حبيباتى سيدات ليبيا تفضلو لأعرف ما حالكم

[dr.loly]

عندي فروسي صغير مازال بس لما يسمع الاذان يقعد ينصتله بتركيز وانتباه وكان هو بعيد يجي يجري يروحي لما يأذن عالتيلفزون او بالنقال وتوا قعد يقول كاك يعني الله اكبر ربي يحفظه نا عودته عليه من هو مولود هو والقرآن

[dr.loly]

**كيف تساعدين طفلك للتخلص من الحفاض؟؟

الكثير من الامهات وخاصة الصغيرات منهن يواجهن صعوبات فى تخليص ابناؤهن من الحفاضات وظل هذا هاجسا لكل واحدة منهن لذلك اليكن عزيزاتى بعض النصائح التى قد تساعدكن فى هذا الموضوع :



اولا: اذا بدأت بتعويده منذ سن صغيرة كان ذلك بالطبع أفضل...فهناك أمهات يعودن أطفالهن بعد أيام من ولادتهم.


***

ثانيا: ابدئى بحفظ أوقات تبرزه فى البدايه لأنه غالبا ما يكون فى ميعاد ثابت....ثم اعرضيه على الحمام فى مثل هذه الأوقات...والأفضل أثناء أو بعد تناول وجبته مباشرة.





ثالثا: الأفضل بداية تعويده على الحمام او وعاء التبول(القصرية)فى فصل الصيف حتى تستطيعين خلع ملابسه بسهولة.


***

رابعا: اذا كان الطفل عمره عامين أو أقل فلا تعاقبيه على تبوله فى ملابسه.....بل تجاهلى أخطاؤه حتى يبدأ فى الاستيعاب...كما عليك الاستغناء عن الحفاضة طوال اليوم داخل البيت......ويرتديها أثناء النوم فقط خلال الأيام الأولى.





خامسا: الطفل يتعلم بالمحاكاة....فاذا أمكن اصطحاب طفلتك معك أثناء دخولك الحمام....وان كان ولد فيصحبه أبوه...مع تحرى ستر العورة بالطبع.. فان تعذر فقرين له من أقاربك أو جيرانك فى عمريقاربه
والأفضل أن يكون طفلك يحبه لأنه سيقوم بتقليده.


***

سادسا: اذا كان الطفل أكبر من عامين فاحكى له قصصا تعلمه أهميه النظافة والاعتماد على النفس وأهمية الطهارة فى الدين وفى أعين الناس.





سابعا: لاتضربيه أو تسبيه ابدأى بالتحفيز بالحلوى والنقود وغيرها من الأشياء التى يحبها عن كل مرة يدخل فيها الحمام.


***

ثامنا: ساعديه بتقليل نسبة السوائل التى يشربها على مدار اليوم......وأبدلى العصائر بالفاكهة الطازجة..كذلك قللى من نسبة تناوله من السكريات لأنها تزيد من حاجته الى الماء.





ثامنا: قد يفيده تخفيف وجبة العشاء كأن يأكل كوب من اللبن الزبادى وبعض الفاكهة ولا تجعليه يشرب الكثير من الحليب.


***

تاسعا: اعرضيه على الحمام قبل النوم مباشرة ثم بعد نومه بساعة ونصف الى ساعتين..........وقبل موعد استيقاظه بساعتين.





عاشرا:ويفيدك ايضا ادخاله اثناء نومه بالليل او النهار مرة او مرتين .


***






***وهذه النصائح للحالات الطبيعية من الأطفال والحالات التى قد تكون مرضيةمثل الحالات النفسية والمثانة العصبية وغيرها يجب عرضها على الطبيب...
** واعلمى أن هذه المهارة مكتسبة سيقوم بها وقتما اكتملت عنده فلا تتعجلى ولا تقارنيه بغيره فتحبطينه

[أثري في مدادي]

السلام عليكم
غريبة
وين الحبايب ؟؟؟؟؟؟؟؟؟؟؟؟؟؟؟؟؟؟؟؟
مغطســــــــــــــــــــــــــــــــــــــــــــين


اليوم درت غداي
بكبوكي بالخضرة جااااااااااااااااارية "" بازيلياء وفول وكرنبيط وجزر وبطاطا وفي الأخير بصل أخضر "

وفي الليل درت قلاية وسلاطة خس مع خيار وطماطم وذرة مع زخااااااااات خل وزيت زيتون
ومن فوق زويتينات
وخبيزة
وأجاص صغيرون وخوخ بو طبقة هذاك التونسي اللي شكله غرييييييييييب
وجبنة معصورة فوق منها زيت زيتون
وصفرة وصواني ومترد خبزة وبشماط "" حشيشتي ""
ديما عندي بشماط
وبعدين للرجال "" قال زوزي"" طاستين عصير كركديه بالليمون والزهر معقدااااااااااااات بالسكر

وتوتة توتة وخلصــــــــــــــــــــــــــــــــــــــــــــــ ـــــــــــت الحدوثة

[أثري في مدادي]

جيجي
و
أم فروسي
الله لايحرمنا من طلاتكم معانا
~~~~~~~~~~~~~~~~~~~~~~~~

وبالذات لايكات أم فروسي مميزات ~~~~

جيجي ...............
خلاص ريناد الطالبة رقــــــــــــــــــــــــــــــــم 2
بعد ولدي رقـــــــــــــــــــــــــــــــم 1

باب التسجيل مفتوح لمدة وجيزة

العام الجاي معانا فروسي ،،،،،،،،،،،، مانبوا حد يزعل

[dr.loly]

المشاركة الأصلية كتبت بواسطة أثري في مدادي

جيجي
و
أم فروسي
الله لايحرمنا من طلاتكم معانا
~~~~~~~~~~~~~~~~~~~~~~~~

وبالذات لايكات أم فروسي مميزات ~~~~

جيجي ...............
خلاص ريناد الطالبة رقــــــــــــــــــــــــــــــــم 2
بعد ولدي رقـــــــــــــــــــــــــــــــم 1

باب التسجيل مفتوح لمدة وجيزة

العام الجاي معانا فروسي ،،،،،،،،،،،، مانبوا حد يزعل

والله لايحرمنا من طلتك الحلوة فراشتنا الليلية...
لا هييييييييييييييي بنزعل نبي فروسي يسجل وخلاص
خخخخخخخخخخخخخخخخنبصر عليك


ع سيرة التسجيل باته بيسجله بمركز تعليمي للاطفال منذ الولاده لخمس سنوات جنبنا

به فروسا انقولو سنة واربع شهور ونقول صغير اخري

بس الي من الولاده شن بيعلموهم ؟؟؟؟؟؟؟؟؟؟؟ نحسابوه حضانه نحن هههههه
عدا سأل قال لا كلهم تطوير مهارات وتعليم كل واحد حسب عمره ونبدوا من الولاده

بس ان شاء الله ينسجم معاهم لان الحق رايح انطوائي كله من طيور الجنه مع ان بلا ايقاع نحطله فيها بس قعد بكل الحق فيسع مايتعصب وتوا بعدته منها .....

[جوهرة ليبيا]

اهلا اثري صحه غداك وعشاك
اليوم طلعت بضعت لرمضان من السوق الجديد طريق السبعه مونو بري
حلو مش زحمه هلبه

اخديت منظفات للدهون ولفات الكلينكس للمطبخ وللحمامات
ومكسرات ومعجنات جاهزه
لازانيا وبكنج بودر وفانيليا وخميره وكريم شانتيه وهلبه حاجات
ولفه السلفر الكبيييييره والنايلون يعيش ويقعد فتره طويله
وزبده وجبنه مبشوره واجبان متنوعه كيري وفرومي والمكرونه الاسطوانيه انموت فيها علي قولت التوانسه ببوشا
والمواد المنزليه عندي الحمد لله خديت صواني كافور ونايلوا للعجينه والتخليط وكواشيك عجبوني للمجيبه ان شاء الله
وسفره ضيوف زوز في بعض ب40 لكن ايهبلوا عجبوني وبراد وبكرج قهوه
وهلبه حاجات اساسيه وجانبيه


انسيت الزيتون والحمص وحاجات تانين تو اجيبهم راجلي مع اللحم والخضراء وخلاص
ومشت معاي عزوزتي وبنتي جننتنا لين شرينالها العاب وحلوي

والامر لايخلوا من الملابس اشريت لبسه لرنو وخديت قفطان حوامل شيفون كمامه حاير وطويل لونه مشجر بالاخضر والصفر
وعجبتني شنطه كحله عمليه وكندره طبيه للحمل وشبشب طبي للمطبخ


واهم شئ ربي يبلغنا رمضان بالخير والصحه يااااارب

وربي يعينا عالطاعه والعباده ونجمعوا اكبر قدر من العبادات والطاعات ياااااارب

[جوهرة ليبيا]

باذن الله غدوه بنضم دولاب المطبخ مع ان والله مرتب ونضيف لكن بما اني شريت بضاعة اكيد تبي

التنسيق والترتيب وربي يعاوني

والعشيه باذن الله بنمشي نتمشي شوي كان فيها كيف وبعدين بيحطني في حوش بوي

[تــومــا]

اهلين باالبنات كيف حالكم بالعافيه يااثري
وربي يقومك بالسلامه ياجوهرة ومبروك ماشريتي وربي يتقبل منك ان شاء الله
وحشتوني
وين ام فراس وحشتني كيف حالها وشن اخبارها ربي يطمنكن ويونسكن ببعضكن يارررررررررب

[dr.loly]

المشاركة الأصلية كتبت بواسطة تــومــا

اهلين باالبنات كيف حالكم بالعافيه يااثري
وربي يقومك بالسلامه ياجوهرة ومبروك ماشريتي وربي يتقبل منك ان شاء الله
وحشتوني
وين ام فراس وحشتني كيف حالها وشن اخبارها ربي يطمنكن ويونسكن ببعضكن يارررررررررب

اهلا اهلا تومــآ الغاليه ...
حتي انتي وحشتينا ... شن جو الصيانه كملتي اكيد رمضان قرب ...
وومعش عديتي شور الجبل امشرق...؟ والاعديتي
كان عديتي احكيلنا بالتفصيل لاني رايييييييييييييييفت عالجو غادي

[dr.loly]