ديوانية البحرين - دردشة حوامل البحرين - البحرينيات

[طفلي حياتي]

الله يسهل امرش ام حسين وينور حسين الدنيا وتبشرينه بولادتش بالسلامه في وقتش انشاء الله
يا الله نسألكم الدعاء وتصبحون على خير

[ام السادة]

الله يقومش بالسلامه يالورده وتبشرينه بجيت الغالي حسوون

هلااا ام زنوبب يا الله انتين اول وحده لازم تحمل خخخ

[أحلام أم]

هلاااااا جيت أدندق عليكم يعني أطل عليكم مادري هالجلمة من وين سامعتنها عفر من صوب بيت أم السادة ههههه
شحوالكم أني الأنسة دودو ضيفة عندي وتسلم عليكم وتقول أنتم اللاحقون بتروح تزوركم وبرزوا ضيافتها

[حنين للماضي]

شكراً ام ملوك على الرد
اني خديت كيكة جوكليت جاهزة بس بفتفتها عجل
سؤال ثاني اذا ماعليش امر مادري ليش اذا اسوي محلبية لعلوان تصير خفيفة كل يوم ازيد كمية العيش بعد بعد خفيفة واضطر اخطلها بسيريلاك
على فكرة اني استخدم حليبه الصناعي في تجهيز المحلبية
يعني تعتقدين من الحليب الصناعي ماتصير غليظة؟؟؟
ناس تقول عادي تعطينه حليب عادي مخفف بماي وناس تقول مو زين\احترت بصراحة
صدق اليوم عطيته كورن فليكس عجبه

ام السادة حركات زنوب اضحك هههههههه
الله يخليها ان شاءالله

ام حسين الله يقومش بالسلامة واجين بعد يومين تبشرينا بخبر ولادتش

ام علي حيا الله بالحلوة
شخبار هنوي ؟؟؟
وشخبار ايدش ان شاءالله احسن
منهي دودو؟؟؟
سلمي عليها على العموم

ام زنوب يبي ليش تحملين عشان تشجعينا شوي ونتحرك على عمرنا

[شمس الصباح]

اني للحين مانمت غير ساعة واعيوني بتنصك كلش مو قادرة اذا نامت ملاك اروح ابغي انام تطير النومة واذا قعدت تجيني النومة

ام السادة عليكم بالعافية بس جان جبتين صحن الي ام يوسف له

ام حسين الدار ربي يسلمش ويردش الي بيتش مع حسون بالسلامة

احلام ام شكرا اني دودو توني مخلصة منها من ثاني يوم من شهر رمضان شرفت ودبحتني من الدوخة تقولين حامل الحين اني عروووووووس خخخخخخخخخخخخ على فكرة اني اسمهيا ميمي

حنوووون اني اعطي ملاك مهلبية فيها حليب عادي انتين جربي عليه اول شي كفشة كفشتين اذا اوكي اعطيه وحاولي تعطينه دجاج مهروس وسمج ولحم مفروم بس لا تكثرين من اللحم والدجاج اعطيه الصدر لان فيه الياف وبسرعة ينطحن في الخلاط ما يصير خيوط مثل الفخد ممممممممممم اي بعد اعطيه عنب وكرز زين بس قشريه وشيلي البذور وحاولي تحطين شوفان مع طماط مثل الشوربة بس غليظة مثل العيش ومضروبة عيش بيضة احنا نسميها عرسيه والحمراء مضروبة كل مرة ذوقيه شي الحين علاوي كبر ما يصير بس على الخضروات والفواكة بس

طف طوووووووف ويش رايش تجيبن خت لو اخو الي زنووووووب ولج علي كل يوم رازة الويه في المنتدى هاااااااااه شنو قلتين

[ام السادة]

هلا بيكم هلاااا شحوااالكم
احلام ام شحوالش شخبارش ويش مسويه تعالي الا بسالش اني اقول ادندق خخخخخ يعني ويش هالجلمه بعد ههههههههههههههههههههههههه


حنونه خلف جبدي بعدش ما شفتين شي باطرشهاا لش جم يوم عشااان تسوي لش جووو خوووش جووو

ام يوسف يالقمرر افاا عليش اسوي لش وحده خصوصي مو صحن ويش صحن بخيله شايفتني يعني <<مصدقه روحهاا ام الكرم خخخخخ

تعالوا على طاري انسه دودو وميمي امس تكرمون نزل عليي نوع البني شوي وقت صلاة الصبح وبعدين ما شفت شي حتى اغتسلت وصليت والى اليوم مافي شي مع العلم انه موعدهاا هالاياام الله يسترر جاان موو اني الا افتتح سالفة الحمااال مع انه ما صاار وشسمه في الوشسمه خخخخخ من الهوى مثلاا ربنا يسترر

باقي الشعب المكاافح يا الله كثروو الطلات رحم الله والديكم ناس ماتجي الا بالدز يا الله اهووو بسرعه تعالوا وكل وحده تجيب ليي شي من فطورهاا سريييييع عجيب

[شمس الصباح]

فيني نومة

اووووووووو ام السادة مبروك الحمال راح تجبين سيد هاشم ان شاء الله بعد ثمان اشهر عجل اني ابغي كيكة مو بس وحده ابغي لكل بيت من جيرانا كيكة من ايدش بمناسبة الحمل خخخخخخخ

[أحلام أم]

هلا شحوالكم
أم السادة
لاتعتبين علييييهم كل وحدة مقابلة بنتها لو ولدها والفرن والطبخات وإللي ترضع بعد رايحه عليها متجمعه عليها مايأذن وهي مصدقة وبعد الفطور يجهزووووون للحوامه خخخخخخ
يمكن أنسة دودو مترددة تضيف عندش لو تجننش أول يمكن من الرضاعه متخربطه
تعالي أم السادة (أدندق )هههه جان مهي جلمة مي زينه خخخخ،أني سمعتها من ديرة بيت عمش وعمي وفهمتها يعني أطل بسرعه وأمشي ههههه
حنين أم علي
أحد مايعرف أنسة دودو يعني الدورة خخخ
هنوووي مجنني حتى في شهر رمضان يتعلف ويصيح وألحين يبى تدورين به ماأضن أنيمة وشوي ويرد يقعد مغتفصة
إيدي تصير شوي زينه بس من أكثر شغل تبدي عليي أتحاشى أرفع شي ثقيل بها مثلا المكنسة دبة الماي لين رفعتها أصرخ من الألم وكأنها بتنفصل
الله يحفظ علاوي وهني وعافية عليه
شمس
أني الأنسة دودو ليها مسميات وااايد ،ذكرتيني بالخدامة ميمي إللي كانت عندي وإللي من عقبها كرهت الخدم وحرمت غيرها


نفسي أروح درس القرأن مال النسوان أو فعالية رمضان النسائية في ديرة الحب للحين ماحسيت بشهر رمضان عدل

[ام احلى قمر]

سلام
شحوااااااالكم
وحشتوني من زمان ما أطل عليكم كله دايخة وابي انام حتى الفطور ما ابدي اسوي االا ساعة 4 خيابتي
يلا الي عندها طبخة سهلة وحليوة وخفيفة تقول حق يوم الخميس عندي ضيوف ومتحيرة ويش اسوي ,,,, اني حجزت العيس والثريد من مطبخ لكن ابي طبخات خفيفة اني اسويها في البيت
وسلامي
لكل وحدة فيكم ولا تنسونا من الدعاء

[شمس الصباح]

الكل في المطبخ يالا تعالو له خلونا نشوفكم اشوي ويش هالحالة

ام احلى قمر سوي اليهم خنفروش وخصوصا انه ما يخترب وتقدرين تسوينه قبل بيوم وكيكة ام يوسف خخخخخخ سبق ووصفتها ولذيذة كل من تذوقها تعجبة واما من ناحية العيش سوي مندي دجاج ما في اسهل منه معكرونة وخلية العسل وجيز كيك ولا تنسين الشوربة في اشياء وايد بس الحين مشغولة والله جان سدحت ليش الطريقة (على قولت ام سيد مصطفى )
على فكرة اني عندي طريقة خنفروش عجيبة وسويتها يوم تجمع البنات