الطبيب اليوم خوفني وطير النوم من راسي ( زيادة المويات حول الجنين ) هل من خطر ؟ ريحوني

[كِنـــدا]

حيهم


يابنات انا فيني هم مايعلم به الا الله

ومالي الا الله ثم انتم



انا الان في الاسبوع 37 تقريبا يعني في اخر التاسع


واليوم موعد مراجعتي

قال لي الطبيب عندك ارتفاع طفيف في ضغط الدم بس الحمد لله رجع يقيسه لي بعد نصف ساعة ورجع يضبط

المشكلة الثانيه

انه يقول كأنوا المويه الي حولين الجنين زايدة شوي

قلت له يعني خطر ؟

قال لا مو زايده كثير ، زايده شوي ، لاتقريبا مو زياده << هذا كان كلامه يعني مابين وبين


وتعرفون انتم اذا صار طبيب يكون كلامه قليل مو مثل الطبيبة تفصل الكلام وتحكي

حسيت انه خوفني ومافهمت له


بس انا دايما اسمع بنقص موية الجنين وانها خطيرة

بس الزيادة اول مره اسمع بها


سألني اذا سويت تحليل الشكر قلت له سويته والحمد لله مافي سكر


اعطاني موعد بعد اسبوع يعني الاثنين الجاي عشان يسوي لي اشعه صوتيه ويشوف تخطيط القلب وكل حاجه


رجعت البيت ابي انام ، ابي ارتاح مو قااااااااااااااااااادره


مدري افكر بضغط الدم المرتفع ولا هالمويات الي خوفتني



فتحت النت ابحث في قوقال

وياليتني مابحثت

لقيت نتايج ترووووووع لحوامل عندهم زيادة في المويه


الي تقول تشوه والي تقول خطر والي تقول مدري ايش

انا مت رعب ونفسيتي دمآر جدا منتهيه



وضغطي مؤكد بيرجع يرتفع مع هالهم


والله اني ادور في البيت مثل المجنونة وارجع اتعوذ من ابليس


مدري وش اسوي بعمري


ساعات اقنع نفسي واقول لو الطبيب حس انو فيه خطورة شديدة ماراح يخليني اطلع من المستشفى

اذا الضغط مرتفع ارتفاع طفيف ومارضى اطلع الى ان يعتدل فكيف المويات ؟


وساعات اقول يمكن لأنو طبيب والرجل متفائل ؟

وساعات اقول لوكان وضعي خطير كان اعطاني موعد الأشعة بكرة مو بعد اسبوع



يارب رحمتك أرجو


ريحوني


وش سبب زيادة هالمويات ؟
ووين تكمن خظورتها ؟
ووش اسوي عشان تقل؟
وليه اصلا زادت ؟

مع العلم اني كثير اشرب مويه واعشق المويه بشكل عام


ريحوني الهي يريحكم دنيا واخره

[طبيبة القلوب]

خيتو ربنا يسهلك امرك ,,
شوفي لاتقهري نفسك بكلام طبيب هو نفسه مو واثق من تشخيصه ....
ياعيب عليه ... مو قادر يعطيكي كلام نهائي ...
لا تخافي وتوكلي ع الله ...
وماعليكي شر

[كِنـــدا]

المشاركة الأصلية كتبت بواسطة طبيبة القلوب

خيتو ربنا يسهلك امرك ,,
شوفي لاتقهري نفسك بكلام طبيب هو نفسه مو واثق من تشخيصه ....
ياعيب عليه ... مو قادر يعطيكي كلام نهائي ...
لا تخافي وتوكلي ع الله ...
وماعليكي شر

الله كريم

هو يحكي وهو يطالع السونار يعني يفكر بصوت عالي شكله


بس لو الامر خطير اتوقع ماراح يطلعوني او على الاقل بيواعدني من بكره عشان اسوي اشعه ثانيه صح ولالا ؟

[صدفة عمر]

::


ي قلبي انتي النت لاتدخلية اذا بتبحثي عن شيء

لانة كلة حكي ناس مو حكي اطباء

وكثرة الموية افضل من قلتها

انا من الشهر السابع ببنتي البكر المويالت كانت كثيرة مررررررررررة

وقالوا لازم تحليل سكر مع اني سويت تحليل بول وانتي بكرامة قالوا مافي سكر

بداية الحمل بس السكر مايبين الا في نهاية السادس

(سكر الحمل ) وسويتة طلع السكر عالي مرة

واخذت ابر انسولين وكنت متخوفة اكثر منك

لانو مويات الجنين لاحظو كثرها من بدري لدرجة قالوا تولدي نهاية الثامن

قبل ماتتكون الرئة وقالوا تاخذي ابرة عشان الرئة بسرعة تتكون وخرابيط

بس انا وكلت امري لربي وسكرت اذاني

مع انو دكتورتي كانت شاطرة ولما اخذت في التاسع 5 ايام

ولدوني اجباري عشان خافوا قالوا وزن النونو 4 كيلو الا ربع

وولدت يوم ولدت وزنها كان 2,900 يعني ماصار 3 كيلو

وولدي هذا كمان قالو اسبوعين من التاسع تولدي ووزنة مرة كبير من السابع

كانو يقولوا وزنة مثل 8 شهور يعني اذا الزيادة كذا راح

قلبة يتعب وممكن يموت سرت ابكي وما انام

واخرها صبرت نفسي قلت كذب زي كذبة بنتي

والتشوهات والموت ماله سبب الا قضاء وقدر

ابتعدت عن الحلا عشان السكر رجع معي بحملي

بس مو لدرجة انسولين بس حمية والحمد لله عشرت وجبتة

ووزنة حلو 3 ونص ي رب لك الحمد

وكلهم صحتهم حلوة ي رب لك الحمد

بس كثرة الموية ماتيجب تشوهات بس تضخم حجم النونو

يعني اذا قالوا لك وزنة 5 كيلو يحق لك تخافي

وغيرة لا وبس ي قلبي

اية افتكرت لمن ولدت ببنتي طبعا روحت وانا مافية طلق

لازم اولد بالعافية ويوم نزلت الموية الممرضات والدكتورة

تفاجئو من كثر الموية حول الجنين لما نزلت وانا تفاجئت لانو

مو مبين ع بطني الكبر فين كانت الموية هذي وبس




::

[دمعة الفراق]

حبيبتى انتى الى رح تقتلى نفسك بنفسك كثر التفكير وقلت النوم
رح ترفع الضغط عليج
باختصار لو فيه شى خطير كان سولج عمليه قيصريه
مارح يخليج تطلعى من المستشفى
حصنى نفسج واقرى الاذكار والقران
لابذكرلله تطمان القلوب

[اسماء الجابر]

انا ولدت قبل شهرين
ولما دخلت التاسع تقريبا اسبوعين قالت لي الدكتوره المويات زايده
ماهتميت بنهاية التاسع زادت الالام شد بلبطن لانو اهملت نفسي وماراجعت والنتيجه زاد حجم الجنين ولدت بعمليه بدون ماتجيني اعراض حمل
نصيحتي لاتهملي نفسك مثلي طالما دخلتي التاسع راجعي كل اسبوع
الله يسهلك ولادتك ويكون وياك

[حلمي اشوفك دنيتي]

الله يطمنك يارب ويرزقك بالطفل السليم المعافى

[كِنـــدا]

الله يريح بالكم ويطمنكم ريحتوني الهي يسعدكم

[ليتني]

ان شاء الله مافيه الا كل خير
وتولدي بالسلامه انتي والبيبي

[كِنـــدا]

يارب ان شاء الله

مشكوره غلاتي