يقدروا إنهم يشتروا ببرونة عشان يشربوا حليب, و ها الأطفال لسة صغار و محتاجين ها الببرونة أكثر منها هي الكبيرة, بس شو نعمل؟؟؟؟ مساكين ما يقدروا يشربوا الحليب
طيب شو رأيك يا حلوة إذا نساعدهم؟؟ ليش ما تعطيهم الببرونة حقك عشان يشربوا؟؟ انتي بتعرفي تاكلي لكن هما ما يعرفوا, و هما رح يكونوا كثير مبسوطين و فرحانين و رح يحبوكي كثير
إذا كانت ما تقدر تستوعب معنى إنه فيه أطفال فقراء, ممكن تدخليلها من مدخل ثاني (الخيال), احكيلها عن فراشات الأحلام الطيبة, اللي تساعد الناس, و قوليلها إن ها الفراشات الطيبة هي اللي جابتلها ها الببرونة لما كانت بيبي صغيرة, و ها الببرونة كانت ملك لطفل ثاني, بس ها الطفل كبر و قرر إنه يرجع ها الببرونة للفراشة الطيبة عشان تعطيها لطفل صغير محتاجلها, و الفراشة في المقابل عطت ها الطفل هدايا كثييييييير حلوة...
و كل يوم كلميها عن ها الموضوع, و بعدين قوليلها إننا رح نحط الببرونة عند الشباك, و إذا جات الفراشات الطيبة و أخدتها رح نلقى هدايا حلوة عن الشباك, بس إذا ما أخذتها رح تظل الببرونة إلك وحدك,, و طبعاً إنتي تجهزي هدايا مثل ألعاب حلوة, و حلويات, بالأخص الحلويات اللي تشبه اللي تكون في الكرتون, يعني المصاصة الكبيرة و شكولاتة و لعبة حلوة كان نفسها فيها, و غلفيهم بطريقة حلوة بس طبعاً من دون هي ما تعرف, و لما هي تنام, روحي خدي الببرونة و ارميها أهم شي تخفيها عن الأنظار تماماً عشان ما تشوفها مرة ثانية, و معليش تصرفي شوية حتى إذا أشياء غالية, بس عشان تصدق و تفرح و تنسى الببرونة..
و يمكن بعد كم يوم تشتاق للببرونة, بس بدل ما تضربيها واسيها, و قوليلها الفراشات رسلتلك ها الألعاب و الحلويات عشان تعرف إنك قوية و تقدري تتحملي
يا رب أكون أفدتك, صحيح الشي كأنه خيال بس حقيقي ينفع, مقتبس من برنامج سوبرناني الحائز على جوائز كثير, و فعلاً مجرب قدام عيوني و نفع