حبيباتى سيدات ليبيا تفضلو لأعرف ما حالكم

[هدية الخالق]

امولة حبيبتي ننصحك تديريها يبره الظهر والله رحمة من ربي الحق
أني خسارة ضربوهلي في الساعة الأخيرة بس بعد تعذبت من الصبح وجبت 12ونص في الليل

[dr.loly]

المشاركة الأصلية كتبت بواسطة هدية الخالق

هههههه سلمك إن شاء الله ديما تضحكي يارب
والله شن منحكيلك حالة وخلاص
قالي أول مره هبلتيهم في الكشف تعرفي نترجى فيهم نقوللهم بليييييز نو هههههه
ولما شدوني بالسيف قعدت ندف برجليه والله تعبتهم معاي وبعدين الغاز يحولو فيه مني
مش مانتخدرش لكن أني ناخد فيه منهم بالسيف ونستنشق فيه وبعدها دارولي يبره في الوريد
لكن والله ما دارتلي حاجة قلبت المستشفي بالعياط بعدين لما دارولي يبره الظهر قاتلي مدة ساعة بس بعدين منوقفو الجرعة مش تقدري إطلعي الرأس لان لما متخدرة ما تقدريش تبذلي مجهود
لكن أني طبعا زدت الجرعة من وراهم هههه بعدها عطلت في تطليع الرأس لان وقفت عليا اللية
واستنوني نين حول مفعول الابره

ههههه حي عليك كان اتدفيهم بكرعيك ف ليبيا او تفكري خودي مايجيك بعدها
خصيصا المستشفيات العامه

عندنا مستشفي الجمهورية في بنغازي مأساة بكل وسوء معااااااااامله حسب مانسمع

تخيلن يهزبن في اللي اتعيط لدرجة يقولنها ليش تزوجي دام بديري هكي

ووحدة مرة حكتلي قالولها ليش ترقدي مع راجلك كان هذا........؟؟؟

بجد مأسااااااااااااااااااااااة .. يعني الواحد روح بتطلع منه وهما قريب يطلعوا ارواحهن اللي بيجيبن

[dr.loly]

معناها لحقوا ارواحكن وجيبن غادي 2 ورا بعض خخخخخخخخخ

عشان بعد اتردن ليبيا تفتكن من الشق والخياطة


لان ف ثالت بيبي خلآص معش يشقوا.....


ف حملي بالاء تعبتني بجد خصيصا في السقع يقعد يشد فيااا المكان ..

والله الا جرائم طبية يديروا فيهن فينا


بس هو ع اساس له فوائد بس مش ع طول مفروض يشرطوا


للي طولت في الدفع او الدحم ... يخافوا من تمزق او هكي


لكن في ليبيا شق طول

[هدية الخالق]

المشاركة الأصلية كتبت بواسطة *ام فراس*

عارفين الزنتانية قالتلها القابله هنااا اووه ع علامة الخياطة .. بقرف.. وقالت قعدت تحكي
قالت قتلها اووه في عينك هههههههه طبعا ماتعرفش انجلش وقال زطت فيهم هزايب ههههه

بس قالت تعبت كان جبت ف حوش خير خلاته ينزل بروح اليبيي تدحم وخلآص عند نزل قلت مش نفسنا يوسعوا ويساعدو

هي تجيب في مصحة بطرابلس تبع الشركات النفطية


قتلها عشانتي سادس بطن بس هذا عليش

تعرفي اهني يستنوا نين يفتح الرحم عالاخر وهذا الصح لأنه المهبل ربي خالقه يتوسع ويرجع بروحه
أكبر غلط إنه يوسعوا ويشوهوا المنطقة ليش حرام طالما هيا تتوسع بروحها وترجع
أني قلت لما منجيب في ليبيا مش ماشية بكري منستني نين يفتح الرحم عالاخر ومنتحمل الوجع
أولا باش نفتك من الكشف ههههه وتانيا علشان ما يوسعوليش وخصوصا أني بنتي جت صغيرة ساعدتني الحمد لله

[هدية الخالق]

المشاركة الأصلية كتبت بواسطة *ام فراس*

ههههه حي عليك كان اتدفيهم بكرعيك ف ليبيا او تفكري خودي مايجيك بعدها
خصيصا المستشفيات العامه

عندنا مستشفي الجمهورية في بنغازي مأساة بكل وسوء معااااااااامله حسب مانسمع

تخيلن يهزبن في اللي اتعيط لدرجة يقولنها ليش تزوجي دام بديري هكي

ووحدة مرة حكتلي قالولها ليش ترقدي مع راجلك كان هذا........؟؟؟

بجد مأسااااااااااااااااااااااة .. يعني الواحد روح بتطلع منه وهما قريب يطلعوا ارواحهن اللي بيجيبن

هههه والله إلا صح حتي لما نحكي لمرت خالي قاتلي والله إلا فرصتك زيدي جيبي غادي
قاتلي اهني والله في اللي يضربوا حتي الضرب لما تعيطي شوفي التخلف
وقالت في اللي زي ما قلتي يقولولك ليش ترقدي مع راجلك

[dr.loly]

شفتي ياهدية معناها في سبب اخر لجيبتك غادي خاطي الجواز والجنسية الكندية خخخخخ

لا لبيا معاملة شينة حتي الاجنبيات تعلمن من ممرضاتناالســـــــــــقع في التعامل ..........

[هدية الخالق]

المشاركة الأصلية كتبت بواسطة *ام فراس*

شفتي ياهدية معناها في سبب اخر لجيبتك غادي خاطي الجواز والجنسية الكندية خخخخخ

لا لبيا معاملة شينة حتي الاجنبيات تعلمن من ممرضاتناالســـــــــــقع في التعامل ..........

إيه والله أني من الأول لما ناوية نجيب مرة ثانية هنا مش علشان الجنسية بس علشان سهولة الولادة والاهتمام

[dr.loly]

ربي يقدملك اللي فيه الخير ان شاء الله..

[هدية الخالق]

بعد شوية منطلعوا سوما عندها تطعيمه الست شهور
مسكينة واجعتني يضربولها في تلاته ابر في مره وحدة
درت طبيخه مكرونة مش بعدين نلقاها وتيه لان المكان بعيد اكيد منروحوا متأخر
درت في الطبيخة خضرة زي سوسو وفروسة سفهتوني فيها مع إن الحلبة عدوتي اللدودة
حتي في النفاس خديتها يومين والا تلاته بس حتي حماتي اللي معاي تعارك فيا وتقولي منخبر أمك هههه

[sosolibya]

السلام عليكم

ماشاء الله على الهدرزات سيبتكم مشوار ومعاش لحقت

فروسة نقصدلك اوشي قالت كساد مشي انا قلتلها على خاطر انا معاش فاضيىة نخش ولهذا المنتدى مكسد فهمتيني