بنات،حرارتي 39....

[سيران]

بنات هاد تكملة لموضوعي ....انا هلق حرارتي 39 بالزور عم اكتبلكن...تعباااانة ....ظهري وكل جسمي عم يوجعني...مابعرف شو عم يصير معي...حبيباتي اللي عندها فكرة ياريت تقرأ اول الشي موضوعي (كرهانة حالي)لان فيو اعراضي،وبعدين تجاوبني هل له علاقة ولا شو

[رآئحة المطر]

حبيت ادعي لك .. الله يرزقك الذريه الصالحه

[أصآآيل]

حللي دم وشوفي ممكن حامل

روحي لطبيب حرارتك مرتفعه مررررره


الله يكون في عونك

[JooJoo_sy]

حبيبتي .. ريحي حااالك ..
الله يررررزقك ياارب .. لازم تشوفي دكتوره
حرارتك مرتفعه واهم من هييك ما تاخدي اي دوووا
يمكن يكون في حمل ..

[اميرة بيتي]

انشالله تكوني حامل مع انك حكيتي انو بنزل منك دم بني بس لازم تحكي مع دكتورتك حتى لو على التلفون واحكيلها الي صار معك لانو حرارتك مرتفعه وما بتقدري تاخدي دوا بس الي بعرفو بتقدري تاخدي حبة بنادول وحدة مو اكسترا بنادول عادي ديري بالك على حالك الله يشفيكي يا رب ويطمن بالك

[سيران]

اجتني آلام الدورة اليوم الصبح...بس الله لا يدوقها لحدا...عم نط وماحط من الوجع..الوجع قوي كتيييير متل الطلق وفوقها جسمي كله واجعني من حرارة امبارح والكريب...حبيت خبركن لتطمنوا اخواتي....شكرا على مساندتكم إلي ونصايحكم والله يرزقكم الذرية الصالحة يااارب

[حياتي توأمي]

حبيبتي ألف سلامه عليكي يالغاليه
شو منتظره روحي لدكتورة يمكن عندك احتقان او شيء لأن حرارتك مرتفعه
طمنينا عليك وخير ان شاء الله

[بنت صيدا]

لو ما كان عندك كريب كان قلتلك ممكن يكون حمل لانه حرارتك مرتفعه كتير
عالعموم لو لسه ما نزلت الدوره وبقيتي بس على الافرازات البنيه لبكره وارجعي عيدي التحليل
والله يكتبلك الخير يا رب

[أصآآيل]

سيران طمنينا كيف صحتك اليوم