هنا تجمع حوامل الشهر (الاول والثاني والثالث)

غموض الكون · 10-15-2011, 01:40 AM

الله يعين
حتى انا يجيني هالالم ويروح
تدرسين والا موظفه
انا عاطله باطله هههه

عروس شعبان 2011 · 10-15-2011, 01:43 AM

شكرا لخواتي الي ردوا علي غموض الكون ونزف احاسيس وهلابيكم اكثر وفرصة سعيدة وغموض انا كذا دخلت اول يوم شهر الثالث وكان عندنا زواج ويوم ثاني كنت بالطوارئ نزف لي كانه بقعة اول يوم دورة وعطتني مثبت اخذته كورس والحمدلله رحمه من ربي ماطول علي بنفس الساعه وقف لكن طلبت علي راحه مدة شهر من كل شئ عشان نزول المشيمه ورحت بعد اسبوعين مراجعه وطموني ارتفعت والجنين سليم واموري تتمام بمشئية رب العالمين وان شاء الله هنا كلنا نفيد ونسسفيد ونصير خوات من وحتى لو الامهات غير ويخلينا لبعض ونفرح لبعض ونواسي الجميع .

حلم السنين ! · 10-15-2011, 01:49 AM

انا طالبة جامعية ياغموض
وربي متعبني الحمل تخيلي دوام ومسؤلية بيت زوج وحوسة مررة ..

عروس شعبان
خليها على الله ليلة الخميس وليلة الجمعة كان عندي فيهم مناسبتين
والله للحين احس اني منهدة مب قادرة ولا ودي اداوم بكرررة

غموض الكون · 10-15-2011, 01:57 AM

وه ياقلبي
نزف ووواااي أحس تعب عليك
الحمل يبي له راحه الله يصبرك يارب

عروس

نفس حالتك تمام ورحت امس دكتورتي والحمدلله طمنتني

مشكلتنا حنا ننسى أننا حملَ ونسوي اي شي نفكر نفس اول

حلم السنين ! · 10-15-2011, 02:10 AM

هو يبي له راحة بس وش نسوي الظروف احيانا تجبر الانسان
صحيح والله زوجي لآ شافني تعبانه يقولي لآ تتحركي ويساعددني في بعض الاشغال
لكن مو دايم يظل الجزء الاكبر علي مجبورين ياقلبي هذي الحياة ..
يلا الله يتمم علينا بالخير والسلامة وهذا اللي نبيه ..
تخيلي احيانا اقول متى اولد زهقت استغفر الله ههههههههه
وكل ماتذكرت باقي 4 شهور وشوي اقول ياارب سهههل متى بس !!

غموض الكون · 10-15-2011, 02:31 AM

اي والله
الله يتمم علينا بخير
حتى انا احيانا اقول متى يجي الشهر التاسع

استغفر الله

صبرررررررررررررنا يارب

ام عباس وحيدور · 10-15-2011, 03:28 AM

هلا وغلا فيكم
ياربي ام بدر والله زعلت عليك
الله يثبت ليك ياربي وتفرحي بشوفته ياربي
وطمنينه عنش غناتي

اخباركم البافيه
جانينه الم في ظهري والم في مبيض الايمن تتوقعن من شنو؟

..ام بدر.. · 10-15-2011, 04:23 AM

اقتباس:

المشاركة الأصلية كتبت بواسطة سرووءة

ام بدر طمنيني عنك
كيف صرتي ياقلبي

حبيبتي ان شاء الله اني احسن وابشرك وقف الدم من بعد المغرب بس الغريب انو صار عندي الم ببطني وظهري ومررره قلقانه موعدي ان شاء الله بكره العصر اروح اتطمن وارجع اطمنكم...والله ماتتخيلون اشكثر فرحت لمن لقيتكم تسألون عني فدييتكم والله يثبت حملكم وتشوفون اطفالكم بين ايديكم متعافين ياااارب

اختي وحبيبتي أم عباس...ان شاء الله أني بخير وان الجنين بخير

..ام بدر.. · 10-15-2011, 04:27 AM

اقتباس:

المشاركة الأصلية كتبت بواسطة غموض الكون

أم بدر يووووووووووه نفس الي صار علي ذاك الاسبوع
انا نزل الدم بدون الم مت من الخوووف قالو لي المشيمه نازله
نفس حالتك احيانا انسى اني حامل وأقوم وأسوي واشيل < مفهيه خخ
الله يثبت حملك ويكون بعووونك ياااااااارب
...................................

حبيبتي غموض اسال الكريم رب العرش العضيم ان يثبت حملي وحملك وحمل كل حامل ويرزق المحرومات ياارب..بس انا الي صار معاي مو انو المشيمه نزلت لا المشيمة انفصلت من جدار الرحم وهذا للأسف يقلل الاوكسجين والاكل على الجنين. بس الحمدلله انه انفصال جزئي مو كامل...بس حابه أسألك كم استمر معاك الدم؟؟
وكيف كان لونه؟؟ وكان ينزل بكثره؟؟واش اعطوك؟؟ اسفه على كثرة الاسئله بس ابي اتطمن

سرووءة · 10-15-2011, 06:15 AM

حبيبتي ام بدر
الحمدلله يلي وقف الدم والله بفكر فيكي وداخلة اشوفك رديتي ولالا
وجع الضهر هذا طبيعي بالحمل وومغص البطن انشالله يكون مافي شي
بكرا اول ماترجعي من الموعد دخلي وطمنينيا
والله يثبت حملك عخير يارب ..
ويرجعلك لنا سالمة ,. ^^ فقدنا لوجودك معنا ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري