قصة ولادتي بحبيب قلبي (حيدر)

[السنيوره 21]

السلام عليكم ورحمة الله
شخباركم كروشات وامهات اليوم جايه اقول قصة ولادتي الغريبه العجيبه لكم طبعا موعد ولادتي كان يوم الجمعه 20_1_2012والدكتوره قالت لي اذا امولدتي قبل الموعد او في الموعد بعدها السبت روحي يوميا تخطيط انا سويت مثل ماقالت بس قبلها بيومين كان عندي وجع ورحت سوو فحص قالت سانتي ورحت ورجعت بعد يوم قالت لي لامو سانتي اقل انا طفشت وعصبت وقلت مابروح الا لمن ينزل الماي علي يوم الاحد 22كنت احس بشي دافي ينزل بس ماقلت لاحد غير اختي ومرت خالي وطلعت العصر رحت الممشى مع مرت خالي واختي نمشي وخذيت فره وحده وبعدها ماقدرت اكلمل لانه كان برد والماي ينزل واهم يقولون لي كان ماتولدين علينا قلت لهم لاماحس بطلق ولاوجع ولاشي وكنت لمن دخلت التاسع الورك اليمين عندي الم ثقل الحمل صار كله عليه وماقدرت اكمل مشي المهم مشينا رجعتهم البيت ورحت اسوي تخطيط الساعه 6المغرب لمن سوت التخطيط قالت لازم تنويم علشان وقت التخطيط البيبي ماتحرك بيحطون علي بخار ومغذي علشان يطمنون وبيطلعوني قلت لها اوك بس احش شي دافي ينزل علي مثل الماي قالت خل اسوي فحص قلت لها لازم قالت اي ورحت سوت فحص قالت 2سانتي انا هني خفت ونادت زوجي وقالت له خلاص ولاده قمت ابجي واقول لها بروح البيت اجيب اغراضي وامي قالت لامايصير وزوجي يضحك يقولي خلاص بتولدين المهم سلمت امري وسوا زوجي الاوراق ولبسوني لبس الولاده ودخلوني القسم حق الولاده ودخلوني الغرفه وانا ابجي وخايفه وارتفع ضغطي من الخوف قالو مايصير تولدين جذي لاتخافين ولاشي المهم شوي شوي وهديت والماي ينزل علي وتخطيط ومغذي وحاله وانا بس اطالع فيهم شيسون ولااتكلم ولاشي زين زين ابتسم لهم شوي اسمع صوت التلفون حقهم يرن الازوجي يسالهم كم وصلت قالو له باقي 2سانتي شوس اسمع صوت امي تسالهم عني قالو لها 3وانا اترجاهم دخلو امي مارضو شوي على الساعه11قام يجي الوجع ورابعض وانا بس ابجي وحاطه راسي بالسرير ولااصارخ ولاشي بس اخذ نفس ولافي فايده الساع 12 وشي قالو 7سانتي وقالت الدكتوره تبين ابرة الم قلت لها اي وتقول للهنديه الله لايوفقها والهنديه تقص علي تطلع وماتجي الابعدين ونفس الشي ماتعطيني الابره مرتين سوت الحركه وعصبت من الوجع وانا ابي الابره واقول للدكتوره ابي الابه ماعطتني شي تقصون علي وتهاوشها وتخليها تعطيني وعلى الساعه2الليل الاتقول 10سانتي ويلا دفعي وانا ادفع مره وحده ويطلع حبيب قلبي النتفه حيدر وقامت تخيط وانا اقول لها ترى احس شوي وتعطيني بنج يمكن 3مرات وتسوي لي انا اول مره اعطي احد بنج خياط هالكثر ومعصبه هاذي الهندي والحمدلله وصل ولدي بالسلامه والصحه التامه ويرزق الي ماعندها ويسهل على كل حامل والله يعني الولد وسوري طولت عليكم وهاذي كل قصتي وادعو لي الله يحفظ لي ولدي ويخليه بصحه وعافيه

[تحكمني قناعاتي]

الحمدلله على السلامة بالغة بحيدر معرس ان شاءلله

[غيوده]

الحمد لله على سلامتك حبيبتي وانشالله عقبالنا

[Joana]

الف مبروك الف مبروك...و الله يبلغك فيه يارب...

[shohrah]

الف الف الف مبروك حبيبتي
والحمد لله على سلامتك
و سلامة حيدر
الله يجعله من مواليد السعادة

[تيرا]

الف مبرووووووووووووووك والحمدلله على سلااااااااامتك

[زهرة حيااتي]

ألف مبروووك والحمدلله على سلامتك وسلامة حيدر وبالغه فيه معرس ان شاء الله ^_^

[السنيوره 21]

مشكورين حبايب قلبي على الردود والله يرزقكم ويسهل عليكم

[سرووءة]

الف الف مبروك
والحمدلله عالسلامة
يتربى بعزكن يارب

[ياشمس عمري]

الف مبروك عليكي وعقبالنا