الي جاها اكتئاب بعد الولادة تدخل بلييز

[ام قابوس]

كيف حالكم إن شاء الله دائما بخير ؟
من جاها اكتئاب بعد الولادة وبشو حسيتي والاعراض مثل ويش وكم مدة استمر معك وكيف عالجتي

وفالكم طيب يااخواتي افيدونا بتجاربكن مع الاكتئاب

[نبض قلب حمني]

هلا والله

حبيبتي وانا والد مادري اي اسبوع صراحه
بس جاني اكتاب لدرجه اني مالي خلق اشوف احد وطول الوقت ابكي وابي ارجع لزوجي

لدرجه ان زوجي قال تعالي الشقه وجيبي امك معك بس لاتسوين كذا

احس انه غصب عني مو بيدي حتى بالليل ماقدر انام

تضايقت مره
ورحت لزوجي من العصر طلعت معه ورجعت بالليل تمشينا وغيرت جو وكذا احس اني مررره
ارتحت

طبعا يمكن استمرت اسبوع معي تقريبا

[ام قابوس]

جزاكي خيرنبض قلب حمني

انزين كنتي من ويش تخافي وكيف كنتي توسوسي

[wooow!]

اولا شكرا عالطرح هذا ممكن يفيد الكثيرات...
انا يا عزيزتي صارلي والدة تقريبا اربعين يوم جاني اكتئاب بعد الولادة باسبوع
تقريبا واحس الى الان لكن اخف من قبل...
صرت ااحس انه الدنيا ضيقة من حولي وان نفسي ضايق واني ما اتحررت من تعب الوحام بماانه بيستمر عندي في حمولي لاخر يوم..ظليت فترة بعد الولادة احس
بلوعة ونفسي تقلب..ومانام بالليل وتجيني وساوس رهيبة زي انهم ممكن يكونو بدلو طفلتي في المشفى لاسمح الله وفي قرارة نفسي بعرف انه مستحيل بس وساوس
ماقدرت اتغلب عليها وماحدا قدر يساعدني لحتى الان وانا تروح وتجيني اوهام
والله لحد الان مااحس بفرحة الولادة زي الناس..
والله المستعان

[!راما!]

جاني اكتئاب نفسي قوووي
وخوووف بنفس الوقت
كنت داااااااااااااااااااايم ابكي ابكي ابكي
كان زوجي دايم يساعدني يجي ياخذني يمشيني
بس ترا اتوقع انه من المكان الي انتي جالسه فيه
لازم تكون الغرفه الي انتي تبين تجلسي فيها تكوني تحبيها
ماانصح تجلسب في غرفه كئيبه مظلمهالنور لااازمدايم شغال يكون لونه اصفر مو ابيض
اخر ولادة لي سوي كذا وربي ما جاني اي اكتئاب عير ولادتي اولا

[عازفة اوتار الامل]

انا نفس الشي جاني اكتئاب ولاده وجلس معاي يمكن 3 شهور امي جات عندي بالبيت وجلست معاي ثلاث ايام ولمن راحت تعبت نفسيتي من جد الكل كان لاهي عني ام زوجي لاهيه مع عيالها لانو كان ايام امتحانات وزوجي المحترم كان يتابع مباريات ولا حتى كلف على نفسه وجابي لي هديه بعد الولاده بس
وكرهت ولدي بشكل مو طبيعي والله استمرت اكرهه لمن صار عمره ست شهور مدري ليش احس ما تقبلته ابد
وهذي حكايتي

[صبر ايوووب]

آآآآآآآآآآآآآآآآآآآآآآه ياااااااارب انا بعد احسني تعبانة وقرفانة من كل شي البيبي احس احيان اني مااحبه واحيان يحزني واولادي وزوجي كل شي غريب آآآآآآآآآآآآآآآآآآآآه يارب تفرجها,,

[ريم ام لولو]

انا جاني وانا والده ببنتي اصيح وماابي الناس وماابي بنتي بس اناظرها وهي نايمه واصيح والناس عندي اذا احد كلمني صحت
وحتى اتذكر اول يوم رجعت فيه لبيتي كنت اتصل على امي واصيح واقولها ماابيها ودوها الملجاء خذوها موتوها واللحين لو تفارقني دقيقه انهبل

يارب ولادتي هذي مايجني

[ام اسكندر]

تعوذي من الشيطان

[عشيري2000]

لاحول ولا قوه الا بالله

انا لي 11يوم والده يجيني بس على خفيف وانا عشان ولادتي صايره في دراسه وجو كئيب الناس

ينامون بدري ومافيه زيارات الا في نهايه الاسبوع وعيالي يروحون لجدتهم واجلس عند اهلي

هدؤ ممل وروتين قاتل تحسين انك في سجن تبين تروحين وتجين وتدخلين السوق وتروحين

لزوجك وتاكلين من مطعم تبين تلسين وتبين وتبين وتبين وياكثر ماتبين ولا يحصل لك

تحسين انك مخنوقه بس اقول لنفسي واقولك ولغيرك حطي في بالك هذي النقاط

1/ان مع العسرا يسرى
2/اللي صبرنا 9شهور يصبرنا هذي الفتره
3/البسي قفاز واقري سوره البقره وابكي على خفيف لان البكاء يريح
4/اذا طاب جرحك خلاص اطلعي مع زوجك تمشي ماعليك من الناس
5/ومثل ماصار الحمل ذكرى هذي المرحله بتصير ذكرى ماراح يتوقف الوقت عليها صدقيني
6/اذا جتك مبالغ من الاقارب ادخلي السوق واشتري ملابس ومكياج لو على خفيف بس بتتغير نفسيتك
7/اذا عادي خلي زوجك ينوم عندك يوم او روحي لبيتك يوم وارجعي يعني خذي حنان وارجعي هههههه
8/تفائلي واحسني الظن بالله وانه دايم معك ويشوفك من فوق 7سموات ويحفضك انتي وولدك

9/اذكار الصباح والمساء لاتخلينها واستشعريها وانتي تقرينها

10/خلك دايم مبتسمه وايجابيه وتعوذي من الشيطان الرجيم

اتمنى ان كلامي ينفعني قبل ماينفعكم وان شاء الله ربي يقومنا بالسلامه حبايبي