تجمع رعاية المولود من حديثي الولادة إلى شهر 3

[مهرة]

السلام عليكم

شلونكم امهات وشلون الببهات وكيف الامومه

تواصلي معاكم قليل بس ارجع بيتي ان شاءالله اتواصل معاكم لاني من الجوال والجوال مو مثل الابتوب

[يارحيم]

زينب شكلك بتملين مني ومن وسوستي زي امي ههههههه اليوم هاوشتني يوم كلمتها قلت ولدي له يومين كل شوي يصيح ويصرخ بشكل غريب قالت عادي كل البزران يصيحون يمكن مغص ولا اي عارض.. قلت لا بس لاحظت لما احركه يصرخ اخاف اني شادته ولا معورته بمكان بجسمه وصاير عنده "ملع" ماعرف وشلون اترجمها بس يعني مثلا لو محركه يده بقوة او كتفه وانا البسه مثلا وصارت المنطقه تعوره كل ماحركته..

المهم امي بغت تسكر بوجهي ههههههه قالت بسك من الوسوسة انتي.. خلاص كل البزران تصيح ويجيها مغص وتتعور وتطيب عادي اجل لو يمرض ولا يجيه شي بالمستقبل لا قدر الله وش بتسوين بنا؟ قلت بنهبل قالت هذا اللي ناقص اعقلي بس ولا لاعاد تجيبين عيال غيره..

[يارحيم]

شوق ياعمري قطعت قلبي الصغيره اجل جايها زكمه ياحياتي.. عاد البيابي ينرحمون مرة الله يشفيها ويحفظها لك..

انا نحفت شوي الحمدلله بس بطني قبيحه قبيحه استغفرالله ياربي كل مالها تسود والتمزقات تتجمع بالنص وتبين اكثر هذا غير سرتي اللي للحين شكلها غريب!! مافيني حيل كريمات وبرابيس واحسها مارح تأثر كثير.. الحين لونها بيرجع بعدين ولا خلاص راحت علي؟ انا شفت بطون خواتي والدين منزمان ماهي سودا!! يعني المفروض ان اللون بيختفي بالتدريج بس يبيله وقت ولا؟

[رسال]

زينب حلووووووووو اللغز ههههههههه
بس على فكره انا اكشتفتها :)


والموضوع رائع يسلم يداتك

[بيرو المدينة]

امهات تكفون ريحوني انا بنتي لما ارضعها صناعي واكرعها بعدو وبعدها بفتره بسيطه تستفرغه كلو وربي انفجع لما تستفرغ لانه كثير وخايفه عليها وكمان ابا اعودها ع الرضاعه ألصناعيه وربي جبت لها حليب الصحه وغيرته لها جبت لها نوفالاك بس مره وحده عطيتها من كل حليب ورجعته ايش الحل. ..؟

[هدى الشريف]

المشاركة الأصلية كتبت بواسطة بيرو المدينة

امهات تكفون ريحوني انا بنتي لما ارضعها صناعي واكرعها بعدو وبعدها بفتره بسيطه تستفرغه كلو وربي انفجع لما تستفرغ لانه كثير وخايفه عليها وكمان ابا اعودها ع الرضاعه ألصناعيه وربي جبت لها حليب الصحه وغيرته لها جبت لها نوفالاك بس مره وحده عطيتها من كل حليب ورجعته ايش الحل. ..؟

نفس بنتي عمرها اسبوعين وسوتها اربع مرات فخايفه عليها مررره

[رتوله]

ياحلوات كل وحده تقول لنا وش الحليب
إلي تعطيه ؤلدها ؟ وهل ناسبه أو لأا ؟
أنا كنت أعطيه أبتاميل وغيره الدكتور
الى رونالاك جنتل ونفس الحكايه مغص وغازات
وصياح
من جربت هالحليب

[شوق جدة]

تسلمي يارحيم..الحين احسن مع القطر اللي احطه لها بانفها.......
اما يارحيم من جد طفشتي امك..باسالتك..بس الوحدة مننا لما تكون اول مرة تجيب اطفال تحس انها جايبة العيد..ا\
اما البطن كلمة مقرفة شوي فيها..وخاصة عشان الخياط..الله يعيننا عليه..شايله همها..حتى ملابس ماراح اقدر البس ملابسي القديمة..لاني الحين عندي شكل البطن..يعني استر جسمي قد مااقدر......الله يعين بس......
بيرووووووو.....طيب ليه ماترضعيها طبيعي..احسه افضل..للحين رضاعتي لجود طبيعي..بس مرة حرمة قالت لي بنتك تنزل الحليب يمكن عشان عندك حموضة ..اعطيها رضعة وحدة باليوم والحين صرت اعطيها رضعة وحدة صناعي وحسيت انها تحسنت عن اول.....كانت اول اكثر الحليب تنزله بس هالاسبوع افضل من اول......

[شوق جدة]

اهلين رتوله........
انا الدكتورة كتبت لجود....زحليب انفاميل..من شركة المراعي.......
مااعطيها منه الا مرة وحدة باليوم..وماحسيت بتغيير........لما كانت تشربه بالمستشفى ماكنت ارضعها بس عليه..واحسها تنزل شوي من الحليب......

[o فرح عمريo]

شاركونا في مسابقاتنا الرائعه

http://forum.hwaml.com/t233221.html#post2913035

http://forum.hwaml.com/t232452.html