حبيباتى سيدات ليبيا تفضلو لأعرف ما حالكم

[أمل ليبيا]

هذه قصة ولادتي للحلوات


ليلة السبت الساعة 2 نص الليل بديت نحس بلية منتظمة تجيني تقريبا كل ستة او سبعة دقايق المهم قعدت نراقب فيها باش نتأكد انه طلق وطار النوم من عيوني للصبح قلت لزوجي وقلي خلي نمشو للمستشفى المهم مشينا درتلي الممرضه كشف قتلي 1 سانتي بس جاني احباط توقعته اكثر المهم قتلي روحي وماتجيش الا اذا نزلت منك مية او دم او بدت الوجعة كل 3 دقايق روحت ولقيت في الثلاجة معدنوس وكوسا وحاجات محاشي واني خاطري فيهم قلت غير بتفسد خلي نديرهم <<<توا بالك فيه
المهم لما تجي الوجعة نوقف شويا وبعدين نواصل لين كملتهم وتغدينا وبعدين كلمت امي ع السكايب قتلي خيره صوتك هكي قتله شئ غير نعسانه ربي يحفظها حست بيا تعبانه المهم لما جاء الوجع زاد وبدا كل 5 و 4 دقايق وبديت نمشي في الحوش ونشرب في مية زمزم وقعمزت في مية سخونه ونقول في اذكار تسهيل وبعدين نزل عليا دم مادورتاش قلت اكيد زي المرة الاولى المهم المغرب خلاص معاش قدرت نتحمل صلينا ورجعت للمستشفى تاني لقيت نفس الممرضة الحق ايدها خفيفة المهم دارتلي كشف قتلي 5 سانتي
الحمد لله واخيرا المهم ركبتلي الاجهزة والوجع الصناعي وطول طلبت الابرة ضربها ليا متخصص ماشاء الله ماحسيتهاش بكل واتصلو بدكتورتي جت وزوجي بجنبي بعدين بديت شويا ونرجع حشاكم وجتني رعشه وتلخبطت المهم الساعة 10 تماما كشفت وقتلي 10 سانتي ولادة جت الدكتورة والممرضات وحطولي الاكسجين ع وجهي وبدو بوش بوش
المهم للاسف من تأثير الابرة فقدت السيطرة ع نفسي ومعاش قدرت ندفع لين يغيب عليا النفس ونحس روحي بنموت بلا فايدة وجو معظم ممرضات القسم وكلهم يشجعو فيا ومعاهم زوجي وبلا فايدة بعدين قتلي لازم نشفطها حاولت 3 مرات وبلا فايده وبعدين قتلي لازم نفتحك هلبا وفتحتني بلا فايدة المهم زوجي داخ لما شافني تعبانه وشاف الدم <<<عابيه عليه بيساعدني
وقعدت لاخر لحظه ندعي وهما الممرضات يزنو ع الدكتولرة دخليها العمليات وبفضل ربي بعد ساعة ونص طلعت فطومتي <<<واخيرا
طبعا اني طول انهرت وبديت نبكي بأعلا صوت ويقولي زوجي نجيبهالك نقوله لالالالالا مانبيهاش ارفوعها غادي مانبيهاش

بعدين خيطتني قعدت ساعه لكن الحمد لله الدكتورة بارك الله فيها سايرتني لاخر لحظه وفكتني من العمليه غير لما نشوف حجابها وهي مسلمة سادتني
وبعدها جابولي بنتي شفتها شويا ورفعوها ياناري ماعدلتش عليها من الصدمة وبعتت مسج لامي عندهم صبح ((صباح الخير ياجديدة الحمد لله اني وماما نضنا بالسلامه حفيدتك فطومة)) مسكينة طول اتصلت وطبعا قلت الو وبدينا واني واياها نبكو معاش قدرنا نتكلمو
اااه تمنيتها جنبي

بعدين حولوني لحجرة اخرى ومشا المخدر بدا فيا الوجع الصح لين جابولي مسكن طول رقدت
والصبح اول مانضت قتلهم نبي بنتي رجعلي عقلي هههه والحمد لله ياربي تجربه طويله وصعبة تجربة الحمل لكن الحمد لله ثمرتها بنية صحيحة وعسوله ان شاء الله ربي يحفظهالي ويقدرني نربيها تربية صالحه يارب

[dr.loly]

المشاركة الأصلية كتبت بواسطة أمل ليبيا

هذه قصة ولادتي للحلوات


ليلة السبت الساعة 2 نص الليل بديت نحس بلية منتظمة تجيني تقريبا كل ستة او سبعة دقايق المهم قعدت نراقب فيها باش نتأكد انه طلق وطار النوم من عيوني للصبح قلت لزوجي وقلي خلي نمشو للمستشفى المهم مشينا درتلي الممرضه كشف قتلي 1 سانتي بس جاني احباط توقعته اكثر المهم قتلي روحي وماتجيش الا اذا نزلت منك مية او دم او بدت الوجعة كل 3 دقايق روحت ولقيت في الثلاجة معدنوس وكوسا وحاجات محاشي واني خاطري فيهم قلت غير بتفسد خلي نديرهم <<<توا بالك فيه
المهم لما تجي الوجعة نوقف شويا وبعدين نواصل لين كملتهم وتغدينا وبعدين كلمت امي ع السكايب قتلي خيره صوتك هكي قتله شئ غير نعسانه ربي يحفظها حست بيا تعبانه المهم لما جاء الوجع زاد وبدا كل 5 و 4 دقايق وبديت نمشي في الحوش ونشرب في مية زمزم وقعمزت في مية سخونه ونقول في اذكار تسهيل وبعدين نزل عليا دم مادورتاش قلت اكيد زي المرة الاولى المهم المغرب خلاص معاش قدرت نتحمل صلينا ورجعت للمستشفى تاني لقيت نفس الممرضة الحق ايدها خفيفة المهم دارتلي كشف قتلي 5 سانتي
الحمد لله واخيرا المهم ركبتلي الاجهزة والوجع الصناعي وطول طلبت الابرة ضربها ليا متخصص ماشاء الله ماحسيتهاش بكل واتصلو بدكتورتي جت وزوجي بجنبي بعدين بديت شويا ونرجع حشاكم وجتني رعشه وتلخبطت المهم الساعة 10 تماما كشفت وقتلي 10 سانتي ولادة جت الدكتورة والممرضات وحطولي الاكسجين ع وجهي وبدو بوش بوش
المهم للاسف من تأثير الابرة فقدت السيطرة ع نفسي ومعاش قدرت ندفع لين يغيب عليا النفس ونحس روحي بنموت بلا فايدة وجو معظم ممرضات القسم وكلهم يشجعو فيا ومعاهم زوجي وبلا فايدة بعدين قتلي لازم نشفطها حاولت 3 مرات وبلا فايده وبعدين قتلي لازم نفتحك هلبا وفتحتني بلا فايدة المهم زوجي داخ لما شافني تعبانه وشاف الدم <<<عابيه عليه بيساعدني
وقعدت لاخر لحظه ندعي وهما الممرضات يزنو ع الدكتولرة دخليها العمليات وبفضل ربي بعد ساعة ونص طلعت فطومتي <<<واخيرا
طبعا اني طول انهرت وبديت نبكي بأعلا صوت ويقولي زوجي نجيبهالك نقوله لالالالالا مانبيهاش ارفوعها غادي مانبيهاش

بعدين خيطتني قعدت ساعه لكن الحمد لله الدكتورة بارك الله فيها سايرتني لاخر لحظه وفكتني من العمليه غير لما نشوف حجابها وهي مسلمة سادتني
وبعدها جابولي بنتي شفتها شويا ورفعوها ياناري ماعدلتش عليها من الصدمة وبعتت مسج لامي عندهم صبح ((صباح الخير ياجديدة الحمد لله اني وماما نضنا بالسلامه حفيدتك فطومة)) مسكينة طول اتصلت وطبعا قلت الو وبدينا واني واياها نبكو معاش قدرنا نتكلمو
اااه تمنيتها جنبي

بعدين حولوني لحجرة اخرى ومشا المخدر بدا فيا الوجع الصح لين جابولي مسكن طول رقدت
والصبح اول مانضت قتلهم نبي بنتي رجعلي عقلي هههه والحمد لله ياربي تجربه طويله وصعبة تجربة الحمل لكن الحمد لله ثمرتها بنية صحيحة وعسوله ان شاء الله ربي يحفظهالي ويقدرني نربيها تربية صالحه يارب

رغم المصاعب والتعب يهون كل شئ بعد جت الامورة فطوم ..

ضروري من التعب حبيبتي .. وكله بأجره بأذن الله تعالى

موقفك مع امك أثر فينا اكيد وحتى نزل دموعي

ووجعني زوجك ان داااخ .

وجعني حتى زوجك ممكن هذه من بعض عيوب دخول الزوج


الاهم ان فطووم نورت دنيتك وبصحة كويسه وانتي وياها في احسن حال


هي اول خياطه صعبه بعدها معش تحسيها ان شاء الله ف الجيبه الثانيه



والف الف حمدلله سلامتكم مرة ثانيه...


وتيتي البيبي شاور ولا مازال؟

[أمل ليبيا]

فطومتي تبكي
مستااااااااااااحشتكم كلكم ان شاء الله فرصة تانيه نجي نكمل هدرزتي

في امان الله توا

[جوهرة ليبيا]

قصه ولادتك مؤلمه ومفرحه في نفس الوقت نزلت دموعي لموقف امك

فعلا منحسوش بتعب امهاتنا الا لما انولوا امهات ربي يحفظهم

انا من كثر متعقدت في ولادتي هادي مش قادره نكتب التفاصيل لاني بجد تعبت

خصوصا لما نبض قلبي مش منتظم قعد ساعتين وانا في الطوارئ تالت يوم عمليتي آآآآآه الحمد لله علي كل حال

بنوتي في حضني ورنو حالها باهي وراجلي مش مقصر معاي غير شن تبي ربي يحفظ كل اهلي واهاليكم ياارب

[جوهرة ليبيا]

حتي انا عسولتي تعافر بتنوض ربي يحفظها

تصبحوا علي الف خييييييييييييير

[أم أجنادين 80]

السلام عليكم
نكتبلكم من القطار
هههه قلت لزوجي زي قطار تونس بالضبط عقد يضحك
كأني في طيارة مش قطار
احني في البيسنس كلاس في الدور الثاني
وواي فاي مجاني مع شحن للايباد

هلا حبيبة خاتم ان شاء الله تكون زي اختنا واكثر

امولة يا امولة ليك وحشة يابنت الباين فطومة بتاخدك منا
قصتك اثرت فيا هلبة
ربي أعطاك الصبر وكبرت العقل عرفتي كيف تتصرفي
رغم انك صغيرة وبكرية
وبكيت علي موقفك انتي وأمك
انا لتوا من غير شي لما نسمع صوت لي شخص من اهلي
نمسك نفسي بالغصب

وينها طريقة فروسة للشيش طاووق

سوسو وين كنتي غايبة ماحكيتيش
كتبتلك رد طويل علي الافاد
الباين ماقريتيه
شن الاله اللي واخدتها للدجاج وبكم ومن وين

هنايا الآلات أشكال وأنواع مفكرة ناخد قبل مانروح
بعض الأشياء المميزة في اكسسوارات روعة لو شايفتهم
ام فراس الخاصات بغرفة نوم تحطي فيهم اكسسواراتك
علي شكل دمية وعدة أشكال شايفة منهم في ليبيا
بس هنايا عدة تشكيلات

[dr.loly]

المشاركة الأصلية كتبت بواسطة أم أجنادين 80

السلام عليكم
نكتبلكم من القطار
هههه قلت لزوجي زي قطار تونس بالضبط عقد يضحك
كأني في طيارة مش قطار
احني في البيسنس كلاس في الدور الثاني
وواي فاي مجاني مع شحن للايباد

هلا حبيبة خاتم ان شاء الله تكون زي اختنا واكثر

امولة يا امولة ليك وحشة يابنت الباين فطومة بتاخدك منا
قصتك اثرت فيا هلبة
ربي أعطاك الصبر وكبرت العقل عرفتي كيف تتصرفي
رغم انك صغيرة وبكرية
وبكيت علي موقفك انتي وأمك
انا لتوا من غير شي لما نسمع صوت لي شخص من اهلي
نمسك نفسي بالغصب

وينها طريقة فروسة للشيش طاووق

سوسو وين كنتي غايبة ماحكيتيش
كتبتلك رد طويل علي الافاد
الباين ماقريتيه
شن الاله اللي واخدتها للدجاج وبكم ومن وين

هنايا الآلات أشكال وأنواع مفكرة ناخد قبل مانروح
بعض الأشياء المميزة في اكسسوارات روعة لو شايفتهم
ام فراس الخاصات بغرفة نوم تحطي فيهم اكسسواراتك
علي شكل دمية وعدة أشكال شايفة منهم في ليبيا
بس هنايا عدة تشكيلات

ههه ماشاء الله جنوده اي شفتي التطور ياناري على ليبيا وخلاص

ما قالتها ليا الخمسية لي نعرفها هنا قالتلي تونس لي ماعندها نفط عندهم قطار مش نحن


ذكرتيني بقطار لما مشينا اسكتلندا نفس الجو حتي هووو واي فاي وشحن كيف ماتبي اي شئ تشحنه


خاطئ الضيافه الحلوة..

نحن حجزنا طاوله كامله واحلى شئ ف رحله كانت الريف والطبيعه من ع روشن








اينجوووووي

وماتنسيش اتصوريلنا صور من ال إي نفس مايقولولها






بالنسبه لتحف الاكسسوارات بالهبل هنا وحاجات خيال واحلى من ليبيا\\

ميزتهن كلاسيك وحاجه اصليه



شريت شجرة هكي فضة فيها كور كريستال بس جتني كبيره زي التحف كيف بنحط عليها الاكسسورارات



ههههه

وشريت صندوق بسيط للاستعمال هنا جلد اصلي بودري هادي



ننصحك لي تعجبك خوديها من توا بشوي اشوي خير



http://forum.hwaml.com/t278521-2.html


وهذه طريقة الشيش

[dr.loly]

مرحبا هدوووو وينك مختفيه .؟


والله نفس حيرتك بالضبط هههه

مش عارفه شن ناخدلهم بجد خواتي العرايس شريتلهن هن ال 2 مجموعه ارواب راقيه 3 كل وحده

وشريتلهن من الموديل هذا نفس لي بصورة 3 اشكال


وخديتلهن تحف كريستال ع هيئة عصاره برتقاااال كرستال فرنسي

وخديت لعربي وماما وخالاتي منهن

خوتي خديتلهم تي شيرتات راقيه وجاكات مازال كويشات

[dr.loly]

كاويشات لي هنا اسبيدروااات

وماما نفكر ناخدلها كيب فرو راقي

واختي الصغيره ف 3 ثانوي طلبت نقال ههه خدينالها جالاكسي 3

وخويا الكبير محتاره مازال ممكن سورية من الدفة من بيت العود والعنبر
ومعاها جاكة لان مايلبسش ف افرنجي

[dr.loly]

,والوالد نبو ناخدوله جاكة راقيه هك بمواصفات جاكاته واحلي هذه مخليتها ع ذوق زوجي

طبعا مع اشياء بسيطة


زوجي قال هلك لازم نااخدولهم حاجات كويسه لانهم عمرهم ماقصروا ف ابسط شئ



وهذا الاستايل لي قتلك عليه خديت منها لخواتي العرايس



لاصق ف بعضها زي القامجووو