(موضوع للنقاش) .. محتارة في سرير طفلك .. أو غرفة نومة .. تعالي نفيد بعض

غيبتك تنهي حضوري · 10-05-2011, 10:50 AM

موضوعك حلووو صرااحه..
أنا شخصيآ حابه أخذ له سرير يعني له ولفتره حتى يكبر..
دورت بمذركير بس غاليه..ودورت بمحل اسمه الام والطفل بس ماعجبتني كثير..
ورحت سنتربوينت وعجبتني اسرتهم ..وأهم شي عجبت زوجي..
لقيت واحد حلوو مرره ويجلس لعمر الطفل 4سنوات وسعرهـ 700 ريال
ومفارشهم حلوه صراحه كثير بس لسه مافتشت فيها ولاشفت اسعارها
ان شاءالله اذا دخلت التاسع بروح آخذ السرير واغراض السرير
تفاديآ للزحمه خخخ لاني بحطه في غرفتي وماباخذ له لادولاب ولامدري ايش وايش بس سرير غرفتي فيها ادراج كثيرهـ مايحتاج اكركب الغرفه زيادهـ...
وبس شكرآآآ لك ع موضوعك حلوو جد للنقاش..

دمواع الواله · 10-05-2011, 11:53 AM

هلا اختي البنات ماقصور مشاءالله انه
نفسك اول حمل لي مش عرف من وين اجهز كل شي من اغرض البيبي والنفاس وتوزيعات
طبعني بي اني وحدة اهلي بنوته نفسي اسوي كل شي مميز من الي اتمنه تسعدوني لني مالي خبره لني اصغر اخون الله يحفظه 17 سنه يعني حتي امي نست تجهزات الو لادة

Um Dana · 10-07-2011, 09:49 AM

هلا وغلا يا كروشات .. شلونكم اليوم .. ؟

تصدقون فخوذي تعورين مدري ليش مع نهاية ظهري .. خايفة كثير والبيبي ما تحرك يوم كامل .. الله يستررر ..

المهم حبيباتي .. رحت الظهران مول امس .. ودخلت مذر كير ..

لقيت حاطين تخفيضات مرره حلوة ع الاثاث .. يعني المهد السرير ع قولتهم بـ 800 او 700 ... حلوة التخفيضات حقتهم ..

وشفت الالبوم حقهم وسالت العامل .. قالي انتي شوفي الموديل إلي تبين واحنا بنجيبة لك .. لانهم ما يعرضون بالمحل كل شئ ..

وصراحة عجبني سرير مهد ابيض ينزل السور حقه من الجهتين إذا كبر البيبي .. وصار فوق 3 سنين .. والدولاب حق تسفيط مررره حلو وعملي .. وفوقة رف التبديل ..

صراحة 4 في واحد هالطقم ..

يعني مهد , وسرير , ودولاب , وتبديل ...

بس سعر الـ دولاب مدري بكم ... لما يجي معاي بو الشباب بقرر ..

رحت مع امي انا .. وامي قالت فصلي احسن .. وانا مالي خلق عوار راس .. قلت بشوف راي زوجي وبدور كم محل اليوم إن شاء الله .. وبقرر .. بس خايفة تروح تخفيضات السرير والفراشات علي ...

وانتوا حلوات وشو سويتوا .. ؟؟؟؟

Um Dana · 10-09-2011, 04:59 AM

لا اله الا الله محمد رسول الله ..

ايليان · 10-09-2011, 07:32 AM

مررا حلووو موضوعك
وجا بوقته لاني حييل حيل حايسه ماني عارفه كيف اخذ سريره
يعني حق النفااس كنت باخذ الي يجي وسط وعليه زي المثلث من فوق خخخخخخ<<وصف عجيب
بس يقولوت للاربعيين وبس مايفيدني كم شهر قدام !!
حرام والله اسعارهم ب500 ارخص واحد ب300 حتي من المحلات عاديه
يعني انا مو مقتنعه ليه مايكفي البيبي لين عمر 4 او 5 شهور احسه صغيير البيبي
بيكفيه اذا كبر شوي وتقلب وتحرك مثلا شرينا السرير الكبير
بس ع الاقل احلل قيمته ذا مو بس للانفاااس

جدا محتاره

حتي مفرش تقديم البيبي للضيوف مدري شاخذ وكم قطعه يحتاج

وه الله يعيين استفيد منكم ان شاءلله

أم عبدالرحمن السلفية · 10-09-2011, 07:47 AM

دخلت ابغى آخذ فكرة في سرر حلوة في ايكيا عاملين تخفيض بكاتلوج 2012 من 245 ريال إلى 500ريال اسعارهم لكن لسى ما رحت لهم

ضحكة الأمطار · 10-10-2011, 12:15 AM

لسى ماجهزت والتجهيز ماخذ كل تفكير
شفت سرير ودولاب بسنتر بس اسعارهم ماشاء الله وهم عجبوني وحطيتهم بالي

لاني ابي لونهم أبيض
ام المفرش بسووي عند وحده ان شاء الله
ياليت الي تعرف محلات بالأحساء حق سرير البيبي ودولاب تدلني عليهم بس يكون لونهم ابيض والسعر مناسب
خااطر يصير تجهيز البيبي حلوو وانبسط فيه

ضحكة الأمطار · 10-10-2011, 12:17 AM

ياليت بعد الي عنده سرير ودولاب مستعملين بس مو كثير للبيع

Um Dana · 10-10-2011, 07:15 PM

حبيباتي انا بعد لسسه ما قررت ... متررده .. ومدري والله شنو اسوي ...

اوف اوف تعبت من التفكيييييييييييييرررر ..

اميره الالماس · 10-10-2011, 07:18 PM

بنات الكل يمدح سنتر بوينت

يعني راح القا سرير ودولاب هذولي بحطهم في بيتي

لاني بالنفاس راح
ح اروح عند اهلي

ومفكره اشتري السرير الصغير واجيب هذي مدري شنو اسمها مثل الدولاب

تحطين فيها ملابس البيبي لها سحابات مدري شنو اسمها

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
موضوع للنقاش	ملاك في عين زوجها	منتدى الحياة الأسرية والزوجية	5	03-05-2011 12:16 PM
موضوع للنقاش	خطوة بريئه	منتدى الحياة الأسرية والزوجية	29	02-28-2011 05:38 PM
موضوع للنقاش عاااااااااجل؟؟؟؟؟؟	أم نوارة	منتدى الحياة الأسرية والزوجية	11	01-18-2011 12:44 PM
موضوع للنقاش	دلوعته واحبه حبيبيf	منتدى أعراض الحمل والوحام	12	01-09-2011 01:15 AM