بسم الله الرحمن الرحيم
اليوم بحي لكم قصة ولادتي طبعاُ هذي اول ولادة لي وكنت خايفه من الولاده ومن كلام الناس
بس الحمدلله الولاده تساهيل من رب العالمين
انا موعد ولادتي الدكتوره حددته 25 ابريل بس على حسبتي اني المفروض اولد 23 ابريل
كان عندي امل كبييير اني راح اولد بداية التاسع بس خاب املي ومع كلام خلاتي ان يطوفو ما
يولدو وفي البدايه المهم جاني احباط كبييير وانا في التاسع كل يوم اقول ان شاء الله اولد
ولا اولد لييين جا الاسبوع 39 هنا قلت بطووووف خلاص ويأست وكنت كل اسبوع اروح في التاسع للمستشفى كشوفات عاديه بس ما اخليها تفحصني داخلي تعرفون بكريه وخايفه هههه
ومن كثر الاحباط قلت للدكتوره وش مصيري اذا طوووف قالت لي نفحصك ونعطيك اسبوع زياده بعدين اذا ما ولدتي نعمل الازم المهم هذا يوم السبت لانا ما كنت الا بالام خفيفه مثل الدوره والطلق الكاذب قليل يجي وخفيف هذا الشي الا خلاني اقتنع اني بطول المهم
هنا بداية القصه >>> بدري
الساعه 12 في اليل زوجي نايم وانا اطقطق بالنت مسرحيات وقصص ولاده ادور شي اتسلى فيه
لييين اذن وصليت والساعه 5 صحيت زوجي وراح يسبح وكنت اللعب بالجوال
وكانت تجيني الام خفيفه وانا من يجي الالم من الحماس اني ادفع اتخيل نفسي اولد هههه
وهو ما يصلح بس من آخر اسبوع من الطفش اسويها المهم طنشت في الالم لانها خفيفه
ما اسمع تحت الا طق انا هنا قلت شنو هذا الصوت ليكون سدادة الرحم ما شفت نزل ما لني منسدحه وممده رجولي ومشبكتها على بعض >>> افهموها
المهم زوجي طلع من الحمام وانا اللعب بالجوال زوجي قالي شي وضحكت عليه
الا احس بشي ينفع بقوووه من تحت على طول سكت ووقفت وحسيت بأندفاع اكثر وعلى طول
الحمام وانا فراحانه متأمله خير ورحت شفت ماي بلل الكلوت شميته شفت ما له ريحه
رحت لزوجي وهو ينتظرني بالغرفه قالي شنو وانا فرحانه قلت الماي قالي تمام اجل جهزي نفسك بصلي انا رحت اخذت شور سريييع والماي تسيل واخذت شنطة البيبي ويلا علىمستشفى
حسيت تجني طلقات منتظمه كل خمس دقايق ما تطول ومؤلمه بس محتمله كنت في الطريق اسولف عادي مع زوجي واشوف البيبي يتحرك وانا اقول يتحرك يحليله احين بيطلع وبشوفه
المهم وصلنا 6 وربع جابو لي كرسي قلت ما احتاجه ورحنا لطابع الولاده كنت متخوفه
المستشفى هادئ مررره زوجي دق الباب على باب مكتوب فيه غرف الولاده والعمليات
وطلعت وحده قالت شنو فيها قال ما قال اجل ادخلي دخلت البوابه كبيره قالو لزوجي سوي اوراقها وروح من باب ثاني على طول لغرفتها دخلت وانا خااايفه مره المكان هادئ لمحت
بطن وحده بس ساكته هدووء الماكن دخلت فحصتني وعطتني ملابس وقالت لي نبي عينة بول
وعطوني ابره شرجيه بس حسيييت ما احد مهتم في البدايه >> متحمسه
حطت لي تخطيف طلقي بارد وزوجي كان معي لين 7 جات دكتوره تفحصني انا كنت خايفه
اول مره لأن قلت آآآآي قالت الدكتوره ليييش تره ما لمستك هديييت ومسكت حالي وادعييي
ربيييي ان يكون فاتح خلصت قالت لي ولاده انتِ فاتح 4 ما شاء الله انا طرت من الفرحه
ودخلو زوجي وبشرته المهم الساعه 9 ابي احد يفحصني تأخرو لنا الدكاتره يسوون عمليات
جات وحده وفحصتني قالت 4-5 تضايقت بس قلت الحمد لله اممم طبعاً حطولي مغذي ومضاد
حيوي عشان الاتهابات في فترة الحمل المهم 9 ونص جابت لي الممرضه غرشه قلت لها شنو هذا طلق صناعي قالت ايوه قلت ما ابي قالت الدكتوره قالت لي عشان انتِ المويه تنزل
انا قلت يمكن يسرع ولادتي استشرت زوجي قالي براحتك انتِ الا بتولدي مو انا المهم
قالو لي تبين ابرة الظهر قلت اممم في غيره قالت فيه مسكن المهم حطت لي الطلق الصناعي
والمسكن تخدرت وزوجي قالي بروح الدوام وبيجيك بسرعه قلت لا تطول كنت متخدره
ونمت من 9 ونص الا 10 وبعدها جاني ذااااك الالم الفضييع كنت اتعفر والدكاتره عند الباب حاطين طاوله ويسولفو وفاتحين الاب شوي ويطلون علي ليييين ما صرخت من الالم
الدكتوره جاتنيوالممرضه جهزت للولاده اساتنست ابي ارتاح ابي اولد قلت للدكتوره ابي ابرة الظهر قالت لي اذا هو اكثر من 5 ما راح نعطيك خلاص هالمره وهي تفحني اقول ان شاء الله
ما تحرك الا قالت لي 6-7 قلت لها بليييز ولديني دخلت صبعها تفحصني راح الالم قالت لي دفي مع الطلقه ما في فايده ادف تركتني قالت دفي بشوف ادف وهم ما فيه فايده قالت مو احين بتولدين قلت لااااااا بلييييز قلت عشرين دقيقه سكت ما اقدر اجادل بعدها زااااااد الطلللق
والالم 10 وربع وبعدها ما حسيت بشي من الابره اطلق واذا راحت الطلقه شوي اغفي
وكنت ادفع بقوووه وهم يقولو لا تدفعي انتِ 8 ولا كنت ادفع بطني لتحت عصبت الممرضه تقووول حرااااام ونبض البيبي ضعيييف وهو يبون يخلوني على جنب بس انا مو راضيه
عصبوووو علي قالو لي مو خايفه على البيبي وجهاز التخطيط يطلع صوت الانذار وانا من الالم
مو قادره بعدها حطت لي تخدير موضعي وتبي تشق انا كنت احس شوي صرخت صرخ
كأني بموت من الخوف عصبت علي تقولي جرررحتي نفسسسك ما شقتي شي يوم تحركتي
بعدها حاولت امسك نفسي وانا ادف وادف ما فيه فايده هم سكتو عني خلوني على راحتي
لاني عنيده بعدها ما اشوف نفسي الا حررررانه مرره وجبهتي تعرق وكانت ممرضه متدربه
تهويني وانا ابي افتح صدري بمووت ابي هوووا وانا احاول في الدفع ما اشوووف الا الكل
يقووول ايووووه اييييوه ادفعي بعععععد يلااااااا دفعت دفعتين حسيت البيبي ينزل من المهبل
بعدها ديت خفت يطلع ويعورني وهم يقولو ييلااااا سووووي بووووش طبعاً يمكن 8 في الغرفه
دفعت دفعه طلع شوي منه يعور صرخت بقووه وقالو يلااا وادف الدفعه الرابع والاخيره
ليين ما شقني زياده واصررررررخ صرخه من قووووة الام هذا اقوى شي لدرجة ارتفعت
من السرير وصرخت بكل قوتي لين ما طحت عالسرير تخدرت حسيت بحركه تحت شوي وافتح
عيني ما اشوف الا البيبي في بطني بس ما شفت وجهه ظهره وراسه من ورا حطيت يدي على ظهره ابي استوعب كان ساكت قلت لييه ما يصيح الكتوره معصبه عشان نبضه فكرته ميت اسم لله عليه بس كت تعبانه ما اسمع الا صوووته يصرخ بقووه خيطووني في نفس الوقت قلت لهم جيبي جوالي دقيت على زوجي قلت له ولدت ما استوعب وسكرت وجابو لي البيبي فديته
ما قددرت امسكه عشان يخطوني وودوه الحضانه بعد نمت ساعه بعدها اوتعيت ودقيت على
امي بشرتها ما احد يدري طبعاً انصدمت وفرررحت كثييير
رحت الساعه 6 ونص وولدت 11ونص ولدت في يوم حسبتي يعني قبل موعد الدكتوره بيومين ولادتي سهاله ولله الحمد
الم الطلق القوي بس ساعه وثلث احين صار لي شهر احس نسييت الالم
واقول الولاده مووو صعب وسهله صدقوووني الولاده سهاله من رب العالمين
ولا تفكرين تجيبن بيبي بدون الم الام موجود بس يفرق في المده والسهاله من رب العالمين
انصح الحوامل بالتمررررر كثري منه واقري سورة مريم
واحب اقول الولاده راح تجيك من الله لا توسوي مثلي جاتني وانا راح استعد للنوم
وما توقعت ولا جا على بالي سبحان الله
والله يسهل على كل حامل يا رب والسموحه اذا طولت